སངས་རྒྱས་ཀྱི་སྡེ་སྣོད་ཚུལ་ཁྲིམས་འཆལ་པ་ཚར་གཅོད་པ།

The Buddha’s Collected Teachings Repudiating Those Who Violate the Discipline
F.25.a

Buddha­piṭaka­duḥśīla­nigraha
F.25.a, volume 63, Degé Kangyur

ཚུལ་ཁྲིམས་འཆལ་པའི་དྲི་ཁོ་ན་ཡོད་དོ། །​དགེ་སྦྱོང་དང་འདྲ་བའི་སྐད་དང་གཏམ་འདི་ལྟ་སྟེ། ཚུལ་ཁྲིམས་ཀྱི་གཏམ་འམ། ཏིང་ངེ་འཛིན་གྱི་གཏམ་འམ། ཤེས་རབ་ཀྱི་གཏམ་འམ། རྣམ་པར་གྲོལ་བའི་གཏམ་འམ། རྣམ་པར་གྲོལ་བའི་ཡེ་ཤེས་མཐོང་བའི་གཏམ་འམ། འབྲས་བུ་ཐོབ་པའི་གཏམ་མངོན་པར་མི་བརྗོད་ཀྱི། གཞན་དུ་ན་ཚུལ་ཁྲིམས་འཆལ་པའི་དགེ་སློང་ནི་འདུ་འཛི་ལ་དགའ་ཞིང་མངོན་པར་མགུ་བར་བྱེད་པ་ཁོ་ན་ཡིན་ནོ། །​དེ་ནི་རིགས་པ་མ་ཡིན་པ་ལ་སྦྱོར་བ་དེ་འདྲ་བ་དག་དང་ལྷན་ཅིག་མ་དག་པའི་གཏམ་མང་པོ་འདི་ལྟ་སྟེ། ཆོས་གོས་བགོས་པའི་གཏམ་དང་། བདག་གིས་ཁ་ཟས་རྙེད་ནས་ཟོས་པའི་གཏམ་དང་། སྦྱིན་པ་བྱིན་ན་བྱིན་ལེན་བྱ་བའི་གཏམ་དང་། ཕོ་ཉ་དང་སྤྲིང་ཡིག་སྐྱེལ་བའི་གཏམ་དང་། ལོ་མ་དང་། མེ་ཏོག་དང་། འབྲས་བུ་སྦྱིན་པའི་གཏམ་དང་། བཞད་གད་དང་རྩེད་མོ་དང་ཀུན་ཏུ་འབྲེལ་བ་དང་། གདུལ་དཀའ་བ་དང་། དགང་དཀའ་བ་དང་། གསོ་དཀའ་བ་སྨྲ་སྟེ། གཏམ་འདི་འདྲ་བ་མ་དག་པ་དག་གིས་ཉིན་མཚན་ལྷག་པར་འདའ་བར་བྱེད་དོ། །​དེ་ལྟར་དེ་དག་ཡོངས་སུ་མ་དག་པའི་ལུས་ཀྱི་ལས་ཀྱི་མཐའ་དང་། ཡོངས་སུ་མ་དག་པའི་ངག་གི་ལས་ཀྱི་མཐའ་དང་། ཡོངས་སུ་མ་དག་པའི་ཡིད་ཀྱི་ལས་ཀྱི་མཐའ་དང་། ཡོངས་སུ་མ་དག་པའི་འཚོ་བ་བས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་ལྟུང་བར་འགྱུར་རོ། །​ཤཱ་རིའི་བུ་དཔེར་ན་བྱ་མ་བྱི་ནི་མུན་ཁྲོད་ན་སྟེན་པ་ཡིན་ནོ་ཞེས་གསུང་ངོ་། །​སྐྱེས་བུ་བླུན་པོ་དེ་དག་ཀྱང་དེ་བཞིན་གཤེགས་པས་གསུངས་པའི་མདོ་སྡེ་ཡང་དག་པ་ཇི་ལྟ་བ་བཞིན་སྐུལ་བར་བྱེད་པ་འདི་ལྟ་བུ་ཐོས་ནས་སྡུག་བསྔལ་བར་འགྱུར་རོ། །​དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་འཇིག་རྟེན་ནི་བདེན་པ་ལ་ཁྲོ་བ་ཡིན་པས་དེ་དག་ཆོས་སྨྲ་བ་ལ་སེམས་མ་དད་པར་འགྱུར་རོ། །​དེ་དག་ལྷག་པར་ཡང་ངན་སོང་གི་གནས་ཀུན་ཏུ་འཕེལ་བ་དང་། ཡོངས་སུ་རྫོགས་པར་བྱེད་པར་འགྱུར་རོ། །​ཤཱ་རིའི་བུ་འདི་ནི་ཚུལ་ཁྲིམས་འཆལ་པའི་དགེ་སློང་གི་འཆལ་པའི་ཚུལ་ཁྲིམས་ཀྱི་སྐྱོན་ལྔ་པ་ཡིན་ཏེ། ངན་

eKangyur, UT4CZ5369-I1KG9189-0000, page 49 (25a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh220/UT22084-063-001-854#UT22084-063-001-854