དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.47.a

Saddharma­smṛtyupasthāna
F.47.a, volume 70, Degé Kangyur

པ་རྣམས་དང་། རྒྱལ་པོའམ་རྒྱལ་པོའི་བུའམ་ལང་ཚོས་བག་མེད་པར་གྱུར་པ་རྣམས་ཀྱི་རྒྱགས་པ་ཞི་བར་བྱེད་པ་དང་། གང་དག་སྲོག་གཅོད་པ་ལྷག་པར་གྱུར་པ་རྣམས་དང་། བག་མེད་པ་རྣམས་ལ་ཡང་སྲོག་གཅོད་པའི་ཉེས་དམིགས་སྟོན་པའི་དོན་དུ་ཆོས་སྟོན་པར་བྱེད་པ་དང་། དེས་དེ་སྲོག་གཅོད་པ་ལས་ཟློག་པར་བྱེད་དོ། །​འཁྲུག་པ་ལ་དགའ་བའི་སེམས་ཅན་རྣམས་མཐོ་རིས་ཀྱི་ལམ་དང་། ཐོས་པ་ཉམས་པ་རྣམས་རྟག་ཏུ་དེ་ལ་མངོན་པར་བརྩོན་པར་བྱ་བ་དང་སྟེ། ཆོས་རབ་ཏུ་བརྩོན་པ་དུ་མས་དེ་ལྟར་བསྟན་པར་བྱའོ། །​བུད་མེད་རྣམས་ཀྱང་ཕྲག་དོག་གིས་བཅོམ་པ་དང་། སེར་སྣའི་འཇིགས་པའི་སྐྱོན་གྱིས་མ་བགྲུངས་པ་རྣམས་ལ་ཡང་སེར་སྣ་དགག་པའི་དོན་དུ་ཡང་ཆོས་སྟོན་པར་བྱེད་དོ། །​དེ་ཟློག་པར་བྱེད་དོ། །​གང་ཟག་བཅུ་གཉིས་པོ་དེ་དག་རྣམས་ལ་གང་གིས་ཆོས་བསྟན་པར་གྱུར་པ་དེ་ཡང་དག་པ་ཇི་ལྟ་བས་ཆོས་སྟོན་པ་པོ་ལུས་ཞིག་ནས་འཐབ་བྲལ་གྱི་ལྷ་རྣམས་ཀྱི་རྒྱུན་གྱི་སར་སྐྱེའོ། །​ལས་ཀྱིས་བྱས་པའི་སྐྱེ་བ་དང་འཆི་འཕོ་འདིར་མཐོང་ངོ་། །​འཁོར་བ་ཐམས་ཅད་ལ་ཡིད་འབྱུང་བར་འགྱུར་རོ། །​ཡང་གང་དག་གིས་ཆོས་བསྟན་པར་མ་གྱུར་པ་དེ་དག་གིས་ནི་བསྟན་པར་བྱས་པ་དེ་ཐམས་ཅད་མ་མཐོང་བར་གྱུར་ནས་དགའ་ཞིང་ཀུན་ཏུ་སྤྱོད་པར་ཡང་བྱེད་དེ། འདོད་པའི་ཡོན་ཏན་དུ་མ་ཕུན་སུམ་ཚོགས་པ་རྣམ་པ་དུ་མར་འདྲུད་པའི་དབྱངས་སྙན་པ་ངལ་སོས་པའི་བྱའི་སྒྲ་ལེགས་པར་འབྱིན་པ་དྲིལ་བུ་གཡེར་ཀའི་སྒྲ་འབྱུང་བ་སྣ་ཚོགས་པའི་ཁ་དོག་དང་དྲི་ཕུན་སུམ་ཚོགས་པའི་པད་མའི་རྫིང་བུ་ལ་བུང་བའི་ཚོགས་བརྒྱ་སྟོང་ཕྲག་གི་སྒྲའི་རྣམ་པ་འདྲེས་པ་སྒྲོགས་པ་རྣམས་ལ་དགའ་བར་བྱས་ནས། གཞན་ཡང་གང་ན་རྒྱུན་གྱི་རིའི་ཞོལ་དང་བང་རིམ་ཡོད་པ་རྣམས་ལ་དེ་དགའ་བར་བྱེད་དོ། །​མཆོག་ཏུ་གཟུགས་དང་ཡོན་ཏན་ཕུན་སུམ་ཚོགས་པས་ཡོན་ཏན་གྱི་མཆོག་དང་ལྡན་པའི་ལྷའི་བུ་མོ་རྣམས་ལྷན་ཅིག་ཏུ་གླུ་ལེན་པར་བྱེད་དགའ་བར་གྱུར་པ་དང་མཆོག་གི་རོ་དང་དྲི་དང་མདོག་ཕུན་སུམ་ཚོགས་པས་མཆོག་ཏུ་དགའ་བ་བསྐྱེད་པའི་ཕྱིར་བདུད་རྩི་འཐུང་བར་བྱེད་དོ། །​གང་འཐུངས་ནས་ཡང་ཕྱིས་བག་མེད་པར་གནས་པའི་ལྷ་རྣམས་ཆེས་ལྷག་པར་རྒྱགས་པ་

eKangyur, UT4CZ5369-I1KG9196-0000, page 93 (47a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101205#UT22084-068-021-101205