གླང་པོའི་རྩལ།

The Strength of the Elephant
F.99.a

Hastikakṣya
F.99.a, volume 62, Degé Kangyur

འཇམ་དཔལ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་པད་མོ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སེམས་ཅན་དམྱལ་བའི་གནས་ཡོངས་སུ་གཟུང་བ་ཡང་ཡོངས་སུ་འཛིན་ཏེ། དེ་ལྷའི་བདེ་བ་གང་ཆུང་ཟད་ཡོད་པ་དེ་དག་ཐམས་ཅད་དེ་ན་མྱོང་བར་བྱེད་དོ། །​སེམས་ཅན་དེ་དག་གིས་ཀྱང་དེ་དམྱལ་བས་དམྱལ་བར་མཐོང་སྟེ། དེ་ཆ་ལུགས་དེས་སེམས་ཅན་དམྱལ་བ་པའི་སེམས་ཅན་དེ་དག་དམྱལ་བ་དང་བྲལ་བར་གྱུར་པ་ལ་ཆོས་འཆད་དོ། །​དེ་སེམས་ཅན་སྟོང་ཕྲག་དུ་མ་སེམས་ཅན་དམྱལ་བ་ལས་རབ་ཏུ་ཐར་བར་བྱེད་དོ། །​འཇམ་དཔལ་དེ་ལྟར་ན་བྱང་ཆུབ་སེམས་དཔའ་སེམས་ཅན་དམྱལ་བའི་གནས་ཡོངས་སུ་གཟུང་བ་ཡང་ཡོངས་སུ་འཛིན་ལ་མཐོ་རིས་ཀྱི་ཆོས་ཀྱང་མྱོང་བར་བྱེད་པ་ཡིན་ནོ། །​འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་དུད་འགྲོའི་གནས་ཀྱང་ཡོངས་སུ་འཛིན་ལ་མིའི་ཆོས་རྒྱ་ཆེན་པོ་ཡང་མྱོང་བར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལ་བྱང་ཆུབ་སེམས་དཔའ་ཉེ་བར་ཞི་བ་ལ་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དུད་འགྲོའི་གནས་ཡོངས་སུ་འཛིན་ཅིང་སེམས་ཉམས་པ་མེད་པར་མིའི་ཆོས་རྒྱ་ཆེན་པོ་མྱོང་བར་བྱེད་དོ། །​དེ་ཆ་ལུགས་དེས་དུད་འགྲོར་གྱུར་པའི་སེམས་ཅན་རྣམས་ལ་ཆོས་འཆད་དེ། དེ་སེམས་ཅན་སྟོང་ཕྲག་མང་པོ་ཆོས་ལ་འཇོག་གོ། །​འཇམ་དཔལ་དེ་ལྟར་ན་བྱང་ཆུབ་སེམས་དཔའ་དུད་འགྲོའི་གནས་ཀྱང་ཡོངས་སུ་འཛིན་ལ་མིའི་ཆོས་རྒྱ་ཆེན་པོ་ཡང་མྱོང་བར་བྱེད་པ་ཡིན་ནོ། །​འཇམ་དཔལ་གྱིས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རིགས་དམའ་བར་སྐྱེ་བ་ཡོངས་སུ་གཟུང་བ་ཡང་ཡོངས་སུ་འཛིན་ལ་འཁོར་ལོས་སྒྱུར་བའི་རྒྱལ་སྲིད་ཀྱི་བདེ་བ་ཡང་མྱོང་བར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ལ་བྱང་ཆུབ་སེམས་དཔའ་མངོན་པར་གནོན་ཅིང་རྣམ་པར་གསལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་ཏིང་ངེ་འཛིན་དེ་མངོན་པར་གནོན་པ་དང་། རྣམ་པར་གསལ་བས་རིགས་དམའ་བར་སྐྱེ་བ་ཡོངས་སུ་གཟུང་བ་ཡང་ཡོངས་སུ་འཛིན་ལ་འཁོར་ལོས་སྒྱུར་བའི་རྒྱལ་སྲིད་ཀྱི་བདེ་བ་ཡང་མྱོང་བར་བྱེད་

eKangyur, UT4CZ5369-I1KG9188-0000, page 197 (99a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh207/UT22084-062-007-338#UT22084-062-007-338