དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.44.a

Saddharma­smṛtyupasthāna
F.44.a, volume 70, Degé Kangyur

དགའ་བར་བྱེད་དོ། །​དེ་ཟད་ནས་སླར་ཡང་ལས་ཀྱི་དབང་གིས་འགྲོ་བས་དམྱལ་བ་དང་ཡི་དགས་དང་དུད་འགྲོ་རྣམས་སུ་སྐྱེ་བའོ། །​གལ་ཏེ་ཡང་གཞན་རྣམས་ནས་འཆི་འཕོས་ནས་ཀྱང་མི་རྣམས་དང་སྐལ་བ་མཉམ་པར་མིར་སྐྱེས་ན་ཡང་དེ་མཆོག་ཏུ་ལོངས་སྤྱོད་དང་ལྡན་པར་འགྱུར་རོ། །​མཆོག་ཏུ་གནོད་པ་མེད་པ་དང་ལོངས་སྤྱོད་ཅན་དང་རིགས་མཆོག་ཏུ་སྐྱེ་བ་དང་། ཡུལ་ལྗོངས་ཀྱི་མི་ཐམས་ཅད་དང་འཐུན་པ་དང་། ཡུལ་ལྗོངས་ཀྱི་མི་ཐམས་ཅད་ཀྱིས་མཆོད་པ་དང་། འཚེ་བ་མེད་པ་དང་ནད་མེད་པ་མཆོག་ཏུ་ཡིད་གཞུངས་པ་དང་མཆོག་ཏུ་ཡང་བྲན་ཕོ་བྲན་མོ་དང་ལས་བྱེད་པ་དང་ཞོ་ཤས་འཚོ་བ་རྣམས་འཐུན་པར་འགྱུར་རོ། །​རྗེས་སུ་ཆགས་པར་འགྱུར་བའི་གྲོང་ཁྱེར་ཕུན་སུམ་ཚོགས་པ་དང་ལྡན་པ་དང་ཡུལ་ལྗོངས་སུ་སྐྱེ་བར་འགྱུར་རོ། །​གང་ན་ཆོས་དང་ཆོས་མ་ཡིན་པ་མི་ཤེས་པའི་ཀླ་ཀློར་གྱུར་པའི་ཡུལ་དེར་སྐྱེ་བར་མི་འགྱུར་རོ། །​དབང་པོ་ཡོངས་སུ་རྫོགས་པར་ཡང་འགྱུར་རོ། །​ཡིད་རྒྱས་པ་དང་སེམས་དང་བཅས་པ་དང་། མཆོག་ཏུ་དབང་དུ་གྱུར་པའི་བློ་དང་ཡང་ལྡན་པར་འགྱུར་ཏེ། དེ་ཡིས་ལེགས་པར་བྱས་ཤིང་བསགས་ལ་མཆོག་ཏུ་འཕགས་པའི་སྐྱེ་བོ་ལེགས་པའི་ཡོན་ཏན་གསུམ་དང་ལྡན་པ་ནི་ངེས་པར་ལྷར་སྐྱེ་བར་འགྱུར་བའི་ལས་ཀྱི་རྒྱུ་འཐུན་པས་ཡིན་ནོ།​། །​།འཕགས་པ་དམ་པའི་ཆོས་དྲན་པ་ཉེ་བར་གཞག་པ། བམ་པོ་བཞི་བཅུ་རྩ་བརྒྱད་པ། གཞན་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་འཐབ་བྲལ་བའི་ལྷ་རྣམས་ཀྱི་ས་ལ་ཀུན་ཏུ་ལྟ་བར་བྱེད་པ་ན། དེས་ཐོས་པ་ལས་བྱུང་བའི་ཤེས་རབ་ཀྱིས་འཐབ་བྲལ་བའི་ལྷ་རྣམས་ཀྱིས་ཇི་ལྟ་བ་བཞིན་དུ་ཡོད་པ་མཐོང་བ་ནི་རྒྱུན་གྱིས་རྒྱུ་བ་ཞེས་བྱ་བའོ། །​དེས་ལས་གང་དག་གིས་སེམས་ཅན་རྣམས་སྐྱེ་བར་འགྱུར་བ་དེས་ཐོས་པ་ལས་བྱུང་བའི་ཤེས་རབ་ཀྱིས་མཐོང་བ། ལེགས་པར་བྱས་པའི་ལས་ཀྱི་མཐའ་ལ་སྤྱོད་པ། དྲང་པོ་དྲང་པོའི་སེམས་དང་ལྡན་པ། ཆོས་པ་ཆོས་ཀྱི་རྗེས་སུ་འབྲང་བ། མ་ཉམས་ཤིང་མ་སྨས་པར་སྤྱོད་པ་སྡིག་པ་ཡོངས་སུ་སྤངས་པ་དེས་འདོད་པ་རྣམས་ཡོངས་སུ་སྤངས་པའི་དགེ་བའི་བཤེས་གཉེན་གྱི་སེམས་དང་ལྡན་པ། ཁ་ན་

eKangyur, UT4CZ5369-I1KG9196-0000, page 87 (44a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101199#UT22084-068-021-101199