ནམ་མཁའི་སྙིང་པོའི་མདོ།

The Ākāśagarbha Sūtra
F.277.a

Ākāśa­garbha­sūtra
F.277.a, volume 66, Degé Kangyur

ཤིག་དང་། ད་ལྟར་གྱི་ང་བཞིན་དུ་ཁྱེད་ཀྱང་ཡེ་ཤེས་མཐོང་བར་འགྱུར་རོ་ཞེས་སྨྲ་ཞིང་། ཆོས་འདི་ལྟ་བུ་ཟབ་མོ་ཟབ་པ་དག་མངོན་པར་ནི་མ་བྱས་ཀྱི། བཀླགས་པ་ཙམ་གྱིས་བསྟན་ཏོ་ཞེས་ནི་མི་ཟེར་བར་རྙེད་པ་དང་བཀུར་སྟིའི་ཕྱིར་བདག་འཚོང་བར་བྱེད་དེ། དེའི་རྐྱེན་གྱིས་དུས་གསུམ་གྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དག་དང་། འཕགས་པའི་གང་ཟག་དག་གི་སྤྱན་སྔར་ཉེས་པ་དང་བཅས་པར་འགྱུར། ལྟུང་བ་ལྕི་བ་འབྱུང་བར་འགྱུར། ལྷ་དང་མི་རྣམས་ཐེག་པ་ཆེན་པོས་བསླུས་པར་འགྱུར་ཏེ། དེ་ནི་དེའི་ཉན་ཐོས་ཀྱི་ཐེག་པར་ཡང་མི་འགྱུར་ན་ཐེག་པ་ཆེན་པོ་ལྟ་ཅི་སྨོས། ཐེག་པ་ཆེན་པོ་ལ་འཇུག་པའི་རྟོགས་པའི་ཁྱད་པར་ལྟ་ཅི་སྨོས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལྟ་ཅི་སྨོས། འདི་ལྟ་སྟེ། དཔེར་ན་མི་ཞིག་འབྲོག་དགོན་པ་ཆེན་པོར་སོང་བ་ལས་བཀྲེས་པ་དང་སྐོམ་པས་ཉེན་ཅིང་ངལ་བར་གྱུར་ནས་དེ་འབྲས་བུ་ཆེན་པོ་དང་ལྡན་པའི་ཤིང་གི་དྲུང་དུ་ཟས་ཀྱི་ཕྱིར་འདུག་ནས། དེས་ཤིང་འབྲས་བུ་ཆེན་པོ་དང་ལྡན་པ་དྲི་དང་ལྡན་པ་རོ་དང་ལྡན་པ་བོར་ཏེ་དུག་གི་ཤིང་རོ་མེད་པ་ལ་འཇོགས་ནས་དུག་གི་འབྲས་བུ་ཟའོ། །​ཟོས་ནས་འཆི་བའི་དུས་བྱེད་དེ། གང་ཟག་དེ་ཡང་དཔེ་དེ་དང་འདྲ་བར་བརྗོད་དོ། །​དེ་བས་ན་མིར་རྙེད་པ་ཤིན་ཏུ་དཀོན་པ་རྙེད་ནས་དགེ་བའི་བཤེས་གཉེན་ལ་གནས་ཏེ་ཐེག་པ་ཆེན་པོ་ལ་འཇུག་པར་འདོད་པ་ལས་རྙེད་པ་དང་། བཀུར་སྟི་དང་། གྲགས་པའི་ཕྱིར་བདག་ལ་བསྟོད། གཞན་ལ་སྨོད་པར་བྱེད་པས་ལྟུང་བའི་ལྕི་བ་དེ་འདྲ་བ་བྱུང་བར་གྱུར་ནས་ལྟུང་བའི་རྩ་བ་དེའི་ཕྱིར་ཤེས་པ་ཐམས་ཅད་ཀྱིས་ཤིན་ཏུ་སྨད་ཅིང་ངན་སོང་དུ་འགྲོ་བར་འགྱུར་ཏེ། གང་ཟག་དེ་འདྲ་བ་ནི་རྒྱལ་རིགས་དང་། བྲམ་ཟེ་དང་། རྗེའུ་རིགས་དང་། དམངས་རིགས་ཐམས་ཅད་ཀྱིས་མི་བསྟེན་པར་བྱའོ། །​གང་དེ་སྟེན་པར་བྱེད་པ་དེ་ནི་ཤེས་པ་ཐམས་ཅད་ཀྱི་འདས་པ་དང་བཅས་པ་ཡིན་ཏེ། དེ་ཡང་བྱང་ཆུབ་སེམས་དཔའ་ལས་དང་པོ་པའི་ལྟུང་བའི་རྩ་བ་དྲུག་པའོ། །​གཞན་ཡང་རིགས་ཀྱི་བུ་མ་འོངས་པའི་དུས་ན་རྒྱལ་རིགས་རྣམས་ཀྱི་མདུན་ན་འདོན་གྱི་ཕྱག་དར་བའམ། བློན་པོའི་ཕྱག་དར་བའམ། དཔའ་བོའི་ཕྱག་དར་བའམ།

eKangyur, UT4CZ5369-I1KG9192-0000, page 553 (277a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh260/UT22084-066-018-345#UT22084-066-018-345