ཕྱོགས་བཅུའི་མུན་པ་རྣམ་པར་སེལ་བ།

Dispelling the Darkness of the Ten Directions
F.10.b

Daśadigandha­kāravidhvaṃsana
F.10.b, volume 68, Degé Kangyur

ཙོམ་གཅོད་མཛད་ཉོན་མོངས་བསྐྱོད་ཅེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་སོ། །​གཞོན་ནུ་ཁྱོད་ཀྱིས་དེ་བཞིན་གཤེགས་པ་དེ་ལ་བྱ་བ་རྩོམ་པ་ཐམས་ཅད་དང་། འགྲེང་ཡང་རུང་། འདུག་ཀྱང་རུང་། འཆག་ཀྱང་རུང་སྟེ། སྤྱོད་ལམ་ཐམས་ཅད་དུ་ཕྱག་འཚོལ་ཅིག །​ཡིད་ལ་བྱོས་ཤིག་དང་། སེམས་ཅན་རྣམས་ལ་བྱམས་པའི་སེམས་དང་། ཕན་པའི་སེམས་སྒྲུབས་ཤིག་དང་། གཞོན་ནུ་ཁྱོད་ལ་འཇིགས་པ་འབྱུང་བར་མི་འགྱུར་ཞིང་། དགོས་པ་ཐམས་ཅད་ཀྱང་འབད་མི་དགོས་པར་འགྲུབ་པར་འགྱུར་རོ། །​དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་བཀའ་སྩལ་ཏོ། །​བྱ་བ་ཀུན་ལ་ཉིན་མཚན་དུ། །​སངས་རྒྱས་དེ་ནི་དྲན་བྱ་ཞིང་། །​བྱང་ཆུབ་སེམས་ཀྱང་མ་གཏང་དང་། །​ཁྱོད་ལ་འཇིགས་པ་འབྱུང་མི་འགྱུར། །​གཞོན་ནུ་ཁྱོད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་ལེགས་པར་བཟུང་བར་གྱིས་ཤིག །​ལེགས་པར་བཅང་བར་གྱིས་ཤིག །​ལེགས་པར་ཀུན་ཆུབ་པར་གྱིས་ཤིག་དང་། འཇིགས་པའམ། བག་ཚ་བའམ། སྤུ་ཟིང་ཞེས་བྱེད་པ་གང་ཅི་ཡང་རུང་བ་དེ་དག་ཐམས་ཅད་ཁྱོད་ལ་འབྱུང་བར་མི་འགྱུར་རོ། །​དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཤཱཀྱ་གཞོན་ནུ་བཞིན་རབ་གསལ་གྱིས་འདི་སྐད་ཅེས་གསོལ་ཏོ། །​བཅོམ་ལྡན་འདས་བདག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་རྣམས་བཟུང་ལགས་ཏེ། བཅོམ་ལྡན་འདས་བདག་ལ་འཇིག་རྟེན་གྱི་ཁམས་དེ་དག་མུན་པ་མ་མཆིས་ཤིང་། བཅོམ་ལྡན་འདས་བདག་གིས་འཇིག་རྟེན་གྱི་ཁམས་དེ་དག་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཀྱང་དཔེར་ན་དེ་བཞིན་གཤེགས་པ་ད་ལྟར་འཁོར་རྣམས་ལ་ཆོས་སྟོན་པ་བཞིན་དུ་མཐོང་ངོ་། །​དེ་ནས་འཁོར་དེ་ལས་ཤཱཀྱ་གཞོན་ནུ་བཞིན་རབ་གསལ་ལ་སོགས་པ་སྐྱེ་བོ་ཕལ་པོ་ཆེའི་ཚོགས་

eKangyur, UT4CZ5369-I1KG9194-0000, page 20 (10b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh269/UT22084-068-003-215#UT22084-068-003-215