དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.133.a

Saddharma­smṛtyupasthāna
F.133.a, volume 68, Degé Kangyur

མེད་ཅིང་ཐོགས་པ་མེད་པ་དག་གིས་བསྟན་དུ་ཡོད་ཅིང་ཐོགས་པ་དང་བཅས་པའི་སྐྱེ་མཆེད་དག་ཇི་ལྟར་དམིགས་པར་འགྱུར་ཞེ་ན། དགེ་སློང་དེ་ཇི་ཙམ་དུ་དམིགས་པའི་རྣམ་པར་འགྱུར་བ་དེ་ཙམ་དུ་རྣམ་པར་མཐོང་ཞིང་དེ་རྣམ་པར་ཤེས་པ་སྐྱེ་སྟེ། རྒྱ་དང་རྒྱའི་འབུར་བཞིན་ནོ། །​དེ་ལ་རྒྱ་དེའི་མི་འདྲ་བ་མཁྲང་བ་དང་། རྒྱའི་འཇམ་པ་དང་། སྙི་བ་དང་། མཁྲང་བ་དང་། མི་མཁྲང་བ་དེ་ལས་རྒྱའི་འབུར་འབྱུང་ངོ་། །​དེ་བཞིན་དུ་བསྟན་དུ་མེད་ཅིང་ཐོགས་པ་མེད་པའི་རྣམ་པར་ཤེས་པ་བསྟན་དུ་ཡོད་ཅིང་ཐོགས་པ་དང་བཅས་པ་ལ་དམིགས་པ་འཛིན་ཏོ། །​གསུམ་པ་རྒྱའི་འབུར་འབྱུང་བ་བཞིན་དུ་མི་འདྲ་བ་དེ་དག་ཐམས་ཅད་ལས་མི་འདྲ་བ་འབྱུང་སྟེ། དེ་ལྟར་མི་འདྲ་བ་ལས་མི་འདྲ་བ་འབྱུང་བ་ནི་མཐའ་དང་པོ་ཡིན་ནོ། །​མཐའ་གཉིས་པ་ནི་འདྲ་བ་དག་ལས་འདྲ་བ་འབྱུང་བ་ཡིན་ཏེ། དཔེར་ན་ཐགས་དཀར་པོ་དག་ལས་གོས་ཀྱི་སྣམ་བུ་དཀར་པོར་ཤེས་པ་ལྟ་བུའོ། །​མཐའ་གསུམ་པ་ནི་མི་འཐུན་པ་དག་ལས་མི་འཐུན་པ་འབྱུང་བ་ཡིན་ཏེ། དཔེར་ན་གཙུབ་ཤིང་ལས་མེ་འབྱུང་ཞིང་མེ་དང་ཤིང་མི་འཐུན་པར་མཐོང་བ་ལྟ་བུའོ། །​མཐའ་བཞི་པ་ནི་སླ་བ་ལས་བསྐ་བ་འབྱུང་བ་ཡིན་ཏེ། དཔེར་ན་འོ་མ་སླ་བ་ལས་བསྐ་བ་འབྱུང་བ་ནི་ཇི་ལྟར་འོ་མ་སླ་བ་ལས་ཞོ་བ་སྐ་བ་འབྱུང་བ་དེ་བཞིན་དུ་དངོས་པོ་མི་འདྲ་བ་མིག་གི་རྣམ་པར་ཤེས་པ་ལ་སོགས་པ་རྒྱུ་རྐྱེན་གྱི་བྱེ་བྲག་གིས་མིག་གི་རྣམ་པར་ཤེས་པ་ལ་སོགས་པ་སྐྱེའོ། །​འདིར་ཚིགས་སུ་བཅད་པ། ཆོས་རྟོགས་པ་ལ་མངོན་དགའ་ཞིང་། །​བསམ་གཏན་ཀུན་དགར་གནས་ལྡན་ལ། །​དེ་ཡི་མཚན་ཉིད་ཤེས་པ་ནི། །​མྱ་ངན་འདས་པ་མཆོག་འཐོབ་བོ། །​བྱམས་ལ་རྟག་པར་ཀུན་ཏུ་དགའ། །​ཆོས་ཀྱི་སྤྱོད་ཡུལ་བརྩོན་བྱེད་ཅིང་། །​ལུས་ཀྱི་མཚན་ཉིད་དེ་ཤེས་པ། །​དེ་ཉིད་ཁོ་ན་དགེ་སློང་ཡིན། །​གང་གི་བློ་གྲོས་ཚུལ་བཞིན་སེམས། །​འདོད་དང་ཁྲོ་བས་མི་ཉམས་པ། །​དགེ་སློང་དེ་ཡིན་ཤེས་པར་བྱ། །​དེ་ལས་བཟློག་ན་གཞན་དུ་འགྱུར། །​འབྱུང་པོ་ཀུན་ལ་བརྩེ་ཞིང་ཞི། །​ཆགས་པ་ཐམས་

eKangyur, UT4CZ5369-I1KG9194-0000, page 265 (133a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-100129#UT22084-068-021-100129