དེ་བཞིན་གཤེགས་པ་བགྲོ་བ།

Discussions of Thus-Gone Ones
F.245.a

Tathāgata­saṅgīti
F.245.a, volume 63, Degé Kangyur

སེམས་ཅན་འདི་སྙེད་ཅིག་དུལ་ལོ་ཞེས་བྱ་བ་དེ་ནི་མ་བྱས་པ། འགྱུར་བ་མེད་པར་སེང་གེའི་སྒྲ་སྒྲོགས་པའོ། །​དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བསྟན་པ་འདི་བཤད་པ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ་ཏོ། །​གཡོས་རབ་ཏུ་གཡོས། ཀུན་ཏུ་རབ་ཏུ་གཡོས་སོ། །​ལྡེག །​རབ་ཏུ་ལྡེག །​ཀུན་ཏུ་རབ་ཏུ་ལྡེག་གོ། །​དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །​བཅོམ་ལྡན་འདས་འཇིག་རྟེན་དུ་དོག་ས་ཆེར་གཡོས་པར་གྱུར་པའི་རྒྱུ་ནི་གང་ལགས། རྐྱེན་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་བཞིན་གཤེགས་པས་བསྟན་པ་འདི་བཤད་པ་ན་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་ཐེར་འབུམ་ཕྲག་འབུམ་ཕྲག་བརྒྱད་ཅུ་པོ་དེ་དག་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །​ལྷ་ཐེར་འབུམ་ཕྲག་དགུ་བཅུ་ནི་མི་སྐྱེ་བའི་ཆོས་ལ་བཟོད་པ་སྐྱེས་སོ། །​བྲམ་ཟེ་སྟོང་ཕྲག་དྲུག་ཅུ་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །​སྲོག་ཆགས་ལྷ་དང་མིར་བཅས་པ་བརྒྱད་ཁྲི་ནི་ཆོས་རྣམས་ལ་ཆོས་ཀྱི་མིག་རྣམ་པར་དག་གོ། །​སྲོག་ཆགས་མིའི་སྐྱེ་དགུ་སྟོང་ཕྲག་དྲུག་ཁྲི་ནི་མི་སྐྱེ་བའི་ཆོས་ལ་བཟོད་པ་སྐྱེས་སོ། །​སྲོག་ཆགས་སྟོང་ཕྲག་བརྒྱད་སྟོང་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱེད་དོ། །​རྒྱལ་པོ་ཆེན་པོ་འཇིག་རྟེན་དུ་ས་ཆེར་གཡོས་པར་གྱུར་པའི་རྒྱུ་ནི་དེ་ཡིན་ནོ། །​རྐྱེན་ནི་དེ་ཡིན་ནོ། །རྒྱལ་པོ་ཆེན་པོ་དེ་བཞིན་གཤེགས་པ་བགྲོ་བའི་ཆོས་ཀྱི་རྣམ་གྲངས་འདི་ནམ་མཁའ་དང་ལྡན་པའི་ས་ཕྱོགས་འདི་ཉིད་དུ་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་བཤད་དོ། །​ང་ཡང་འཆད་དོ། །​དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པ་ཡང་ས་ཕྱོགས་འདི་ཉིད་དུ་འཆད་པར་འགྱུར་རོ། །​དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་ཆོས་ཀྱི་རྣམ་གྲངས་འདི་ཉིད་ལ་མཆོད་པ་བྱ་བའི་ཕྱིར་དེ་བཞིན་གཤེགས་པ་ལ་མེ་ཏོག་དང་། སྤོས་དང་། ཕྲེང་བ་སྣ་ཚོགས་དེ་དག་གིས་མངོན་པར་གཏོར་ཏོ། །​རབ་ཏུ་གཏོར་ཏོ། །​རབ་ཏུ་མངོན་

eKangyur, UT4CZ5369-I1KG9189-0000, page 489 (245a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh229/UT22084-063-010-684#UT22084-063-010-684