སྤྲིན་ཆེན་པོ།

The Great Cloud (1)
F.195.b

Mahāmegha
F.195.b, volume 64, Degé Kangyur

འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་བྱང་ཆུབ་ཀྱི་ཡོན་ཏན་ལ་དགོད་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་སངས་རྒྱས་སུ་བསྒྲུབ་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་ཆོས་ཀྱི་འཁོར་ལོ་སྐོར་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་འཕགས་པའི་དགེ་འདུན་ཡོངས་སུ་སྡུད་དུ་གཞུག་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་སངས་རྒྱས་ཀྱི་གདུང་མི་འཆད་པར་བྱ་བར་འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་ལ་ཆོས་ཀྱི་རྒྱུན་མི་གཅད་པར་བྱ་བར་འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་ལ་དགེ་འདུན་གྱི་རིགས་བསྒྲུབ་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་ལ་ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་བསྒྲུབ་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །​སེམས་ཅན་ཐམས་ཅད་ཀྱི་ཚུལ་ཁྲིམས་མ་ཉམས་པ་དང་། སྐྱོན་མེད་པ་དང་། མ་འདྲེས་པ་དང་། མ་འཁྲུགས་པར་འདོད་པའི་ཕྱིར་ཚུལ་ཁྲིམས་སྲུང་ངོ་། །​དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོས་འདི་སྐད་ཅེས་གསོལ་ཏོ། །​འདི་ལ་གནས་པའི་བྱང་ཆུབ་སེམས་དཔའ་ནི་དེ་བཞིན་གཤེགས་པའི་མཚན་གྱི་སླད་དུ་ཚུལ་ཁྲིམས་མི་སྲུང་ངོ་ཞེས་བཅོམ་ལྡན་འདས་དེ་བཞིན་གཤེགས་པས་ཅི་ལས་དགོངས་ཏེ་དེ་སྐད་གསུངས། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་སྙིང་པོ་འདི་ལ་གནས་པའི་བྱང་ཆུབ་སེམས་དཔའ་ལ་སངས་རྒྱས་ཀྱི་ཡོན་ཏན་བསྒྲུབ་པ་དེ་དག་ཐམས་ཅད་ཡོད་པའི་ཕྱིར་རོ། །​དེ་ཅིའི་ཕྱིར་ཞེ་ན། ཏིང་ངེ་འཛིན་འདི་ནི་སངས་རྒྱས་ཀྱི་ཡོན་ཏན་ཐམས་ཅད་ཀྱི་འབྱུང་གནས་ཡིན་པའི་ཕྱིར་རོ། །​སྤྲིན་ཆེན་སྙིང་པོ་དཔེར་ན་ནོར་བུ་རིན་པོ་ཆེ་བཻ་དཱུརྱ་དུ་མ་དང་། ནོར་ཐམས་ཅད་ཀྱི་བདག་པོར་གྱུར་པ་དེ་བདག་ཉིད་ལ་ཡོད་བཞིན་དུ་བཻ་དཱུརྱའི་ཕྱིར་འདོད་པའི་སེམས་དང་ཐེ་ཙོམ་སྐྱེད་པར་འགྱུར་རམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །​བཅོམ་ལྡན་འདས་ཀྱིས་བཀའ་སྩལ་པ། འདི་ལ་གནས་པའི་བྱང་ཆུབ་སེམས་དཔའ་བདག་ཉིད་ལ་ཡོད་བཞིན་དུ་མཚན་གྱི་ཕྱིར་འདོད་པའི་སེམས་སྐྱེད་པ་དེ་ནི་གནས་མེད་

eKangyur, UT4CZ5369-I1KG9190-0000, page 390 (195b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh232/UT22084-064-002-1629#UT22084-064-002-1629