དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.290.a

Saddharma­smṛtyupasthāna
F.290.a, volume 70, Degé Kangyur

སྤྱོད་པར་བྱེད་དོ། །​དེ་བཞིན་དུ་བྱང་ཕྱོགས་སྒྲ་མི་སྙན་པའི་མི་རྣམས་ཀྱང་སྤྲུལ་པར་བྱེད་དེ། སྤྲིན་དང་འདྲེས་པ་ལ་སོགས་པའི་རི་ཆེན་པོ་བཅུ་ལ་སོ་སོར་གནས་པ་རྣམས། སུམ་ཅུ་རྩ་གསུམ་པའི་ལྷ་རྣམས་ལས་ཉེ་བར་ལོངས་སྤྱོད་པར་བྱ་བ་རྣམས་ཅུང་ཟད་ཀྱིས་ཆུང་བར་གྱུར་པའི་ནགས་དང་ཉེ་བའི་ནགས་དང་། རྫིང་བུ་དང་། པད་མའི་ཚལ་རྣམས་དང་། རྣམ་པ་སྣ་ཚོགས་པའི་བཟའ་བའི་ཀླུང་དང་བཏུང་བ་རྣམས་དང་། རྣམ་པ་སྣ་ཚོགས་པའི་བདེ་བ་རྣམ་པ་དུ་མ་རྣམས་ཉམས་སུ་མྱོང་བར་གྱུར་པས་རྩེ་བར་བྱེད་པ་དང་། གར་བྱེད་པ་རྣམས་ཀྱང་མུ་སུ་ལུན་དྷའི་ལུས་པོ་ཉིད་ལས་ཀུན་དུ་འབྱུང་ངོ་། །​དེ་བཞིན་དུ་བ་ལང་སྤྱོད་པ་རྣམས་ཀྱི་མི་རྣམས་ཀྱང་རང་གི་བདེ་བ་དག་དང་ཡང་དག་པར་ལྡན་པར་གྱུར་པས་མཆོག་གི་རབ་ཏུ་དགའ་བའི་ཡིད་ཀྱིས་གར་བྱེད་པར་གྱུར་པ་དང་། གླུ་ལེན་པར་གྱུར་པ་དང་དགོད་པར་གྱུར་པས་མུ་སུ་ལུན་དྷའི་ལུས་ཉིད་ལས་ཀུན་དུ་འབྱུང་ངོ་། །​དེ་བཞིན་དུ་ཤར་ཕྱོགས་ལུས་འཕགས་པའི་མི་རྣམས་ཀྱི་རང་གི་བདེ་བ་དང་ཡང་དག་པར་ལྡན་པ་དང་། རབ་ཀྱི་མཆོག་ཏུ་རངས་པའི་ཡིད་ཀྱིས་རྩེ་བར་གྱུར་པ་རྣམས་ཀྱང་རང་བཞིན་གྱི་ལྷ་རྣམས་ཀྱིས་མཐོང་ངོ་། །​ཆོ་འཕྲུལ་གྱི་མཆོག་རྣམས་དང་ཡང་དག་པར་ལྡན་པར་གྱུར་པའི་འཐབ་བྲལ་བ་རྣམས་ཀྱི་བདག་པོ་དེས། དེ་ལྟར་རྣམ་པ་དུ་མ་དང་རྣམ་པར་རྟོག་པ་དུ་མས་བག་མེད་པ་རྣམས་ཀུན་ནས་ཞི་བར་བྱ་བའི་དོན་དང་། གཞན་རྣམས་ལ་ཕན་པར་བྱ་བའི་དོན་དུ་ཡང་སྤྲུལ་པ་དེ་དག་རྣམས་བྱེད་དོ། །​བག་མེད་པས་རྣམ་པར་རྒྱུ་བར་བྱེད་པའི་ལྷ་དེ་དག་རྣམས་ཇི་ལྟར་ན་མི་རྟག་པ་མངོན་སུམ་དུ་གྱུར་པས་སེམས་ཀྱི་རྒྱུད་འཇམ་པོར་འགྱུར་བ་ཡིན་ཞེས། རྒྱུ་འདིའི་ཕྱིར་ན་ཕུན་སུམ་ཚོགས་པ་རྣམས་སྟོན་པར་བྱེད་དེ། འདོད་པ་རྣམས་ཀྱི་ཀུན་ནས་རོ་མྱང་བའི་དོན་དང་ཕྱི་ནས་ནི་ཉེས་དམིགས་རྣམས་བསྟན་པར་བྱའོ། །​རྣམ་པ་ཇི་སྲིད་ཀྱིས་འདོད་པ་རྣམས་ལས་ངེས་པར་འབྱུང་བ་ཡིན་པའི་རྒྱུ་འདི་དག་གིས་ལྷ་རྣམས་སྤྲུལ་པ་བྱས་སོ། །​དེ་ལ་ཀུན་ནས་རོ་མྱང་བར་གྱུར་པ་རྣམས་ནི་ཇི་ལྟར་ཐོས་པར་གྱུར་པ་བཞིན་དུ་རྣམ་པ་སྣ་ཚོགས་པའི་འདོད་པའི་ལོངས་སྤྱོད་པ་

eKangyur, UT4CZ5369-I1KG9196-0000, page 579 (290a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101691#UT22084-068-021-101691