བུ་མོ་ཟླ་མཆོག་ལུང་བསྟན་པ།

The Prophecy of the Girl Candrottarā
F.227.a

Candrottarā­dārikāvyākaraṇa
F.227.a, volume 61, Degé Kangyur

མཆོད། །​བདག་ནི་འདོད་དང་ལོངས་སྤྱོད་ལུས་མི་གཉེར། །​རྒྱལ་བ་ཡང་དང་ཡང་དུ་མཆོད་པར་བྱ། །​བདག་གིས་བསོད་ནམས་རྣམ་སྨིན་དེ་མཐོང་ཞིང་། །​ཉིན་གཅིག་འདྲ་བ་ཚེ་རབས་བརྒྱ་ཡང་དྲན། །​བདག་འདིར་སྐྱེས་པའི་དཔལ་ཡང་འདི་འདྲ་ན། །​མཁས་པ་སུ་ཞིག་རྒྱལ་ལ་གུས་མི་སྐྱེད། །​དེ་ནས་བུ་མོ་དེས་ཚིགས་སུ་བཅད་པ་དེ་དག་སྨྲས་ནས་ཅང་མི་ཟེར་བར་འདུག་པར་གྱུར་ཏོ། །​དེའི་སྔོན་གྱི་དགེ་བའི་རྩ་བའི་འབྲས་བུའི་རྒྱུ་འཐུན་པས་ལུས་ལ་ལྷའི་གོས་རིན་པོ་ཆེ་དག་གྱོན་བཞིན་དུ་བྱུང་བར་གྱུར་ནས་དེའི་ལུས་ལས་ཟླ་བ་ལས་ཤིན་ཏུ་ཁྱད་པར་དུ་འཕགས་པའི་འོད་ཟེར་གསེར་གྱི་མདོག་ཏུ་སྣང་བ་དག་ཀྱང་བྱུང་ངོ་། །​དེ་ནས་ཕ་མ་དག་གིས་དེའི་མིང་ཟླ་མཆོག་ཅེས་བྱ་བར་བཏགས་སོ། །​དེ་ནས་བུ་མོ་ཟླ་མཆོག་དེ་སྐད་ཅིག་དང་། ཐང་ཅིག་དང་། ཡུད་ཙམ་ཅིག་གིས་འདི་ལྟ་སྟེ། དཔེར་ན་བུ་མོ་ལོ་བརྒྱད་ལོན་པ་ལྟ་བུའི་ན་ཚོད་དུ་ཀུན་ཏུ་སྣང་ངོ་། །​དེས་སའི་ཕྱོགས་གང་དང་གང་དག་ཏུ་འགྲེང་བ་དང་། འཆག་པ་དང་། འདུག་པ་དང་། མལ་བཅས་པར་གྱུར་པ་དེ་དང་དེ་དག་ཏུ་འོད་ཟེར་གསེར་གྱི་མདོག་ལྟ་བུ་དག་སྣང་བར་གྱུར་ཏོ། །​དེའི་སྤུའི་ཁུང་བུ་ཐམས་ཅད་ནས་ཙན་དན་ས་མཆོག་པའི་དྲི་དག་དང་། ཁ་ནས་ཀྱང་ཨུད་པ་ལ་སྔོན་པོའི་དྲི་ངད་བྱུང་བར་གྱུར་ཏོ། །​དེ་ནས་ཡངས་པ་ཅན་གྱི་གྲོང་ཁྱེར་གྱི་ཚོང་དཔོན་དང་། ཁྱིམ་བདག་དང་། རྒྱལ་བུ་རྣམས་དང་། དེ་ལས་གཞན་པ་རིགས་ཆེ་བ་རྣམས་དང་། རིགས་མཐོ་བ་དག་གིས་བུ་མོ་ཟླ་མཆོག་གི་ལུས་ཀྱི་གཟུགས་དང་། ཁ་དོག་ཡོངས་སུ་རྫོགས་པ་ཐོས་སོ། །​ཐོས་ནས་ཀྱང་འདོད་པའི་འདོད་ཆགས་ཀྱིས་སེམས་ཤིན་ཏུ་དཀྲིས་པར་གྱུར་ཅིང་སོ་སོ་ནས་འདི་སྙམ་དུ་སེམས་ཏེ། དེ་བདག་གི་ཆུང་མར་གྱུར་ན་ཅི་མ་རུང་སྙམ་མོ། །​དེ་ནས་སྐྱེ་བོ་ཕལ་པོ་ཆེ་རྣམས་དེ་ཐོབ་པར་བྱ་བའི་ཕྱིར་སེམས་བརྩོན་པར་གྱུར་ཏེ། དེ་དག་ལས་ཁ་ཅིག་ནི་ལིཙྪ་བཱི་དྲི་མ་མེད་པར་གྲགས་པ་ལ་སྟེན་པར་བྱེད། སྟེན་པར་བྱེད་ཅིང་བསྙེན་བཀུར་བྱེད་པར་གྱུར་ཏོ། །​ཁ་ཅིག་ནི་ནོར་བུ་དང་། གསེར་དང་། དངུལ་དང་། རྡོ་རྗེ་དང་། བཻ་དཱུརྱ་དང་། སྤུག་དང་། ཨན་ད་རྙིལ་དང་། དུང་དང་། མེན་ཤེལ་དང་། བྱི་རུ་བྱེ་བ་སྙེད་དག་སྦྱིན་ཞིང་

eKangyur, UT4CZ5369-I1KG9187-0000, page 453 (227a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://84000.co/translation/toh191/UT22084-061-011-644#UT22084-061-011-644