དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.136.b

Saddharma­smṛtyupasthāna
F.136.b, volume 68, Degé Kangyur

བདག་དང་། སྦྱིན་པ་པོ་དག་སྒྲོལ་བ་དང་། གཞན་དག་ལ་ཡང་ཕན་གདགས་པ་བྱེད་པར་གྱུར་པས་སྤྱོད་དོ། །​ཆོས་དང་། ལས་དང་། རྣམ་པར་སྨིན་པ་ཤེས་པའི་དགེ་སློང་དེ། སེམས་ཅན་དམྱལ་བ་དང་། ཡི་དགས་དང་། དུད་འགྲོ་དང་། ལྷ་དང་། མི་རྣམས་ཀྱི་ལས་དང་། ཆོས་དང་། རྣམ་པར་སྨིན་པ་ལ་རྟོག་ཅིང་དཔྱོད་པར་བྱེད་དེ། དཔེར་ན་ནོར་བུ་ཤིན་ཏུ་དང་ཞིང་གསལ་བ། ནོར་བུ་བཻ་དཱུརྱའི་བུ་གའི་ནང་དུ་སྐུད་པ་བཅུག་པ་སེར་པོའམ། བཙོད་ཀའ་མ། དཀར་པོ་ཇི་ལྟར་སྣང་བ་དེ་བཞིན་དུ། ལས་ཀྱི་ནོར་བུའི་ནང་དུ་རྣམ་པར་སྨིན་པའི་སྐུད་པ་ཡོད་པ་དེ་དགེ་སློང་ཐོས་པ་ལས་བྱུང་བའི་ཤེས་པའམ། ལྷའི་མིག་རྣམ་པར་དག་པ་དེས་མཐོང་ངོ་། །​ཡང་དགེ་སློང་དེ་ཐོས་པ་ལས་བྱུང་བའི་ཤེས་པས་ནོར་བུ་ལྟ་བུའི་ལས་དང་། ཆོས་དང་། རྣམ་པར་སྨིན་པ་མཐོང་སྟེ། དཔེར་ན་ནོར་བུ་དཀར་ཞིང་ཤིན་ཏུ་དཀར་བ་གང་ཞིག །​ཀུན་ནས་གསལ་ཞིང་རྨ་མེད་ལ། དང་ཞིང་དབུག་བཟོད་པ། ལས་སུ་བྱར་རུང་ཞིང་ཀུན་ཏུ་སྒོར་གྱུར་ལ། སྐྱེ་བོ་ཐམས་ཅད་ཀྱིས་བསྔགས་པ། ནོར་དང་ལྡན་ཞིང་རྒྱལ་པོ་ལ་འོས་པ། ཡོན་ཏན་རྣམ་པ་དེ་དག་དང་ལྡན་པའི་ནོར་བུ་དེ། རྒྱལ་པོའམ། རྒྱལ་པོའི་བུས་དེའི་ཡོན་ཏན་ཤེས་ཤིང་། དེའི་རིན་ཤེས་པར་གྱུར་ནས། རྒྱན་དུ་བྱ་བ་ནས་གདགས་པའི་བར་དུ་བྱས་པ་དེ་བཞིན་དུ། དགེ་སློང་དེ་ཕྱོགས་དཀར་པོ་དགེ་བ་བཅུའི་ལས་ཀྱི་ལམ་གྱི་ནོར་བུ་འདི་ཀུན་ནས་དཀར་ཞིང་། ཤིན་ཏུ་གསལ་ལ་སྡིག་པ་མེད་པ། ཁ་ན་མ་ཐོ་བ་མེད་ཅིང་དང་ལ་དབུག་བཟོད་པ། ཆོས་ཀྱི་ཕྱོགས་དང་གཉེན་པོ་སྐྱེད་པ། དྲི་བ་དང་ལན་ལྡོན་པ་ལ་ཆོས་ཀྱི་ཐུར་མས་འབིགས་པར་བཟོད་ཅིང་། ལས་སུ་རུང་བ་སྦྱིན་པ་དང་། ཚུལ་ཁྲིམས་དང་། ཤེས་པ་དག་ཇི་ལྟ་ཇི་ལྟར་ཡོངས་སུ་སྔོ་བར་བྱེད་པ་དེ་ལྟ་དེ་ལྟར་དགེ་བ་བཅུའི་ལས་ཀྱི་ལམ་གྱི་ནོར་བུ་འདི་ལས་སུ་རུང་བ་ཉིད་དུ་དེ་འཁོར་ལོས་སྒྱུར་བའི་རྒྱལ་སྲིད་དམ། དེ་བདུད་

eKangyur, UT4CZ5369-I1KG9194-0000, page 272 (136b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100136#UT22084-068-021-100136