The Application of Mindfulness of the Sacred Dharma
F.189.b
ཐ་ཤལ་ནང་ན་དེ་ཐ་ཤལ། །བདེན་པ་ཆོས་ཀྱི་ཐེམ་སྐས་ཏེ། །སྣང་བའི་འབྱུང་ཁུངས་ཆེན་པོ་ཡིན། །ཐར་པའི་ཆོས་ཀྱི་ལམ་ཡིན་ཞིང་། །ནོར་གྱི་ནང་ན་ནོར་མཆོག་ལ། །སྐྱབས་ཀྱི་ནང་ན་སྐྱབས་མཆོག་ནི། །བདེན་པ་ཡིན་ཞེས་མཁས་པས་བཤད། །སྣང་བའི་ནང་ན་སྣང་བ་མཆོག །མིག་གི་ནང་ནའང་མིག་དང་ལྡན། །ནོར་རྫས་མེད་ལ་ནོར་རྫས་ཏེ། །རྒྱན་གྱི་ནང་ནའང་རྒྱན་བཟང་ཡིན། །བདེན་པ་མི་ཟད་གཏེར་ཡིན་ཏེ། །རྒྱལ་པོ་ཀུན་གྱིས་དབྲོག་མི་ནུས། །མི་དག་གང་གིས་སྨྲ་བ་ནི། །འགྲོ་བ་མཆོག་ཏུ་འགྲོ་བ་ཡིན། །ཇི་ལྟར་བདེན་པས་སྐྱེས་བུ་དག །བརྒྱན་པ་མཛེས་ཏེ་ལྷ་འདྲ་འོ། །སྣ་ཚོགས་རྒྱན་གྱིས་སྐྱེས་བུ་དག །བརྒྱན་པ་དེ་ལྟར་མཛེས་པ་མིན། །ཇི་ལྟར་འཇིག་རྟེན་ཕ་རོལ་དུ། །ཕ་མེད་མ་མེད་དོན་མེད་ཅིང་། །བཤེས་མེད་གཉེན་མེད་སྐྱབས་མེད་པས། །དེ་ལྟར་རྟག་ཏུ་བདེན་པ་སྨྲོས། །མེ་ཡི་ནང་ན་མེ་མཆོག་ལ། །དུག་གི་ནང་ན་དུག་མཆོག་སྟེ། །ངན་འགྲོ་རྣམས་ཀྱི་ཐེམ་སྐས་ནི། །བརྫུན་པ་ཡིན་ཞེས་ཡོངས་སུ་བསྒྲགས། །རེག་ན་དུག་དང་མེ་འདྲ་བ། །བརྫུན་པ་རྣམ་པར་སྤང་བར་གྱིས། །བརྫུན་གྱིས་བསྲེགས་པའི་མི་དག་ནི། །བསྲེགས་པ་ཡིན་ཞེས་མངོན་པར་བརྗོད། །དེ་ལྟར་མངོན་པར་འབད་ཀུན་གྱིས། །མི་དག་བརྫུན་ནི་མ་སྨྲ་ཤིག །འཇིགས་ལ་སོགས་པ་ཉོན་མོངས་ཀུན། །བརྫུན་ལས་བྱུང་ཞེས་ཡོངས་སུ་བརྗོད། །དེ་ལྟར་དགེ་སློང་དེ་བརྫུན་གྱི་ལས་ཀྱི་འབྲས་བུའི་དེ་ཁོ་ན་ལྐོག་ཏུ་མ་གྱུར་པ་མཐོང་བ། བདེན་པའི་ཡོན་ཏན་གྱི་དེ་ཁོ་ན་མཐོང་བ། དགེ་བ་དང་མི་དགེ་བའི་དེ་ཁོ་ན་མཐོང་བ། སེམས་ཅན་དམྱལ་བ་ཆེན་པོ་ངུ་འབོད་ཆེན་པོའི་འཁོར་ལ་རྟོག་པར་བྱེད་དེ། དེས་སེམས་ཅན་དམྱལ་བ་སྒྲ་འབྱིན་ཤིན་ཏུ་སྒྲ་འབྱིན་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ནི་སྔ་མ་བཞིན་ནོ།།
ཐ་ཤལ་ནང་ན་དེ་ཐ་ཤལ། །བདེན་པ་ཆོས་ཀྱི་ཐེམ་སྐས་ཏེ། །སྣང་བའི་འབྱུང་ཁུངས་ཆེན་པོ་ཡིན། །ཐར་པའི་ཆོས་ཀྱི་ལམ་ཡིན་ཞིང་། །ནོར་གྱི་ནང་ན་ནོར་མཆོག་ལ། །སྐྱབས་ཀྱི་ནང་ན་སྐྱབས་མཆོག་ནི། །བདེན་པ་ཡིན་ཞེས་མཁས་པས་བཤད། །སྣང་བའི་ནང་ན་སྣང་བ་མཆོག །མིག་གི་ནང་ནའང་མིག་དང་ལྡན། །ནོར་རྫས་མེད་ལ་ནོར་རྫས་ཏེ། །རྒྱན་གྱི་ནང་ནའང་རྒྱན་བཟང་ཡིན། །བདེན་པ་མི་ཟད་གཏེར་ཡིན་ཏེ། །རྒྱལ་པོ་ཀུན་གྱིས་དབྲོག་མི་ནུས། །མི་དག་གང་གིས་སྨྲ་བ་ནི། །འགྲོ་བ་མཆོག་ཏུ་འགྲོ་བ་ཡིན། །ཇི་ལྟར་བདེན་པས་སྐྱེས་བུ་དག །བརྒྱན་པ་མཛེས་ཏེ་ལྷ་འདྲ་འོ། །སྣ་ཚོགས་རྒྱན་གྱིས་སྐྱེས་བུ་དག །བརྒྱན་པ་དེ་ལྟར་མཛེས་པ་མིན། །ཇི་ལྟར་འཇིག་རྟེན་ཕ་རོལ་དུ། །ཕ་མེད་མ་མེད་དོན་མེད་ཅིང་། །བཤེས་མེད་གཉེན་མེད་སྐྱབས་མེད་པས། །དེ་ལྟར་རྟག་ཏུ་བདེན་པ་སྨྲོས། །མེ་ཡི་ནང་ན་མེ་མཆོག་ལ། །དུག་གི་ནང་ན་དུག་མཆོག་སྟེ། །ངན་འགྲོ་རྣམས་ཀྱི་ཐེམ་སྐས་ནི། །བརྫུན་པ་ཡིན་ཞེས་ཡོངས་སུ་བསྒྲགས། །རེག་ན་དུག་དང་མེ་འདྲ་བ། །བརྫུན་པ་རྣམ་པར་སྤང་བར་གྱིས། །བརྫུན་གྱིས་བསྲེགས་པའི་མི་དག་ནི། །བསྲེགས་པ་ཡིན་ཞེས་མངོན་པར་བརྗོད། །དེ་ལྟར་མངོན་པར་འབད་ཀུན་གྱིས། །མི་དག་བརྫུན་ནི་མ་སྨྲ་ཤིག །འཇིགས་ལ་སོགས་པ་ཉོན་མོངས་ཀུན། །བརྫུན་ལས་བྱུང་ཞེས་ཡོངས་སུ་བརྗོད། །དེ་ལྟར་དགེ་སློང་དེ་བརྫུན་གྱི་ལས་ཀྱི་འབྲས་བུའི་དེ་ཁོ་ན་ལྐོག་ཏུ་མ་གྱུར་པ་མཐོང་བ། བདེན་པའི་ཡོན་ཏན་གྱི་དེ་ཁོ་ན་མཐོང་བ། དགེ་བ་དང་མི་དགེ་བའི་དེ་ཁོ་ན་མཐོང་བ། སེམས་ཅན་དམྱལ་བ་ཆེན་པོ་ངུ་འབོད་ཆེན་པོའི་འཁོར་ལ་རྟོག་པར་བྱེད་དེ། དེས་སེམས་ཅན་དམྱལ་བ་སྒྲ་འབྱིན་ཤིན་ཏུ་སྒྲ་འབྱིན་ཞེས་བྱ་བ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས་དེས་ཐོས་པ་ལས་བྱུང་བའི་ཤེས་པས་བརྟགས་ན། གང་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། ཆང་འཐུང་བ་ནི་སྔ་མ་བཞིན་ནོ།།
eKangyur, UT4CZ5369-I1KG9194-0000, page 378 (189b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100242#UT22084-068-021-100242