བྱང་ཆུབ་སེམས་དཔའི་སོ་སོར་ཐར་པ་ཆོས་བཞི་སྒྲུབ་པ།

The Accomplishment of the Sets of Four Qualities: The Bodhisattvas’ Prātimokṣa
F.57.b

Bodhisattva­prātimokṣa­catuṣkanirhāra
F.57.b, volume 66, Degé Kangyur

སེམས་བསྲུང་བར་བྱ་ཞིང་དེ་དང་རྗེས་སུ་འཐུན་པའི་དགེ་བའི་རྩ་བ་བརྟེན་པར་བྱ། གང་སངས་རྒྱས་ཀྱི་བྱང་ཆུབ་ཡང་དག་པ་ཉིད་ལ་ཞུགས་པ་དེ་རྣམས་ལ་ཕན་གདགས་པར་བྱ། གང་མ་ཞུགས་པ་རྣམས་ལ་ཡང་གནོད་པར་མི་བྱ། དེ་ལ་རྣམ་པ་དེ་དག་གཉི་ག་ལ་ཡང་གནོད་པར་མི་བྱའོ། །​གང་དག་ལ་བདག་ལ་ཁྲོས་པར་གྱུར་ནས་ཡང་དག་པ་མ་ཡིན་པ་རྗོད་པར་བྱེད་ཅིང་སྲོག་གི་བར་ཆད་བྱེད་པར་གནས་པ། ཚངས་པར་སྤྱོད་པའི་བར་ཆད་བྱེད་པ་ལ་འཇིགས་པའམ། གུས་པར་བྱ་བ་དང་། ཐ་ན་དགའ་བའི་ཚིག་གིས་ཀྱང་དེ་དང་སེམས་ཡོངས་སུ་འདྲིས་པར་བྱ། གང་ལས་ལུང་ནོད་པ་དང་། ཁ་ཏོན་འདོན་པ་དང་འབྲེལ་པ་དེ་ལ་ནི་སྟོན་པའི་འདུ་ཤེས་བསྐྱེད་ཅིང་གུས་པར་བྱའོ། །​དེ་ལྟར་ཚངས་པ་མཚུངས་པར་སྤྱོད་པ་རྣམས་ལ་གུས་པར་ཡང་བྱའོ། །​ཇི་ལྟར་ལམ་བསྟན་པར་བྱ་ཞེ་ན། སེམས་མཉམ་པ་ཉིད་དང་། སེམས་རབ་ཏུ་དང་བ་ཉིད་དང་། ཡང་དག་པར་འདུ་ཤེས་པ་དང་། སོམ་ཉི་མེད་པས་ལམ་ལ་ལམ་ཉེ་བར་བསྟན་པར་བྱའོ། །​གལ་ཏེ་ཐེ་ཙོམ་མེད་པར་མ་གྱུར་ན་དེས་ལམ་ཤེས་པའི་སྐྱེས་བུ་དག་ལས་མཉན་ནས་ལམ་ཉེ་བར་བསྟན་པར་བྱའོ། །​ཆོས་བཞི་པོ་དེ་དག་དང་ལྡན་ན་བྱང་ཆུབ་སེམས་དཔའ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། །​དེ་ལ་འདི་སྐད་ཅེས་བྱ་སྟེ། ཚུལ་བཞིན་བསྙེན་བཀུར་བྱེད་པ་དང་། །​ཚུལ་བཞིན་ཆོས་ནི་ཉན་བྱེད་ཅིང་། །​ཚུལ་བཞིན་ཤིན་ཏུ་དོན་སེམས་ལ། །​ཆོས་རྣམས་ཀུན་གྱི་ཕ་རོལ་ཕྱིན། །​ལུས་ཅན་རྣམས་ལ་ཕན་དོན་དུ། །​ཆོས་དེ་ཡོངས་སུ་ཚོལ་བ་ན། །​མཁན་པོ་དག་དང་ཉེ་གནས་ནི། །​གུས་པ་ཀུན་གྱིས་བྱ་བ་ཡིན། །​རྟག་ཏུ་བྱམས་པ་ལ་གནས་ནས། །​བྱས་པ་གཟོ་དང་བྱས་པ་ཚོར། །​ངོ་ཚ་ཁྲེལ་ཡོད་ཕུན་སུམ་ཚོགས། །​ཕྲག་དོག་ཚུལ་འཆོས་རྣམ་པར་སྤངས། །​ནད་པ་རྣམས་ནི་གསོ་བྱེད་པ། །​རྙེད་དཀའ་རིན་ཆེན་འདུ་ཤེས་ཀྱིས། །​དེ་དག་འདུ་ཤེས་ཉེར་གཞག་ནས། །​ལེགས་པར་བཤད་པ་ཡོངས་སུ་བཙལ། །​དེ་དག་ཐོས་པས་བདེར་འགྱུར་དང་། །​ཤེས་རབ་རྣོན་པོའང་སྐྱེ་འགྱུར་ཞིང་། །​འདོད་

eKangyur, UT4CZ5369-I1KG9192-0000, page 114 (57b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh248/UT22084-066-006-228#UT22084-066-006-228