དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.208.b

Saddharma­smṛtyupasthāna
F.208.b, volume 71, Degé Kangyur

དགུན་སྨད་དང་། སོས་ཀ་དང་། དཔྱིད་ཀ་དང་། དབྱར་དང་། སྟོན་ལ་སོགས་པའོ། །​རི་དེ་ལ་ཡུལ་ཕྱོགས་འདི་དག་དང་། དགུན་སྟོད་ནི་གང་དག་ཡིན་ཞིང་། དེ་ལ་ཡང་དགུན་སྟོད་སྐྱེ་བའི་ལྗོན་ཤིང་གི་མེ་ཏོག་རབ་ཏུ་རྒྱས་པ་གང་རྣམས་ཡིན་ན། དེ་ལ་དགུན་སྟོད་སྐྱེ་བའི་ལྗོན་ཤིང་གི་རིགས་རྣམས་ནི་འདི་ལྟ་སྟེ། ས་རི་ཤཱངྒ་ན་དང་། ཁྲོ་བ་དང་། བད་ཀྱིས་རྒས་པ་དང་། བུང་བ་བགྲོད་པར་བྱེད་པ་དང་། དེ་ངེས་པར་དྲི་ཞིམ་པ་དང་། མྱུ་གུ་མེད་པ་དང་། ཙཀྲ་བཱ་ཀཱས་རྗེས་སུ་སྒྲ་སྒྲོགས་པ་དང་། མཆོག་ཏུ་དགའ་བར་འགྱུར་བའི་མེ་ཏོག་དང་། གླུ་ཕུན་སུམ་ཚོགས་པ་དང་། ཟབ་མོར་སྐྱེས་པ་དང་། ནི་ཏཱནྟཾ་དང་། མཆོག་ཏུ་ཁྲོ་བ་དང་། ཉི་མ་དང་བཅས་པ་དང་། མེ་ཏོག་བཅོ་ལྔ་པོ་དེ་དག་རྣམས་ནི་དགུན་སྟོད་ཀྱི་དུས་སུ་སྟེ། དགུན་སྟོད་སྐྱེ་བ་རྣམས་ཡིན་ནོ། །​དུས་ན་དགའ་བའི་རི་བོའི་ཡུལ་ཕྱོགས་གཉིས་པ་ལ་ནི་དགུན་སྨད་ཀྱི་དུས་སུ་འབྱུང་བ་རྣམས་ཡིན་ནོ། །​དེ་ལ་མེ་ཏོག་གི་རིགས་འདི་དག་རྣམས་དུས་སུ་དགའ་བའི་རི་ལ་དགུན་སྨད་ཁ་འབྱེ་བ་ཡིན་ཏེ། བྱང་ཕྱོགས་སྒྲ་མི་སྙན་པའི་རི་ལ་བྱང་ཕྱོགས་སྒྲ་མི་སྙན་པ་རྣམས་ཀྱི་དབང་གི་འབྲས་བུ་ཡིན་ནོ། །​དུས་ན་དགའ་བའི་རི་བོའི་ཡུལ་ཕྱོགས་གཞན་ལ་ནི་སོས་ཀའི་དུས་སུ་འབྱུང་བར་འགྱུར་ཏེ། དེ་ལ་མེ་ཏོག་གི་རིགས་ནི་འདི་དག་རྣམས་ཡིན་ནོ། །​འདི་ལྟ་སྟེ། ཤིན་ཏུ་ཁ་བྱེ་བ་དང་། པད་མ་དང་། ཀུ་ར་བ་ཀཾ་དང་། དྲི་མང་བ་དང་། བུང་བ་འཁོར་བ་དང་། ས་མ་མ་ཏ་དང་། མྱ་ངན་མེད་དང་། ཀིཾ་ཤུ་ཀ་དང་། མྱ་ངན་མེད་སྔོན་པོ་དང་། འགྲིབ་པ་མེད་པའི་དྲི་དང་། ཀུ་མུ་ད་དང་། ཨ་མྲེ་ཌེ་ཀང་དང་། ཀླུང་དུ་སྐྱེ་བ་དང་ལྡན་པ་དང་། ནི་ཙི་ཏ་དང་། ལ་མྲ་དང་། པཱནྟི་ཀཾ་དང་། མེ་ཏོག་ལ་བྱ་དགའ་བ་དང་། རྟག་ཏུ་མེ་ཏོག་ཁ་འབྱེ་བ་དང་། འདབ་མ་སྟོང་པ་དང་རྣམས་ཡིན་ནོ། །​ཉི་ཤུ་པོ་འདི་དག་རྣམས་ནི་སོས་ཀའི་དུས་སུ་ཡིན་ཏེ། ཡུ་ཏི་ཀ་དང་དུས་སུ་རྒྱུ་བའི་མེ་ཏོག་གི་རིགས་རྣམས་ཀྱང་ཡིན་ནོ། །​དུས་སུ་དགའ་བའི་རིའི་ཡུལ་ཕྱོགས་གཞན་ལ་ནི་དཔྱིད་ཀྱི་མེ་ཏོག་གི་རིགས་འདི་དག་རྣམས་འབྱུང་ངོ་། །​འདི་ལྟ་སྟེ། ཙམྤ་ཀ་དང་། སུ་མ་ན་སཿདང་། གསེར་གྱི་ཡུ་

eKangyur, UT4CZ5369-I1KG9197-0000, page 416 (208b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-102151#UT22084-068-021-102151