The Quintessence of the Sun
F.184.b
དེ་དག་ཐམས་ཅད་ལུས་དང་སེམས་ཀྱི་བདེ་བ་དེ་ལྟ་བུ་དང་ཡང་དག་ལྡན་པར་གྱུར་ཏོ། །དེ་དག་ཐམས་ཅད་ངོ་མཚར་ཐོབ་ཅིང་རྨད་དུ་བྱུང་བ་ཐོབ་སྟེ། དབང་པོ་ཚིམ་ནས་དེ་དག་དེ་བཞིན་གཤེགས་པའི་སྐུའི་ནང་དུ་གནས་ཤིང་འཁོད་ནས་བཅོམ་ལྡན་འདས་ཀྱི་སྐུའི་བ་སྤུའི་ཁུང་བུ་ལ་བལྟས་ཏེ། དེ་དག་ཐམས་ཅད་ཀྱིས་འདི་ལྟར་བཅོམ་ལྡན་འདས་ཀྱི་སྐུའི་བ་སྤུའི་ཁུང་བུ་གཅིག་ནས་འོད་ཟེར་འདི་ལྟ་བུ་བྱུང་བ་དེ་ལྟ་བུ་མཐོང་བར་གྱུར་ཏེ། དཔེར་ན་ཉི་མ་དང་ཟླ་བ་གང་གཱའི་ཀླུང་གི་བྱེ་མ་སྙེད་དང་། ནོར་བུ་རིན་པོ་ཆེ་ཆེན་པོ་གང་གཱའི་ཀླུང་གི་བྱེ་མ་སྙེད་ཀྱི་སྣང་བ་དང་། བྱང་ཆུབ་སེམས་དཔའ་ས་བཅུ་པ་གང་གཱའི་ཀླུང་གི་བྱེ་མ་སྙེད་ཀྱི་འོད་ཟེར་གྱི་སྣང་བ་བཞིན་ནོ། །བཅོམ་ལྡན་འདས་ཀྱི་བ་སྤུའི་ཁུང་བུ་རེ་རེ་ནས་ཀྱང་འོད་དེ་ལྟ་བུ་བྱུང་སྟེ། བཅོམ་ལྡན་འདས་ཀྱི་སྐུ་ལས་འོད་ཟེར་རབ་ཏུ་བྱུང་བ་དེ་དག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་སྣང་བ་ཆེན་པོས་རྒྱས་པར་གང་བར་གྱུར་ཏོ། །སངས་རྒྱས་ཀྱི་ཞིང་སྟོང་པ་མ་ཡིན་པ་གང་དག་ན་སངས་རྒྱས་བཅོམ་ལྡན་འདས་བཞུགས་ཤིང་གཞེས་པའི་སངས་རྒྱས་བཅོམ་ལྡན་འདས་དེ་དང་དེ་དག་གིས་ཐམས་ཅད་དང་ལྡན་པའི་སངས་རྒྱས་ཀྱི་ཞིང་མི་མཇེད་ཐམས་ཅད་འདི་ལྟ་བུའི་དབྱངས་བརྗོད་པས་ཀུན་ཏུ་གང་བར་མཛད་དོ། །ཤཱཀྱ་སེང་གེ་མི་ཡི་མཆོག །བྱམས་དང་ཐུགས་རྗེའི་རྒྱུ་འཐུན་པ། །སེམས་ཅན་ཀུན་ལ་ཕན་མཛད་པ། །བསོད་ནམས་ལས་གྲུབ་པ་ལ་ལྟོས། །སེམས་ཅན་ཀུན་ལ་ཐུགས་བརྩེའི་ཕྱིར། །སངས་རྒྱས་སྤྱོད་ཡུལ་སྟོན་པར་མཛད། །ཐུགས་རྗེས་འོད་ཟེར་བཀྱེ་བས་ནི། །ཞིང་རྣམས་ཐམས་ཅད་གསལ་བར་གྱུར། །རེ་རེས་ཞིང་ནི་རྒྱས་གྱུར་པ། །གནས་ཀུན་གསལ་བ་མཐོང་ནས་སུ། །བྱང་ཆུབ་མཆོག་ནི་ཡོངས་ཚོལ་ཞིང་། །སེམས་ཀྱི་མཆོག་ཀྱང་སྐྱེད་པར་བྱེད། །གང་དག་ལུས་ཅན་རྫུ་འཕྲུལ་འཐོབ། །དེ་དག་ཐམས་ཅད་མྱུར་དུ་ལྷགས། །ཤཱཀྱ་སེང་གེ་མི་མཆོག་ལ། །ཁྱེད་ཀྱིས་བསྐོར་བ་བྱས་ནས་ཀྱང་། །གང་དག་རྫུ་འཕྲུལ་མ་ཐོབ་ཀུན། །རྒྱང་མ་ནས་ནི་ཕྱག་འཚོལ་ལ།
དེ་དག་ཐམས་ཅད་ལུས་དང་སེམས་ཀྱི་བདེ་བ་དེ་ལྟ་བུ་དང་ཡང་དག་ལྡན་པར་གྱུར་ཏོ། །དེ་དག་ཐམས་ཅད་ངོ་མཚར་ཐོབ་ཅིང་རྨད་དུ་བྱུང་བ་ཐོབ་སྟེ། དབང་པོ་ཚིམ་ནས་དེ་དག་དེ་བཞིན་གཤེགས་པའི་སྐུའི་ནང་དུ་གནས་ཤིང་འཁོད་ནས་བཅོམ་ལྡན་འདས་ཀྱི་སྐུའི་བ་སྤུའི་ཁུང་བུ་ལ་བལྟས་ཏེ། དེ་དག་ཐམས་ཅད་ཀྱིས་འདི་ལྟར་བཅོམ་ལྡན་འདས་ཀྱི་སྐུའི་བ་སྤུའི་ཁུང་བུ་གཅིག་ནས་འོད་ཟེར་འདི་ལྟ་བུ་བྱུང་བ་དེ་ལྟ་བུ་མཐོང་བར་གྱུར་ཏེ། དཔེར་ན་ཉི་མ་དང་ཟླ་བ་གང་གཱའི་ཀླུང་གི་བྱེ་མ་སྙེད་དང་། ནོར་བུ་རིན་པོ་ཆེ་ཆེན་པོ་གང་གཱའི་ཀླུང་གི་བྱེ་མ་སྙེད་ཀྱི་སྣང་བ་དང་། བྱང་ཆུབ་སེམས་དཔའ་ས་བཅུ་པ་གང་གཱའི་ཀླུང་གི་བྱེ་མ་སྙེད་ཀྱི་འོད་ཟེར་གྱི་སྣང་བ་བཞིན་ནོ། །བཅོམ་ལྡན་འདས་ཀྱི་བ་སྤུའི་ཁུང་བུ་རེ་རེ་ནས་ཀྱང་འོད་དེ་ལྟ་བུ་བྱུང་སྟེ། བཅོམ་ལྡན་འདས་ཀྱི་སྐུ་ལས་འོད་ཟེར་རབ་ཏུ་བྱུང་བ་དེ་དག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་སྣང་བ་ཆེན་པོས་རྒྱས་པར་གང་བར་གྱུར་ཏོ། །སངས་རྒྱས་ཀྱི་ཞིང་སྟོང་པ་མ་ཡིན་པ་གང་དག་ན་སངས་རྒྱས་བཅོམ་ལྡན་འདས་བཞུགས་ཤིང་གཞེས་པའི་སངས་རྒྱས་བཅོམ་ལྡན་འདས་དེ་དང་དེ་དག་གིས་ཐམས་ཅད་དང་ལྡན་པའི་སངས་རྒྱས་ཀྱི་ཞིང་མི་མཇེད་ཐམས་ཅད་འདི་ལྟ་བུའི་དབྱངས་བརྗོད་པས་ཀུན་ཏུ་གང་བར་མཛད་དོ། །ཤཱཀྱ་སེང་གེ་མི་ཡི་མཆོག །བྱམས་དང་ཐུགས་རྗེའི་རྒྱུ་འཐུན་པ། །སེམས་ཅན་ཀུན་ལ་ཕན་མཛད་པ། །བསོད་ནམས་ལས་གྲུབ་པ་ལ་ལྟོས། །སེམས་ཅན་ཀུན་ལ་ཐུགས་བརྩེའི་ཕྱིར། །སངས་རྒྱས་སྤྱོད་ཡུལ་སྟོན་པར་མཛད། །ཐུགས་རྗེས་འོད་ཟེར་བཀྱེ་བས་ནི། །ཞིང་རྣམས་ཐམས་ཅད་གསལ་བར་གྱུར། །རེ་རེས་ཞིང་ནི་རྒྱས་གྱུར་པ། །གནས་ཀུན་གསལ་བ་མཐོང་ནས་སུ། །བྱང་ཆུབ་མཆོག་ནི་ཡོངས་ཚོལ་ཞིང་། །སེམས་ཀྱི་མཆོག་ཀྱང་སྐྱེད་པར་བྱེད། །གང་དག་ལུས་ཅན་རྫུ་འཕྲུལ་འཐོབ། །དེ་དག་ཐམས་ཅད་མྱུར་དུ་ལྷགས། །ཤཱཀྱ་སེང་གེ་མི་མཆོག་ལ། །ཁྱེད་ཀྱིས་བསྐོར་བ་བྱས་ནས་ཀྱང་། །གང་དག་རྫུ་འཕྲུལ་མ་ཐོབ་ཀུན། །རྒྱང་མ་ནས་ནི་ཕྱག་འཚོལ་ལ།
eKangyur, UT4CZ5369-I1KG9192-0000, page 368 (184b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh257/UT22084-066-015-675#UT22084-066-015-675