དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.60.b

Saddharma­smṛtyupasthāna
F.60.b, volume 71, Degé Kangyur

བྱས་ནས། མི་དགེ་བའི་ཆོས་རྣམས་ཀྱི་འཇིགས་པས་འཇིགས་པའི་ཕྱིར་ཡོངས་སུ་སྤོང་བར་བྱེད་དོ། །​འདོད་ཆགས་སྐྱེས་པར་གྱུར་ན་ཡང་དགེ་སློང་དག་བརྟན་པའི་བློས་མི་སྡུག་པ་སྒོམ་པར་བྱེད་དོ། །​དེ་དེ་དང་ཡང་དག་པར་ལྡན་ཞིང་དཔུང་གཉེན་དུ་གྱུར་པས་ནི་མུན་པར་གྱུར་པའི་འདོད་ཆགས་ཀྱི་རྐྱེན་གྱིས་སྐྱེ་བར་གྱུར་པའི་མི་དགེ་བའི་སེམས་རྣམས་ཡོངས་སུ་སྤོང་བར་བྱེད་དོ། །​དེས་ཀུན་ཏུ་འཁྲིད་པར་མི་འགྱུར་རོ། །​དེ་བཞིན་དུ་ཞེ་སྡང་དང་ལྷན་ཅིག་འགྲོགས་པར་གྱུར་པའི་སེམས་སྐྱེས་པར་གྱུར་ན་ཡང་དེས་འཕྲོགས་པར་མི་འགྱུར་ཏེ། བརྟན་པ་དང་ལྡན་པར་གནས་པའི་བྱམས་པའི་གཉེན་པོ་གྲོགས་སུ་གྱུར་པའི་ཕྱིར་རོ། །​དེ་བཞིན་དུ་གཏི་མུག་དང་ལྡན་པའི་སེམས་ཀུན་ཏུ་སྐྱེས་པ་རྣམས་ལ་ཡང་རྟེན་ཅིང་འབྲེལ་བར་འགྱུར་བའི་གཉེན་པོས་སྒྲུབ་པར་བྱེད་དོ། །​དེ་ནས་དུས་འདིར་རྨ་བྱའི་མངའ་བདག་དེས་ཚིགས་སུ་བཅད་པ་བརྗོད་པ། ཇི་ལྟར། ཀུན་གནས་པས་ཀྱང་གང་ཆགས་པ། །​དེ་ནི་སྲེད་པས་རྟག་ཏུ་ཆགས། །​སྲེད་པའི་འཆིང་ལས་གྲོལ་མིན་རྣམས། །​འཇིག་རྟེན་འདིར་མིན་ཕ་རོལ་མིན། །​དེ་ལྟར་རྨ་བྱའི་མངའ་བདག་དེས་དགའ་ལྡན་གྱི་ལྷ་དེ་དག་དང་འཐབ་བྲལ་བ་རྟག་ཏུ་གཅིག་ཏུ་དགའ་བ་རྣམས་ལ་ཀུན་ཏུ་གནས་པའི་སྐྱོན་རྣམ་པ་དུ་མ་སྟོན་པར་བྱེད་དོ། །​དེ་ནས་ལྷ་དེ་དག་འཇིག་རྟེན་གཉིས་ལ་ཕན་པའི་ཆོས་དེ་དག་རྣམས་རྣམ་པ་དུ་མར་ཉན་པར་གྱུར་ཀྱང་རྣམ་པ་ཐམས་ཅད་དུ་ངོམས་པ་མེད་པས། སླར་ཡང་རྨ་བྱའི་མངའ་བདག་ལ་བརྗོད་པ། ཇི་ལྟར་ཁྱོད་ཀྱིས་བདག་ཅག་ལ་མཆོག་ཏུ་ངོ་མཚར་བར་གྱུར་པ་མཆོག་ཏུ་ཟབ་པའི་ཆོས་དེ་དག་རྣམས་བསྟན་པ་གང་ཡིན་པ་ནི་ཐོག་མ་དང་བར་དང་ཐ་མར་དགེ་བ་མྱ་ངན་ལས་འདས་པའི་མཐར་ཐུག་པ་རྣམ་པར་རྟོག་པ་དུ་མར་འཁོར་བ་ལ་སྐྱོ་བར་བྱེད་པའི་ལམ་གྱི་མཆོག་དེ་སླར་ཉིད་ཀྱང་བདག་ཅག་རྣམས་ལ་རྗེས་སུ་བརྗོད་པའི་རིམ་པས་ཆོས་བསྟན་དུ་གསོལ། བདག་ཅག་ཐམས་ཅད་ཀྱང་སེམས་རྩེ་གཅིག་པས་མཉན་པར་བགྱིའོ། །​རང་དང་གཞན་ལ་ཕན་པ་ལ་རབ་ཏུ་ཞུགས་པའི་ཆོས་ཀྱི་ལམ་དེ་དག་རྣམས་ལྷ་

eKangyur, UT4CZ5369-I1KG9197-0000, page 120 (60b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101855#UT22084-068-021-101855