དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.154.b

Saddharma­smṛtyupasthāna
F.154.b, volume 70, Degé Kangyur

བུའི་ཕྲེང་བ་ངོ་མཚར་བར་དགའ་བར་གྱུར་པས་འདོད་པའི་ཡོན་ཏན་ལྔས་ཕུན་སུམ་ཚོགས་པ། ཕན་ཚུན་དུ་རིན་པོ་ཆེའི་འོད་ཀྱིས་བརྒྱན་པ། གསེར་ཤིན་ཏུ་འབར་བར་གྱུར་པ་དང་། བྱི་རུ་དང་། མུ་སཱ་ར་གལ་བ་དང་། ཨིན་དྲ་ནཱི་ལའི་རིའི་རྩེ་མོ་ཕན་ཚུན་ཀུན་ཏུ་འབར་བས་ཉེ་བར་མཛེས་པར་གྱུར་པའི་ཚོགས་པ་རྒྱུ་བ་ན་སྤྱོད་པའི་ས་དེ་དག་རྣམས་ལ་ཀུན་ཏུ་བལྟས་ནས་མུ་སུ་ལུན་དྷ་དེས་འདི་སྐད་ཅེས་སྨྲས་སོ། །​ཁྱེད་རྣམས་ལྷའི་ཚོགས་འདི་དག་རྣམས་རབ་ཏུ་དགའ་བས་ཡིད་ཆེས། དགའ་བར་གྱུར་པས་མཐོན་པོ་རྣམས་ནས་མཐོན་པོ་རྣམས་དང་། རིའི་རྩེ་མོ་ནས་རིའི་རྩེ་མོར་རྩེ་བར་བྱེད་པ། རབ་ཏུ་རངས་པས་རྔ་སྐད་ཡན་ལག་ལྔ་པ་ཤིན་ཏུ་བསྒྲགས་པར་གྱུར་ཅིང་། རབ་ཏུ་རྒྱུ་བར་བྱེད་པ་རྣམས་ལ་ལྟོས་དང་། བརྗོད་པ་ལྷ་བདག་ཅག་གིས་མཐོང་ལགས་སོ། །​ལྷའི་ཚོགས་དེ་དག་རྣམས་ཐམས་ཅད་ཉིད་ནི་ཆུ་དང་བྲལ་བའི་མཆོད་རྟེན་ནོ། །​དེ་ནས་གཞན་ཡང་ལྷ་དེ་དག་རྣམས་ལ་འདི་སྐད་ཅེས་སྨྲས་ཏེ་ལྷ་དག་དེ་བཞིན་གཤེགས་པས་འདི་དག་ངེས་པར་སྡུག་བསྔལ་དུ་གསུང་བ་ནི་གནས་ཡིན་ནོ། །​བག་མེད་པས་རྣམ་པར་རྒྱུ་བའི་ལྷ་རྣམས་ནི་མངོན་པར་རིགས་པར་གྲོལ་བ་མ་ཡིན་ཏེ། སྐྱེས་བུ་རྣམས་ཀྱི་ལེགས་པར་བྱས་པའི་ལས་རྣམས་ཀྱང་ཟད་ནས་འཆི་འཕོ་བའི་དུས་སུ་ཕྱིན་པ་དང་ཕྱི་མ་ལ་མྱུར་དུ་ལྟུང་ངོ་། །​འདུ་བྱེད་ཀྱི་ལས་སྒྱུ་མ་ལྟ་བུ་རྣམས་ཀྱང་བྱིས་པ་རྣམས་ཀྱིས་གོ་བར་འགྱུར་བ་ཡང་མ་ཡིན་ནོ། །​དམྱལ་བ་དང་། ཡི་དགས་དང་། དུད་འགྲོའི་སྐྱེ་བར་ལོག་པར་ལྟུང་བ་རྣམས་ཀྱང་བག་མེད་པར་རྒྱུ་བའི་ལྷས་གོ་བ་མ་ཡིན་ནོ། །​གང་གི་ཕྱིར་ལས་རྣམས་ལས་ཡིན་པ་འདི་ཡང་སྒོ་གཅིག་གིས་སྡུག་བསྔལ་བར་འགྱུར་བའི་སྐྱེ་བ་མ་བཟློག་པ་ལས་ཡིན་ཏེ། དེ་ཅིའི་ཕྱིར་ཞེ་ན། སྐྱེ་བ་དང་། གནས་པ་དང་། འཇིག་པའི་མཚན་ཉིད་གསུམ་དང་ལྡན་པ་འདུས་བྱས་རྣམས་ཀྱིས་རབ་ཀྱི་མཆོག་ཏུ་གྱུར་པའི་ལས་འདི་དག་རྣམས་ཐམས་ཅད་ཀྱང་བསྡུས་པ་དང་། སྐྱེས་བུ་རྣམས་ཤིན་ཏུ་ལྷན་ཅིག་ཏུ་འཇུག་པའི་ཕྱིར་རོ། །​དེ་ལ་ནི་སྐྱོན་གསུམ་གྱིས་མ་རུངས་པར་གྱུར་པ། སྡུག་བསྔལ་དུ་མ་ཕལ་པོ་ཆེའི་གནས་སུ་གྱུར་པ། མྱང་བའི་རོ་ནི་འགའ་ཞིག་ཀྱང་རྟོགས་

eKangyur, UT4CZ5369-I1KG9196-0000, page 308 (154b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101420#UT22084-068-021-101420