ནམ་མཁའི་སྙིང་པོའི་མདོ།

The Ākāśagarbha Sūtra
F.271.b

Ākāśa­garbha­sūtra
F.271.b, volume 66, Degé Kangyur

པ་ནས། ཏིང་ངེ་འཛིན་དང་། གཟུངས་དང་། བཟོད་པ་སྣ་ཚོགས་དང་། ས་བཅུ་ལ་གཞོག་པའི་བར་དུ་ནུས་ཏེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དེ་ནི་ཐབས་དང་། ཡེ་ཤེས་དང་། སྙིང་རྗེ་ཆེན་པོ་བསམ་གྱིས་མི་ཁྱབ་པ་དང་ལྡན་ནོ། །​རིགས་ཀྱི་བུ་ནམ་མཁའི་ཚད་ནི་ལ་ལས་གཟུང་ནུས་ཀྱི། རིགས་ཀྱི་བུ་དེའི་ཐབས་དང་། ཡེ་ཤེས་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། ཏིང་ངེ་འཛིན་གྱི་སྟོབས་བསྐྱེད་པ་དང་། སེམས་ཅན་ཡོངས་སུ་སྨིན་པར་བྱེད་པའི་ཚད་གཟུང་བར་ནི་མི་ནུས་ཏེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དེ་ནི་ཡོན་ཏན་བསམ་གྱིས་མི་ཁྱབ་པ་དང་ལྡན་ནོ། །​རིགས་ཀྱི་བུ་སེམས་ཅན་གང་གཡོ་མེད་པ། སྒྱུ་མེད་པ། ཡང་དག་པའི་ནན་ཏན་དང་ལྡན་པ། ལྟ་བ་དྲང་པོ་དང་ལྡན་པ། གཞན་མི་སྨོད་པ། བདག་མི་སྟོད་པ། ཕྲག་དོག་དང་སེར་སྣ་སྤངས་པ། ཚུལ་འཆོས་པ་མེད་པ། ལྷག་པའི་བསམ་པ་དང་ལྡན་པ་དེ་དག་ལ་ནི་རིགས་ཀྱི་བུ་འདི་སྙིང་བརྩེ་བར་བྱེད་དེ། ཐབས་དང་། ཡེ་ཤེས་དང་། བརྩོན་འགྲུས་དང་། རྟུལ་བའི་ཐབས་ཀྱང་སྟོན་ཅིང་སེམས་ཅན་དེ་ཐབས་དང་། ཡེ་ཤེས་དང་། བརྩོན་འགྲུས་དང་། རྟུལ་བ་དེས་དེ་འདྲ་བའི་སྡུག་བསྔལ་ལས་ཡོངས་སུ་ཐར་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེ་བར་བྱེད་དོ། །​དགེ་བའི་རྩ་བ་ཐམས་ཅད་ཀྱང་བྱང་ཆུབ་ཏུ་སྔོ་བར་བྱེད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པར་འགྱུར་རོ། །​མཐུ་དང་། བརྩོན་འགྲུས་དང་། རྟུལ་བ་ཆེན་པོ་དེས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱ་བའི་ཕྱིར་སྤྲོ་བ་དང་། རྟུལ་བ་ཆེན་པོར་འགྱུར། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། ད་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དེ་ནི་ཡོན་ཏན་གྱི་ཆོས་དང་རྟུལ་བ་བསམ་གྱིས་མི་ཁྱབ་པ་དང་ལྡན་པ་སེམས་ཅན་ཐམས་

eKangyur, UT4CZ5369-I1KG9192-0000, page 542 (271b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh260/UT22084-066-018-334#UT22084-066-018-334