དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.79.a

Saddharma­smṛtyupasthāna
F.79.a, volume 69, Degé Kangyur

པོའི་འོད་ཀྱིས་བརྒྱན་པ། ཆུ་བོ་དང་། སྟེགས་དང་། ཚལ་དང་། སྐྱེད་མོས་ཚལ་དག་གིས་བརྒྱན་པའི་ཡུལ་ཉམས་དགའ་བའི་ཚལ་རྣམས་ལ་སྟེན་པར་བྱེད་པ། འདོད་པ་མང་པོ་ལ་སྙིང་ཆགས་པ་དག་ཡུལ་གྱི་བདེ་བ་དེས་ལྷའི་འཇིག་རྟེན་གྱི་མཐའ་འདི་ལྟུང་བར་ཁོང་དུ་མི་ཆུད་དོ། །​དེ་ལྟར་ཡུལ་གྱི་སྲེད་པས་ཡོངས་སུ་བསླུས་པ་དེ། ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པའི་ལས་དེ་ཟད་པར་མ་གྱུར་པ་དེ་སྲིད་དུ་ལྷའི་འཇིག་རྟེན་དེ་དག་ན་དགའ་བར་བྱེད། ཡོངས་སུ་སྤྱོད་པར་བྱེད་དོ། །​དེ་ཕྱིས་ལྷའི་འཇིག་རྟེན་དེ་ནས་འཆི་བར་འགྱུར་ཏེ། ཤི་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་སེམས་ཅན་དམྱལ་བ་དང་། ཡི་དགས་དང་། དུད་འགྲོའི་ནང་དུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་ཡུལ་རྟག་ཏུ་བསིལ་བར་སྐྱེ་བར་འགྱུར་ཏེ། ཡུལ་གནོད་པ་མེད་པ་དང་། མཚོན་ཆ་དང་། དགོན་པ་དང་། ལོ་ཉེས་འབྱུང་བ་དང་བྲལ་བའི་ཡུལ་རྣམས་སུ་སྐྱེ་ལ། སྐྱེ་བོ་ཀུན་གྱིས་མཆོད་པར་འགྱུར་བ་མཐོང་ངོ་། །​དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ལྷ་ལག་ན་ཡོལ་གོ་ཐོགས་པ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པའམ་ལྷའི་མིག་གིས་ལྷ་ལག་ན་ཡོལ་གོ་ཐོགས་པ་རྣམས་ཀྱི་གནས་སྤྱི་གཙུག་ཐར་ཅེས་བྱ་བ་ཇི་ལྟར་འདུག་པ་མཐོང་ངོ་། །​དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། རྒྱལ་པོ་ལ་གནོད་པ་བྱེད་པའི་མི་སྤྱི་གཙུག་ནས་བཟུང་སྟེ་སྤྱངས་པ་དང་། སྡུག་བསྔལ་བ་ལས་གང་གིས་དེ་ཐར་བར་བྱས་ན། དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་སྤྱི་གཙུག་ཐར་ཞེས་བྱ་བའི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །​རྒྱལ་ཆེན་བཞིའི་གནས་གསུམ་གྱི་ནང་ན་དེའི་ཉམས་དགའ་བ། ཤིན་ཏུ་ཡིད་དུ་འོང་བ། འདོད་པ་ལ་རྟེན་པ། དེའི་ངོ་བོ་འདོད་པ། འདོད་པ་ཉེ་བར་མཆོད་པ། འདོད་པ་རྒྱུན་ཆད་པ་མེད་པ་གང་ཡིན་པ་བསྡུས་པ་དེ་དག་

eKangyur, UT4CZ5369-I1KG9195-0000, page 157 (79a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100656#UT22084-068-021-100656