དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.251.b

Saddharma­smṛtyupasthāna
F.251.b, volume 70, Degé Kangyur

ལེགས་སུ་འགྱུར་བར་མི་བྱེད་པ་ཀུན་ཏུ་བསྟེན་པར་མི་བྱའོ། །​དཔེར་ན་སྐྱེ་བོ་ཐམས་ཅད་སླུ་བར་བྱེད་པ་འབའ་ཞིག་པ་ཤིན་ཏུ་ལམ་ལོག་པ་སྟོན་པར་བྱེད་པ་དང་བསམ་པ་ངན་པ་སེམས་པར་བྱེད་པ་ཉེ་བར་སྟེན་པར་བྱེད་པ་ཡང་དེས་ནི་དོན་མ་ཡིན་པ་ཆེན་པོ་དང་ཀུན་ཏུ་སྦྱོར་རོ། །​རླག་པར་བྱེད་པའི་རྩ་བ་དེ་ཡང་རྣམ་པ་གཉིས་ཡིན་ཏེ། རབ་ཏུ་འགེབས་པར་བྱེད་པ་དང་ངེས་པར་སྦེད་པར་བྱེད་པའོ། །​དེ་ལ་རབ་ཏུ་འགེབས་པར་བྱེད་པ་ཞེས་བྱ་བ་ནི་འཇིག་རྟེན་པ་སླུ་བར་བྱེད་པ་རབ་ཏུ་དང་བ་མ་ཡིན་པར་གྱུར་པ་ཚུལ་འཆོས་པའི་རྟགས་འཛིན་པར་བྱེད་པ་ལས་ཅི་ཡང་མེད་པ་ཟོང་བཅོས་མ་དང་འདྲ་བའི་མུ་སྟེགས་ཀྱི་ཚེར་མས་རང་དང་གཞན་སླུ་བར་བྱེད་པ་འཇིག་རྟེན་ཕ་རོལ་སྤངས་པ་བཟང་པོའི་ཆ་བྱད་ཆེས་འཛིན་པར་བྱེད་པ་དོན་མ་ཡིན་པ་རྣམས་བྱེད་པར་འགྱུར་བ་པོ་རྐུན་མ་དེ་དག་རྣམས་ལ་ལེགས་པར་ཕྲད་པར་བྱ་བ་དང་ཀུན་བརྗོད་པར་ཡང་སླ་བར་སྦྱིན་པར་མི་བྱ་ན། ལྷན་ཅིག་ཏུ་འགྲོགས་པར་བྱ་བ་ལྟ་སྨོས་ཀྱང་ཅི་དགོས། དེ་དག་དང་ལྷན་ཅིག་པར་གྱུར་པ་ནི་དེས་ཤིན་ཏུ་བར་ཡང་སྤང་བར་བྱའོ། །​དེ་དག་ལ་ནི་བདག་ཉིད་ལ་ཡང་ཡོད་པ་མ་ཡིན་ན་གཞན་དག་ལ་ཅི་ལ་འབྱུང་བར་འགྱུར། གང་སྡིག་པའི་གྲོགས་པོ་སྤོང་བར་གྱུར་པ་རྣམས་ཀྱིས་ནི། སྒྱུ་ཅན་ལ་རྗེས་སུ་བསྟེན་པར་མི་བྱའོ། །​ཚུལ་འཆོས་པར་བྱེད་པ་དང་ཡང་མ་ཡིན་ལ་དེ་དག་དང་གྲོགས་པོ་མི་བྱེད་པས་ཡང་དག་པའི་ལེགས་པར་གཞིགས་ནས་བྱེད་པར་འགྱུར་རོ། །​དེས་གྲོགས་པོ་རྩབ་ཧྲལ་ཅན་ལ་བསྟེན་པར་མི་བྱའོ། །​དེ་དེ་ཉིད་ཀྱིས་བག་ཆགས་ཀྱིས་བསྒོས་པར་གྱུར་པ་ནི་ལུས་ཞིག་ནས་ཀྱང་མཐོ་རིས་བདེ་འགྲོའི་འཇིག་རྟེན་འཐབ་བྲལ་གྱི་ལྷ་རྣམས་ཀྱི་མངའ་བདག་རྒྱུ་རྐྱེན་དེས་བྱེད་པར་འགྱུར་རོ། །​གཞན་ཡང་ཆོས་གཉིས་རྒྱལ་པོས་ཅི་ནས་ཀྱང་སྤང་བར་བྱ་སྟེ། གཉིས་པོ་གང་ཞེ་ན། འདི་ལྟ་སྟེ། ཁྲོ་བ་དང་རྒོད་པ་ཆེས་སྡོམ་པར་བྱེད་པའོ། །​ཁྲོ་བ་དང་རྒོད་པའི་ཡང་གང་དག་ཤུགས་སྡོམ་པར་བྱེད་པའི་རྒྱལ་པོ་དེ་ནི་རྒྱལ་སྲིད་བརྟན་པར་འགྱུར་ཞིང་རང་བཞིན་བསྒོ་བར་བྱེད་པ་ཡིན་པས་ཕན་ཚུན་གྱིས་ཀྱང་མངོན་པར་གདུལ་བར་མི་ནུས་སོ། །​འདི་ལ་འགའ་ཞིག་གིས་ཀྱང་གླགས་མི་རྙེད་དོ། །​ཁྲོ་བ་སྡོམ་པར་བྱེད་པའི་རྒྱལ་པོ་དེ་དག་ནི་

eKangyur, UT4CZ5369-I1KG9196-0000, page 502 (251b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101614#UT22084-068-021-101614