མ་སྐྱེས་དགྲའི་འགྱོད་པ་བསལ་བ།

Eliminating Ajātaśatru’s Remorse
F.266.b

Ajāta­śatru­kaukṛtya­vinodana
F.266.b, volume 62, Degé Kangyur

ཀྱི་རྣམ་གྲངས་འདི་གང་དག་གི་ལག་ཏུ་མཆི་བའི་རིགས་ཀྱི་བུ་དང་། རིགས་ཀྱི་བུ་མོ་གང་དག་ལ་ཡང་ཤ་དང་ཁྲག་གིས་ཀྱང་སྨན་ཡོན་མི་ཐོགས་སོ། །​བཅོམ་ལྡན་འདས་དེ་བཞིན་གཤེགས་པ་ལ་ལྟ་བར་འཚལ་བའི་རིགས་ཀྱི་བུ་དང་རིགས་ཀྱི་བུ་མོས་དེ་དག་ཉིད་ལ་བལྟ་བར་བགྱིའོ། །དེ་བཞིན་གཤེགས་པ་ལ་མཆོད་པར་འཚལ་བས་དེ་དག་ཉིད་ལ་མཆོད་པར་བགྱིའོ། །​བཅོམ་ལྡན་འདས་ལ་དད་པའི་རིགས་ཀྱི་བུའམ། རིགས་ཀྱི་བུ་མོས་དེ་དག་ལ་སྟོན་པར་འདུ་ཤེས་བསྐྱེད་པར་བགྱིའོ། །​དེ་སྐད་ཅེས་གསོལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་ལན་གསུམ་བསྐོར་ཏེ། འཇམ་དཔལ་གཞོན་ནུར་གྱུར་པ་ལ་ཡང་མཆོད་ནས། སངས་རྒྱས་ཀྱི་ཞིང་འདི་ནས་མི་སྣང་བར་གྱུར་ཏེ། བདག་བདག་གི་སངས་རྒྱས་ཀྱི་ཞིང་དུ་འཁོད་ནས། བདག་བདག་གི་ཡང་དག་པར་རྫོགས་པའི་སངས་རྒྱས་རྣམས་ཀྱི་སྤྱན་སྔར་དེ་དག་ཐམས་ཅད་ཀྱིས་ཆོས་ཀྱི་རྣམ་གྲངས་འདི་ཇི་ལྟར་བླངས་པ་བཞིན་དུ་རྒྱ་ཆེར་བཤད་པ་དང་། དེར་ཡང་སེམས་ཅན་དཔག་ཏུ་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་ཏོ། །​དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ། བྱམས་པ་ཁྱོད་ཀྱིས་ཆོས་ཀྱི་རྣམ་གྲངས་འདི་འགྲོ་བ་མང་པོ་ལ་ཕན་པ་དང་། འགྲོ་བ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་ཀྱི་དོན་གྱི་ཕྱིར། ཕན་པའི་ཕྱིར། བདེ་བའི་ཕྱིར། ཆོས་ཀྱི་རྣམ་གྲངས་འདི་ལོང་ཤིག །​ཟུང་ཤིག །​ལྷོགས་ཤིག །​ཤོད་ཅིག །​དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་འདི་སྐད་ཅེས་གསོལ་ཏོ། །​བཅོམ་ལྡན་འདས་བདག་གིས་ཆོས་ཀྱི་རྣམ་གྲངས་འདི་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལས་ཀྱང་བླངས་ལགས་ཏེ། ད་ཡང་བཅོམ་ལྡན་འདས་ལས་མངོན་སུམ་དུ་ཐོས་ཏེ། བཅོམ་ལྡན་འདས་

eKangyur, UT4CZ5369-I1KG9188-0000, page 532 (266b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh216/UT22084-062-016-828#UT22084-062-016-828