དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.240.a

Saddharma­smṛtyupasthāna
F.240.a, volume 68, Degé Kangyur

སྦལ་འཇུག་པ་ལྟ་བུར་མི་རྣམས་དང་སྐལ་བ་མཉམ་པར་མིར་སྐྱེས་ན་དེ་ཡང་བུད་མེད་དུ་འགྱུར་ཏེ། གྲོང་ཁྱེར་དང་། གྲོང་ཁྱེར་ཐམས་ཅད་ཀྱི་ལྗན་ལྗིན་འཕྱག་པ་དང་། གྲོང་ཁྱེར་པ་ཐམས་ཅད་ཀྱིས་སྨད་པ་དང་། དབུལ་ཞིང་མདོག་ངན་ལ་རྐང་ལག་རྡོལ་བ་དང་། བྱད་བཞིན་མཐོང་ན་འཇིགས་སུ་རུང་བ་དང་། ཕ་མ་དང་། གཉེན་འདབ་ཀྱིས་སྤངས་པར་འགྱུར་རྟག་ཏུ་ཆུ་ཕྱེ་བཀྲ་ཙམ་གྱིས་འཚོ་ཞིང་དྲི་མ་ཅན་དང་། བགོ་བ་ངན་པ་དང་། ལུས་ཀྱི་ཕྱོགས་གཅིག་ཉམས་པ་དང་། ལུས་ཤིན་ཏུ་ཆད་པ་དང་། འགྲོ་བ་ན་བྱིས་པ་རྣམས་ཀྱིས་རྡོ་དང་། བོང་བ་དག་གིས་མངོན་པར་འཚོག་སྟེ། སྡུག་བསྔལ་བས་འཚོ་བར་འགྱུར་བ་མཐོང་ངོ་། །​དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེས་སེམས་ཅན་དམྱལ་བ་ཆེན་པོ་རབ་ཏུ་ཚ་བའི་འཁོར་ལ་བརྟགས་ན། དེས་ཐོས་པ་ལས་བྱུང་བའི་ཤེས་པས་སེམས་ཅན་དམྱལ་བ་སྲད་བུའི་རྒྱུད་འབབ་པས་དཀྲུགས་པ་ཞེས་བྱ་བ་མཐོང་ངོ་། །​དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་བརྟགས་ན། གང་གིས་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་དང་། བརྫུན་སྨྲ་བ་དང་། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ཏེ་ཀུན་ཏུ་བྱས་པས་འགྱུར་རོ། །​རྒྱལ་པོ་བསྙེམས་པས་སམ་རྒྱལ་སྲིད་གཞན་གྱི་ཡུལ་འཁོར་འཕྲོག་པའི་ཚེ་དགེ་སློང་མ་ཉོན་མོངས་པ་མེད་པ་མཐུས་སུན་ཕྱུང་ན་དེ་ལུས་དང་བྲལ་ནས་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་སྲད་བུའི་རྒྱུད་དཀྲུགས་པར་སྐྱེ་བར་འགྱུར་རོ། །​དེར་སྐྱེས་ནས་ཀྱང་གང་སེམས་ཅན་དམྱལ་བ་ཡང་སོས་ལ་སོགས་པའི་གནོད་པ་བསྡུས་པ་དེ་དག་ཐམས་ཅད་འབྱུང་བའི་སྟེང་དུ་ཁྱད་པར་དུ་འབྱུང་བ་ནི་ཇི་ལྟར་སེམས་ཅན་དམྱལ་བ་དེ་ཐམས་ཅད་འདི་ལྟར་དྲ་བ་རྡོ་རྗེ་ལྟར་སྲ་བའི་ནང་དུ་བཅུག་ནས་དེར་ཡན་ལག་དང་ཉིང་ལག་གི་ཕྱོགས་གང་དང་གང་རེག་པ་དེ་དང་དེར་སྤུ་གྲི་ལྟ་བུས་ཀུན་ནས་གཅོད་པར་བྱེད་དོ། །​དེར་ཡང་ཇི་ལྟར་སྦྲང་བུ་དག་སྤུ་ལ་རབ་ཏུ་འཕྱང་བ་དེ་ལྟར་སྲད་བུ་རྡོ་རྗེ་ལྟ་

eKangyur, UT4CZ5369-I1KG9194-0000, page 479 (240a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100343#UT22084-068-021-100343