དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.58.b

Saddharma­smṛtyupasthāna
F.58.b, volume 71, Degé Kangyur

བཅོམ་པ་ཉིད་དོ། །​མི་གནས་པས་ཉེ་བར་བཅོམ་པ་ནི་གང་གི་ཕྱིར་དགེ་སྦྱོང་ངམ་བྲམ་ཟེ་རྣམས་གང་དག་ཡིན་ཡང་རུང་སྟེ། དེ་དག་རྣམས་ནི་བློ་གྲོས་དམན་པ་རྣམས་ཡིན་ནོ། །​མི་གནས་པས་ཉེ་བར་བཅོམ་པར་གྱུར་པའི་སྐྱོན་དེས་སེམས་ཆགས་པར་བྱེད་དོ། །​མི་གནས་པ་དེ་ཉིད་ཀྱིས་ཀུན་ཏུ་འཁོར་བར་བྱེད་དེ། དགེ་འདུན་གྱི་ཀུན་དགའ་ར་བ་དང་གཙུག་ལག་ཁང་དང་གྲོང་དང་ཡུལ་དང་གྲོང་ཁྱེར་དང་གཞན་དག་ཏུ་ཡང་རུང་སྟེ། རྟག་ཏུ་ཡང་ལེ་ལོ་ཅན་དུ་འགྱུར་རོ། །​དེ་དང་དེ་ཉིད་ལ་དགའ་བར་འགྱུར་རོ། །​དེ་ཞི་བའི་དགོན་པ་རྣམས་དང་ཞི་བའི་གནས་གཞན་དག་རྣམས་སུ་ཡང་མངོན་པར་དགའ་བར་མི་འགྱུར་རོ། །​ལེགས་པར་འགྲོ་བའི་རང་བཞིན་ཅན་མ་ཡིན་ཏེ། འགྲོན་ལམ་དུ་འགྲོ་བའི་དབང་དུ་བྱས་པ་ན་ཡང་དེ་ནི་རབ་ཏུ་བྱུང་བ་ཡང་མ་ཡིན་ལ་ཁྱིམ་པ་ཡང་མ་ཡིན་ནོ། །​དེ་ཐམས་ཅད་དུ་རིགས་མཚུངས་པར་འགྱུར་རོ། །​ཡུལ་ཕྱོགས་གཅིག་པོ་དེ་ཉིད་ལ་གནས་པས་ཀྱང་དུས་འདའ་བར་བྱེད་དོ། །​དེ་གང་གི་དོན་དུ་རབ་ཏུ་བྱུང་བར་གྱུར་པའི་བསམ་གཏན་གྱིས་བདེ་བར་གནས་པར་བྱ་བ་དེ་ཉིད་ནི་མི་བྱེད་དེ། ཀུན་ཏུ་གནས་པའི་སྐྱོན་གྱིས་ཉེ་བར་བཅོམ་པའི་ཕྱིར་རོ། །​གང་ཡང་མི་ཚུགས་པའི་སྐྱོན་དེ་རིག་པར་གྱུར་ནས་དགེ་སྦྱོང་ངམ་བྲམ་ཟེའམ་གཞན་ཡང་དེ་དང་རང་བཞིན་འདྲ་བ་དག་ལ་སྦྱིན་པ་པོ་དང་སྦྱིན་བདག་རྣམས་ཁ་དྲག་པར་འགྱུར་རོ། །​འདི་དང་ཕྲད་པའི་དོན་དུ་ཐམས་ཅད་དུ་ཉེ་བར་འོང་བར་ཡང་མི་འགྱུར་རོ། །​འདི་ལ་གང་སྦྱིན་པ་པོ་དང་སྦྱིན་བདག་རྣམས་དབང་དུ་མི་འགྱུར་བར་དབང་ཆེན་པོར་འགྱུར་རོ། །​འདི་དག་གི་ཚིག་ཉན་པར་མི་འགྱུར་ཞིང་། དེ་གཙོ་བོར་བྱས་ནས་སྦྱིན་པ་རྣམས་གཏོང་བར་མི་བྱེད་དོ། །​ཤིན་ཏུ་སེམས་སྟོབས་ཡང་བར་གྱུར་པ་འདུག་པའི་ས་མི་ཟིན་པས་ཉེ་བར་བཅོམ་པ་རྟག་ཏུ་འཕྲད་པར་བྱེད་པ་རྟག་ཏུ་ཞབས་འབྲིང་བྱེད་པ་ཡིན་ནོ། །​དེ་ཀུན་ཏུ་གནས་པས་ཉེ་བར་བཅོམ་པའི་སྐྱོན་གྱིས་ཉེ་བར་བཅོམ་པར་གྱུར་པ་ལ་བཞད་གད་དུ་བྱེད་དོ། །​ཁྱིམ་པ་དག་ཕན་ཚུན་དུ་གླེང་བརྗོད་ཀྱང་བྱེད་དེ། ཇི་ལྟར་དགེ་སྦྱོང་ངམ་བྲམ་ཟེ་ཆེ་གེ་མོ་ཞེས་བྱ་བ་གར་ཡང་མི་ཆགས་པས་

eKangyur, UT4CZ5369-I1KG9197-0000, page 116 (58b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101851#UT22084-068-021-101851