The Application of Mindfulness of the Sacred Dharma
F.21.a
ཡུལ་གྱི་སྒོ་ཡི་འགྱུར་ལྡོག་ལས། །གང་དག་འདི་ལས་སེམས་འདུལ་བའི། །ལྷ་དེ་བདེ་བའི་སྐལ་ལྡན་ཡིན། །བསོད་ནམས་བདག་ཉིད་ཀྱིས་བྱས་པ། །བདག་ཉིད་ལ་ནི་སྒྲུབ་པར་བྱེད། །བདེ་བའམ་གལ་ཏེ་སྡུག་བསྔལ་གང་། །བདག་ཉིད་ཁོ་ནས་ཉེར་ལོངས་སྤྱོད། །སྐྱེས་བུ་རྟག་ཏུ་སྡིག་བྱེད་པ། །དགྲ་བཞིན་དུ་ཡང་བདག་ཉིད་གནས། །དགེ་བ་བྱེད་པ་དེ་བཞིན་དུ། །བདག་ལ་གྲོགས་བཞིན་རབ་ཏུ་སྒྲུབ། །ཆུ་བོ་ཡི་ནི་རྒྱུན་བཞིན་དུ། །སྐྱེ་བས་སྐྱེས་བུ་ལ་རབ་འཇུག །གང་ཡིད་ཚུལ་ཁྲིམས་ལ་དགའ་བ། །བསོད་ནམས་གཟི་བརྗིད་དྲི་མེད་ལྡན། །མུན་ཚོགས་ཕལ་ཆེན་ལ་གནས་ནས། །དོན་མིན་པ་ནི་རབ་སྒྲུབ་པ། །གང་ཞིག་སྡིག་ལ་དགའ་བའི་བློས། །རྟག་ཏུ་ཡུལ་ལ་ཆེད་ཆེར་འཛིན། །ཡུལ་ན་དགའ་བའི་འགྱུར་ལྡོག་གིས། །རྟག་ཏུ་ཆགས་པའི་རྗེས་སུ་འབྲང་། །གང་བློ་ཆོས་ལ་མི་གནས་པ། །མི་དེ་སྡུག་བསྔལ་སྐལ་ལྡན་ཡིན། །གང་ཕྱིར་བདེ་ཆོས་ཉེ་འཁོར་ལས། །སྡུག་བསྔལ་བདུད་ཀྱི་ཆོས་འདི་ཡིན། །སྐྱེ་བོ་དེ་ཉིད་ཤེས་པ་ཡིས། །བདེ་སྡུག་མཚན་ཉིད་དེར་ཤེས་བྱ། །གང་ཡང་བདེ་བ་དེ་འདོད་པས། །དམ་ཆོས་རྗེས་སུ་སྤྱད་པར་གྱིས། །སྡུག་བསྔལ་གང་ཞིག་མངོན་ཞེན་འདིས། །ཆོས་དེ་བྱེད་ལས་ཡིན་པར་འདོད། །སྡུག་བསྔལ་རྣམ་པ་སྣ་ཚོགས་དང་། །རྒྱུ་མེད་བདེ་བ་མཐོང་བ་མིན། །བདེ་སྡུག་ཐ་དད་གྱུར་ཏེ་ལྟར། །རྩོལ་བས་རང་ཕན་ཆོས་ལ་སྤྱོད། །གང་གི་རྣམ་རྟོག་དུ་མ་དང་། །གང་ཡང་རྣམ་པ་དུ་མ་ཡི། །སྐྱེ་བ་རབ་ཏུ་ཐོབ་པ་འདི། །དེ་ཀུན་ལས་ལས་སྐྱེས་པའི་འབྲས། །གང་ཞིག་ཆོས་རྣམས་མི་འདོད་པ། །སྐྱེ་བ་འབྲས་བུས་སྟོང་པ་ཡིན། །ཆོས་ཀྱི་མཐོ་རིས་དག་ཏུ་འབབ། །ཆོས་སྤྱོད་པ་ནི་བདེ་དང་ལྡན། །དེ་ལྟར་དེ་ཀུན་འཐོབ་ནུས་པ། །དམ་ཆོས་དབང་བྱས་འབྲས་བུ་ཡིན། །སྐྱེས་བུ་ངན་པ་ཆོས་མི་འཛིན། །དམྱལ་བར་ཉེ་བར་འགྲོ་བ་ཡིན། །ཤི་བར་གྱུར་པ་མཆོག་ཡིན་གྱི། །ལུས་ལ་སྨོན་པ་དེ་ལྟར་མིན། །ཆོས་སྤངས་པ་ཡི་སྐྱེས་བུ་ནི། །རྟག་ཏུ་འཁོར་བར་འཁྱམ་པར་འགྱུར། །ཆོས་ཀྱི་མིག་དང་མི་ལྡན་པའི། །
ཡུལ་གྱི་སྒོ་ཡི་འགྱུར་ལྡོག་ལས། །གང་དག་འདི་ལས་སེམས་འདུལ་བའི། །ལྷ་དེ་བདེ་བའི་སྐལ་ལྡན་ཡིན། །བསོད་ནམས་བདག་ཉིད་ཀྱིས་བྱས་པ། །བདག་ཉིད་ལ་ནི་སྒྲུབ་པར་བྱེད། །བདེ་བའམ་གལ་ཏེ་སྡུག་བསྔལ་གང་། །བདག་ཉིད་ཁོ་ནས་ཉེར་ལོངས་སྤྱོད། །སྐྱེས་བུ་རྟག་ཏུ་སྡིག་བྱེད་པ། །དགྲ་བཞིན་དུ་ཡང་བདག་ཉིད་གནས། །དགེ་བ་བྱེད་པ་དེ་བཞིན་དུ། །བདག་ལ་གྲོགས་བཞིན་རབ་ཏུ་སྒྲུབ། །ཆུ་བོ་ཡི་ནི་རྒྱུན་བཞིན་དུ། །སྐྱེ་བས་སྐྱེས་བུ་ལ་རབ་འཇུག །གང་ཡིད་ཚུལ་ཁྲིམས་ལ་དགའ་བ། །བསོད་ནམས་གཟི་བརྗིད་དྲི་མེད་ལྡན། །མུན་ཚོགས་ཕལ་ཆེན་ལ་གནས་ནས། །དོན་མིན་པ་ནི་རབ་སྒྲུབ་པ། །གང་ཞིག་སྡིག་ལ་དགའ་བའི་བློས། །རྟག་ཏུ་ཡུལ་ལ་ཆེད་ཆེར་འཛིན། །ཡུལ་ན་དགའ་བའི་འགྱུར་ལྡོག་གིས། །རྟག་ཏུ་ཆགས་པའི་རྗེས་སུ་འབྲང་། །གང་བློ་ཆོས་ལ་མི་གནས་པ། །མི་དེ་སྡུག་བསྔལ་སྐལ་ལྡན་ཡིན། །གང་ཕྱིར་བདེ་ཆོས་ཉེ་འཁོར་ལས། །སྡུག་བསྔལ་བདུད་ཀྱི་ཆོས་འདི་ཡིན། །སྐྱེ་བོ་དེ་ཉིད་ཤེས་པ་ཡིས། །བདེ་སྡུག་མཚན་ཉིད་དེར་ཤེས་བྱ། །གང་ཡང་བདེ་བ་དེ་འདོད་པས། །དམ་ཆོས་རྗེས་སུ་སྤྱད་པར་གྱིས། །སྡུག་བསྔལ་གང་ཞིག་མངོན་ཞེན་འདིས། །ཆོས་དེ་བྱེད་ལས་ཡིན་པར་འདོད། །སྡུག་བསྔལ་རྣམ་པ་སྣ་ཚོགས་དང་། །རྒྱུ་མེད་བདེ་བ་མཐོང་བ་མིན། །བདེ་སྡུག་ཐ་དད་གྱུར་ཏེ་ལྟར། །རྩོལ་བས་རང་ཕན་ཆོས་ལ་སྤྱོད། །གང་གི་རྣམ་རྟོག་དུ་མ་དང་། །གང་ཡང་རྣམ་པ་དུ་མ་ཡི། །སྐྱེ་བ་རབ་ཏུ་ཐོབ་པ་འདི། །དེ་ཀུན་ལས་ལས་སྐྱེས་པའི་འབྲས། །གང་ཞིག་ཆོས་རྣམས་མི་འདོད་པ། །སྐྱེ་བ་འབྲས་བུས་སྟོང་པ་ཡིན། །ཆོས་ཀྱི་མཐོ་རིས་དག་ཏུ་འབབ། །ཆོས་སྤྱོད་པ་ནི་བདེ་དང་ལྡན། །དེ་ལྟར་དེ་ཀུན་འཐོབ་ནུས་པ། །དམ་ཆོས་དབང་བྱས་འབྲས་བུ་ཡིན། །སྐྱེས་བུ་ངན་པ་ཆོས་མི་འཛིན། །དམྱལ་བར་ཉེ་བར་འགྲོ་བ་ཡིན། །ཤི་བར་གྱུར་པ་མཆོག་ཡིན་གྱི། །ལུས་ལ་སྨོན་པ་དེ་ལྟར་མིན། །ཆོས་སྤངས་པ་ཡི་སྐྱེས་བུ་ནི། །རྟག་ཏུ་འཁོར་བར་འཁྱམ་པར་འགྱུར། །ཆོས་ཀྱི་མིག་དང་མི་ལྡན་པའི། །
eKangyur, UT4CZ5369-I1KG9196-0000, page 41 (21a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101153#UT22084-068-021-101153