སྤྱན་རས་གཟིགས་ཀྱི་མདོ།

The Avalokinī Sūtra
F.265.b

Avalokinīsūtra
F.265.b, volume 61, Degé Kangyur

སྟོང་གི་འཇིག་རྟེན་ཁམས་ཀུན་རྒྱས་པར་འགྱུར། །​དབང་ཕྱུག་ཉིད་དུ་དབང་ཐོབ་རྒྱལ་སྲིད་སྟོན། །​དེ་ཡི་ཡུལ་ན་སེམས་ཅན་གང་གནས་པ། །​དེ་ཀུན་སངས་རྒྱས་ཡེ་ཤེས་རྫོགས་ལ་འགོད། །​དེས་ནི་ངན་སོང་ས་ཡང་རྣམ་པར་སྤོང་། །​དེ་དག་རྣམས་ཀྱི་དོན་མཆོག་དམ་པ་བྱེད། །​བསོད་ནམས་བློ་གྲོས་དྲན་ལྡན་མཆོད་འོས་འགྱུར། །​དབུགས་ཕྱིན་ཐོབ་ནས་འཇིག་རྟེན་ཀུན་ཏུ་རྒྱུ། །​དེ་ཡི་གཡོག་འཁོར་ཡིད་འོང་སྒྲ་སྐད་ལྡན། །​བསམ་པ་ཇི་བཞིན་དེ་དག་དགའ་བ་སྐྱེད། །​སེམས་ཅན་རྣམས་ལ་མི་ལྷོད་ཞི་ཚིག་སྟོན། །​དེ་ལ་སུ་ཡང་དབང་ཕྱུག་མེད་མི་བྱེད། །​སྐྱེ་བོ་ཚོགས་ཆེན་དག་གིས་བལྟ་འོས་འགྱུར། །​དེ་ཡི་གཡོག་ཀྱང་སྒྲ་དབྱངས་ཡན་ལག་དག །​སངས་རྒྱས་མཆོད་རྟེན་ཐལ་སྦྱར་ཕྱག་འཚལ་བ། །​སྦྱིན་དང་སྙན་པར་སྨྲ་དང་དོན་སྤྱོད་དང་། །​དོན་འཐུན་པ་དག་སྐྱེ་བོ་མང་ལ་བྱེད། །​སྤྱོས་ཤིང་བརྒྱད་ཀྱང་ཁྲོ་བའི་དངོས་མི་སྐྱེད། །​སངས་རྒྱས་མཆོད་རྟེན་ཐལ་སྦྱར་ཕྱག་འཚལ་བ། །​མཐོ་རིས་འཇིག་རྟེན་གནས་ཤིང་ལྷ་དབང་འགྱུར། །​མིར་གྱུར་ན་ཡང་མི་ཡི་རྒྱལ་པོར་འོང་། །​དེ་ནི་གཞར་ཡང་ཡོངས་སུ་ཉམས་མི་འགྱུར། །​སངས་རྒྱས་མཆོད་རྟེན་ཐལ་སྦྱར་ཕྱག་འཚལ་བ། །​དེ་ནི་གཞར་ཡང་ངན་སོང་ཕྱིས་མི་ལྟུང་། །​འཇིག་རྟེན་འདིར་དེ་རྟག་ཏུ་འདོད་པ་སྤོང་། །​ནོར་ཅན་ནང་ན་ཕྱུག་ཅིང་མཛོད་མང་འགྱུར། །​ཡོན་ཏན་ལྡན་ལ་ཚིག་གཅིག་སུ་སྨྲ་བ། །​དེ་ནི་མི་རིགས་སྔགས་ལ་གཞར་མི་སྤྱོད། །​མི་ཡི་འཇིག་རྟེན་གནས་མིན་སྤྱོད་མི་འགྱུར། །​དེ་ལ་སེམས་ཅན་མི་ངོམས་དགའ་བར་འགྱུར། །​ཡིད་འོང་དབྱངས་ལྡན་ཕོ་བྲང་འཁོར་གཤེགས་ཤིང་། །​འཇིག་རྟེན་མགོན་པོ་སྒོ་གཏན་བཞུགས་པའི་ཚེ། །​སུ་ཞིག་ཤུགས་བསྐྱེད་མེ་ཏོག་བླངས་ཏེ་གཏོར། །​དེ་ནི་བརྒྱན་ནས་རྒྱལ་བ་དམ་པ་མཐོང་། །​རང་གི་ཁྱིམ་དུ་སྟོབས་བཅུ་བསྙེན་བཀུར་བྱེད། །​དེ་ཡི་བཤོས་གསོལ་ཆོས་བཟང་སྟོན་པ་མཛད། །​དད་པ་སྐྱེས་ནས་མི་མཆོག་བསྙེན་བཀུར་བྱེད། །​གོས་ཀྱང་ཐོགས་ཏེ་རྣམ་པར་འདྲེན་ལ་འབུལ། །​སངས་རྒྱས་བྱང་ཆུབ་མཚུངས་མེད་མཆོག་

eKangyur, UT4CZ5369-I1KG9187-0000, page 530 (265b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh195/UT22084-061-015-408#UT22084-061-015-408