དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.133.a

Saddharma­smṛtyupasthāna
F.133.a, volume 71, Degé Kangyur

ཀྱིས་སམ། ལྷའི་མིག་གིས་མཐོང་བར་གྱུར་པ་སྲིན་གྱི་རིགས་བཅུ་བདག་གི་རྟུག་པ་ལ་རྒྱུ་བར་བྱེད་པ་རྣམས་ནི་འདི་ལྟ་སྟེ། བེའུ་སྣབས་པ་དང་ཁབ་ཀྱི་ཁ་དང་ཕི་སྤི་སྐྱེས་པ་དང་རྐང་པ་མེད་པ་དང་བཤང་བ་རྣམ་པར་འཐོར་བྱེད་དང་སྐོམ་པས་གདུང་བ་དང་རྒྱུ་མ་འབྱེད་བྱེད་དང་རྣམ་པར་རེངས་བྱེད་དང་མདོག་བཟངས་དང་གཞང་སྨིན་བྱེད་དང་། སྲིན་གྱི་རིགས་བཅུ་བདག་གི་རྟུག་པ་ལ་རྒྱུ་བ་རྣམས་ལ་སོ་སོར་རྟོག་པར་བྱེད་དེ། བདག་གི་སྲིན་གང་དག་གིས་རང་བཞིན་དུ་གནས་པའམ། རང་བཞིན་དུ་མི་གནས་པ་ཅི་ཞིག་བྱེད་པ་ཡིན་ན། དེས་ཐོས་པ་ལས་བྱུང་བའི་ཤེས་རབ་བམ། ལྷའི་མིག་གིས་མཐོང་བར་གྱུར་པ་ནི། བེའུ་སྣབས་པ་ཞེས་བྱ་བའི་སྲིན་བཤང་བ་ལ་རྒྱུ་བར་བྱེད་པ་ཡིན་ཏེ། གལ་ཏེ་ལུས་འདིའི་མེ་དྲོད་ཉམས་པར་གྱུར་ན་ནི་དེས་བདག་གི་ལུས་ཀྱི་མེ་དྲོད་ཤིན་ཏུ་ཡང་ཉམས་པར་བྱེད་དོ། །​དེས་ཤ་སྐྱེས་པར་བྱེད་དེ་བཤང་བ་རྣམས་འཇིག་པས་མདོག་སྐྱ་བོར་འགྱུར་རོ། །​བདག་འདིར་འཕེལ་བར་འགྱུར་བ་ཡང་མ་ཡིན་ནོ། །​ངའི་ཁ་གདོང་སྐྱ་བོར་ཡང་འགྱུར་རོ། །​དེས་བེའུ་སྣབས་པའི་སྲིན་ལ་སོ་སོར་བརྟགས་པར་གྱུར་པས་ཀྱང་ལུས་ཡང་དག་པ་ཇི་ལྟ་བ་བཞིན་དུ་སོ་སོར་རིག་པར་བྱེད་དོ། །​གཞན་ཡང་རྣལ་འབྱོར་སྤྱོད་པ་ནང་གི་བདག་ཉིད་ཀྱི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པར་བྱེད་པ་ན། དེས་ཐོས་པ་ལས་བྱུང་བའི་ཤེས་རབ་དག་གིས་སམ། ལྷའི་མིག་གིས་མཐོང་བར་གྱུར་པ། ཁབ་ཀྱི་ཁ་ཞེས་བྱ་བའི་བདག་གི་སྲིན་ཡིན་ཏེ། དེ་ནི་ངའི་བཤང་བའི་ནང་ན་སྤྱོད་པ་དང་སྦོམ་པ་དང་རིང་བ་དང་ཕོ་བ་དང་ལོང་ཀ་དག་ན་རྒྱུ་བ་ཡིན་ཏེ། སྲིན་རྣམས་ཐམས་ཅད་ཀྱིས་གཟུང་བར་མི་ནུས་པ་ཡིན་ནོ། །​དེའི་ངའི་ཕོ་བ་དང་ལོང་ཀ་དག་ཀྱང་གྱེན་ལ་བཟློག་ནས་བད་ཀན་དང་ལྷན་ཅིག་ཏུ་ཁར་འབྱིན་པར་བྱེད་དོ། །​བདག་གི་སྙིང་ལ་ཡང་ལྡག་པར་བྱེད་དོ། །​ལྐུགས་པའམ་མེ་དྲོད་ཉམས་པར་ཡང་བྱེད་དོ། །​ཡང་གང་དག་ལུས་ཀྱི་ཕྱི་རོལ་དུ་འགྲོ་བར་འགྱུར་བ་རྣམས་ནི་མེ་ཏོག་དང་ལྷན་ཅིག་ཏུ་ཡུད་ཙམ་ཅིག་འཚོ་བར་འགྱུར་རོ། །​དེས་ཁབ་ཀྱི་ཁའི་སྲིན་ལ་སོ་སོར་བརྟགས་པར་གྱུར་པས་ཀྱང་ཡང་དག་པ་ཇི་ལྟ་བ་བཞིན་

eKangyur, UT4CZ5369-I1KG9197-0000, page 265 (133a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-102000#UT22084-068-021-102000