དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.56.a

Saddharma­smṛtyupasthāna
F.56.a, volume 69, Degé Kangyur

རྟག་ཏུ་དགོད་པ་དང་། ལྡེམ་པ་དང་། རྩེ་བ་དང་། ཡོངས་སུ་སྤྱོད་པ་རྣམས་ཀྱིས་གང་བ་ཡིན་ནོ། །​དེ་ན་དེ་ལྷ་མོའི་ཚོགས་མང་པོ་དག་གིས་ཤིན་ཏུ་མཆོད་ལ། ལུས་རིན་པོ་ཆེ་སྣ་ཚོགས་ཀྱིས་བརྒྱན་ཏོ། །​རྣ་བར་སིལ་སྙན་རྣམ་པ་ལྔ་དང་ལྡན་ལ། ལྷ་མོ་དེ་རྣམས་ཀྱིས་ཉེ་བར་རྩེན་ཏེ། བདེ་བར་གནས་པ། ཚལ་དང་། ཉེ་བའི་ཚལ་དང་། ལྟེང་ཀ་དང་། ཀུན་དགའ་ར་བ་རྣམས་སུ་བདེ་བ་མྱོང་བར་བྱེད་དོ། །​དེ་ན་ལྟེང་ཀ་ཡོད་པ་དག་ནི་འདི་ལྟ་སྟེ། འབབ་བདེ་དང་། བུད་མེད་སྡུག་དང་། མཐོང་དགའ་དང་། ཀུན་དགའ་དང་། སྤྲིན་ཕྲེང་དང་། ལྟེང་ཀ་ཕྲེང་དང་། ཡིད་བཞིན་སྣ་ཚོགས་དང་། དུས་མི་མཐོང་ངོ་། །​ཚལ་དག་ཀྱང་ཡོད་དེ། མཐོང་ན་ཉམས་དགའ་དང་། མཐོང་ན་ཡིད་འཐུན་དང་། རླུང་ལེགས་པར་མངོན་ལྡང་དག་གོ །​མེ་ཏོག་གི་རྣམ་པས་མཛེས་པ་བཞི་ཡོད་དེ། འདི་ལྟ་སྟེ། སྤོས་འབྱུང་དང་། སྣ་ཚོགས་དང་། བུང་བ་མངོན་དགའ་དང་། རྟག་ཏུ་ཉམས་དགའ་སྟེ། ཚལ་དེ་རྣམས་སུ་ལྷ་དེ་ལྷ་མོ་རྣམ་པ་སྣ་ཚོགས་དག་གིས་ཡོངས་སུ་བསྐོར་ཅིང་འདོད་པའི་ཡོན་ཏན་ལྔ་ལ་སེམས་ཆགས་པ་བདེ་བ་མྱོང་བར་བྱེད་དོ། །​རིན་པོ་ཆེ་སྣ་ཚོགས་ཀྱིས་ལུས་བརྒྱན་པ་དེ་ཐོགས་པ་མེད་པའི་འགྲོས་དང་། ཉམས་པ་མེད་པའི་འགྲོས་ཀྱིས་གང་དགའ་བར་འགྲོ་ཞིང་གར་དགའ་བར་བྱེད་དོ། །​ཡུལ་ལྔ་ལ་ཆགས་པ་དེ་རི་ལས་ཆུ་བོ་འབབ་པ་ལྟར་ཉིན་གཅིག་བཞིན་བདེ་བ་འཕེལ་ཏེ། དབང་པོ་ལྔ་པོ་ཆུ་ལྟ་བུ་འདོད་པ་རླབས་ལྟ་བུ་དག་ལ་རྩེ་ཞིང་སྐྱེད་མོས་ཚལ་ནས་སྐྱེད་མོས་ཚལ། ནགས་ཚལ་ནས་ནགས་ཚལ། ལྟེང་ཀ་ནས་ལྟེང་ཀ །​གསེར་གྱི་རིའི་རྩེ་མོ་རིན་པོ་ཆེ་སྣ་ཚོགས་ཀྱིས་བརྒྱན་པ་ནས། རིའི་རྩེ་མོ་གཞན་དག་ལ་འགྲོ་བར་བྱེད་དོ། །​རྩེ་བར་བྱེད་པ་ལྷ་མོ་ཡིད་དུ་འོང་ཞིང་དགའ་བ་མེ་ཏོག་ཕྲེང་བཟང་པོ་དཔེ་མེད་པ་ཐོགས་པ་རྣམས་ཀྱིས་ཡོངས་སུ་བསྐོར་ཅིང་བཟའ་བ་དང་། བཏུང་བ་རྣམ་པ་སྣ་ཚོགས་ཀྱིས་ལུས་ཤིན་ཏུ་ཚིམ་པ་ཡིན་ཏེ། དེ་ལྟར་དེ་ཇི་སྲིད་དུ་དེའི་འདོད་པ་སྡུག་པ། ཡིད་དུ་འོང་བ་ལེགས་པར་བྱས་པའི་ལས་ཀྱི་སྤྲུལ་པ་

eKangyur, UT4CZ5369-I1KG9195-0000, page 111 (56a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100610#UT22084-068-021-100610