The Application of Mindfulness of the Sacred Dharma
F.307.a
དེ་སྐད་ཅེས་སྨྲས་ནས། མུ་སུ་ལུན་དྷ་བཱ་རཱ་ཎ་སཱི་ནས་འཕགས་ནས། ལྷའི་ཚོགས་དང་བཅས་པ་རྣམས་ནམ་མཁའི་དཀྱིལ་དུ་འཕགས་ཏེ། དེ་རྣམས་གང་ན་འཐབ་བྲལ་བ་རྣམས་ཀྱི་ས་རྣམས་ཡོད་པ་དེར། ལྷ་དེ་ཐམས་ཅད་ཉིད་རབ་ཏུ་ཞུགས་ནས། དེ་རྣམས་དེ་རེ་ཞིག་གི་ཚེ་དགའ་དགུར་གྱུར་པས་ཀྱང་ཀུན་ཏུ་སྤྱོད་དེ། ཇི་སྲིད་དུ་དེ་དག་རྣམས། སྐྱེ་བ་གཅིག་གི་དབང་དུ་བྱས་པའི་ཚེ་མ་ཟད་ཀྱི་བར་དུའོ། །དེ་ཟད་ནས་ཕྱིས་ཀྱང་གང་གིས་སྡིག་པའི་སྒོ་རྣམས་བཅད་པའི་མི་རྣམས་སུ་དེ་སྐྱེའོ། །སྐྱེས་ནས་ཀྱང་། མཆོག་ཏུ་གཞོན་ཤ་ཆགས་པ་དང་། གཟུགས་དང་ལང་ཚོ་ཕུལ་དུ་ཕྱིན་པ་དང་འབྱོར་ཅིང་ཡང་ཡུལ་ལྗོངས་ལ་དབང་བར་འགྱུར་རོ། །གང་དག་རྒྱུན་དུ་ཞུགས་པ་མ་ཡིན་པ་དེ་དག་རྣམས་ནི་ཚེ་འཕོས་ནས། ཇི་ལྟར་ཆོས་རྣམས་ཀྱིས་ཉེ་བར་འགྲོ་བར་འགྱུར་བ་དམྱལ་བ་དང་། ཡི་དགས་དང་། དུད་འགྲོ་རྣམས་སུ་སྐྱེའོ། །དེ་དག་རྣམས་ནས་འཕོས་ནས་གལ་ཏེ་ཡང་མི་རྣམས་དང་སྐལ་བ་མཚུངས་པར་མིར་སྐྱེས་ན་ཡང་། དེ་རྣམས་དེ་བཞིན་དུ་གཞོན་ཤ་ཅན་དུ་འགྱུར་ཞིང་རྒྱན་དང་ཆ་ལུགས་ལ་མཆོག་ཏུ་དགའ་བར་ཡང་འགྱུར་ཏེ། དེའི་རྒྱུ་འཐུན་པའི་ལས་རྣམས་ཀྱིས་སོ།། །
དེ་སྐད་ཅེས་སྨྲས་ནས། མུ་སུ་ལུན་དྷ་བཱ་རཱ་ཎ་སཱི་ནས་འཕགས་ནས། ལྷའི་ཚོགས་དང་བཅས་པ་རྣམས་ནམ་མཁའི་དཀྱིལ་དུ་འཕགས་ཏེ། དེ་རྣམས་གང་ན་འཐབ་བྲལ་བ་རྣམས་ཀྱི་ས་རྣམས་ཡོད་པ་དེར། ལྷ་དེ་ཐམས་ཅད་ཉིད་རབ་ཏུ་ཞུགས་ནས། དེ་རྣམས་དེ་རེ་ཞིག་གི་ཚེ་དགའ་དགུར་གྱུར་པས་ཀྱང་ཀུན་ཏུ་སྤྱོད་དེ། ཇི་སྲིད་དུ་དེ་དག་རྣམས། སྐྱེ་བ་གཅིག་གི་དབང་དུ་བྱས་པའི་ཚེ་མ་ཟད་ཀྱི་བར་དུའོ། །དེ་ཟད་ནས་ཕྱིས་ཀྱང་གང་གིས་སྡིག་པའི་སྒོ་རྣམས་བཅད་པའི་མི་རྣམས་སུ་དེ་སྐྱེའོ། །སྐྱེས་ནས་ཀྱང་། མཆོག་ཏུ་གཞོན་ཤ་ཆགས་པ་དང་། གཟུགས་དང་ལང་ཚོ་ཕུལ་དུ་ཕྱིན་པ་དང་འབྱོར་ཅིང་ཡང་ཡུལ་ལྗོངས་ལ་དབང་བར་འགྱུར་རོ། །གང་དག་རྒྱུན་དུ་ཞུགས་པ་མ་ཡིན་པ་དེ་དག་རྣམས་ནི་ཚེ་འཕོས་ནས། ཇི་ལྟར་ཆོས་རྣམས་ཀྱིས་ཉེ་བར་འགྲོ་བར་འགྱུར་བ་དམྱལ་བ་དང་། ཡི་དགས་དང་། དུད་འགྲོ་རྣམས་སུ་སྐྱེའོ། །དེ་དག་རྣམས་ནས་འཕོས་ནས་གལ་ཏེ་ཡང་མི་རྣམས་དང་སྐལ་བ་མཚུངས་པར་མིར་སྐྱེས་ན་ཡང་། དེ་རྣམས་དེ་བཞིན་དུ་གཞོན་ཤ་ཅན་དུ་འགྱུར་ཞིང་རྒྱན་དང་ཆ་ལུགས་ལ་མཆོག་ཏུ་དགའ་བར་ཡང་འགྱུར་ཏེ། དེའི་རྒྱུ་འཐུན་པའི་ལས་རྣམས་ཀྱིས་སོ།། །
eKangyur, UT4CZ5369-I1KG9195-0000, page 613 (307a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101112#UT22084-068-021-101112