དེ་བཞིན་གཤེགས་པའི་ཡོན་ཏན་དང་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པ།

Introduction to the Domain of the Inconceivable Qualities and Wisdom of the Tathāgatas
F.131.b

Tathāgata­guṇa­jñānācintya­viṣayāvatāra­nirdeśa
F.131.b, volume 61, Degé Kangyur

ཅན་མ་ཡིན་པ་དང་། འདུ་ཤེས་མེད་འདུ་ཤེས་མེད་མིན་ནས་གཟུགས་མེད་པའི་བར་གྱི་སེམས་ཅན་རྣམས་ཡོངས་སུ་སྨིན་པར་བྱེད་པར་ཡང་སྣང་ངོ་། །​དེ་བཞིན་གཤེགས་པའི་སྤྱོད་པ་དང་། མངོན་པར་རྫོགས་པར་བྱང་ཆུབ་པ་དང་། སངས་རྒྱས་ཀྱི་བཀོད་པ་ཐམས་ཅད་ཀྱི་སྤྱོད་ཡུལ་ཐོབ་པ་ཡང་ཡིན་ལ་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཆོ་ག་དང་སྤྱོད་ལམ་ཡང་ཀུན་ཏུ་སྟོན་ཏོ། །​འཇམ་དཔལ་དགེ་བའི་བཤེས་གཉེན་གྱིས་ཡོངས་སུ་ཟིན་པའི་བྱང་ཆུབ་སེམས་དཔའ་ནི་སེམས་ཅན་ཐམས་ཅད་ཀྱི་སྒྲ་སེམས་ཅན་གཅིག་གི་སྒྲར་འཇུག་པར་བྱེད་ལ། སེམས་ཅན་གཅིག་གི་སྒྲ་སེམས་ཅན་ཐམས་ཅད་ཀྱི་སྒྲར་འཇུག་པར་བྱེད་ཅིང་། སྒྲ་རྣམས་འདྲེས་པར་ཡང་མི་འགྱུར་ལ་སེམས་ཅན་གང་གི་སྒྲ་ལ་ཡང་སྒྲིབ་པར་མི་འགྱུར་རོ། །​འཇམ་དཔལ་དགེ་བའི་བཤེས་གཉེན་གྱིས་ཡོངས་སུ་ཟིན་པའི་བྱང་ཆུབ་སེམས་དཔའ་ནི་ལྷུན་གྱིས་གྲུབ་ཅིང་རྣམ་པར་མི་རྟོག་པར་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་རང་གི་ལུས་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་སུ་བྱིན་གྱིས་རློབ་བོ། །​འཇམ་དཔལ་དགེ་བའི་བཤེས་གཉེན་གྱིས་ཡོངས་སུ་ཟིན་པའི་བྱང་ཆུབ་སེམས་དཔའ་ནི་སེམས་ཅན་གྱི་ལུས་ལ་ཞིང་གི་ལུས་ཀུན་ཏུ་སྟོན་ཀྱང་སེམས་ཅན་གྱི་ལུས་དང་འདྲེས་པར་ཡང་མི་བྱེད། ཞིང་གི་ལུས་ལ་སེམས་ཅན་གྱི་ལུས་ཀུན་ཏུ་སྟོན་ཀྱང་ཞིང་གི་ལུས་དང་འདྲེས་པར་ཡང་མི་བྱེད་དོ། །​སངས་རྒྱས་ཀྱི་སྐུ་ལ་ཉན་ཐོས་དང་། རང་སངས་རྒྱས་ཀྱི་ལུས་སུ་ཀུན་ཏུ་སྟོན་ཀྱང་སངས་རྒྱས་ཀྱི་སྐུ་དམན་པར་ཡང་མི་བྱེད་དོ། །​ཉན་ཐོས་དང་། རང་སངས་རྒྱས་ཀྱི་ལུས་ལ་སངས་རྒྱས་ཀྱི་སྐུ་ཀུན་ཏུ་སྟོན་ཀྱང་ཉན་ཐོས་དང་། རང་སངས་རྒྱས་ཀྱི་ལུས་རྒྱ་ཆེན་པོར་ཡང་མི་བྱེད་དོ། །སྤྱོད་པའི་ལུས་ལ་མངོན་པར་རྫོགས་པར་བྱང་ཆུབ་པའི་སྐུ་ཀུན་ཏུ་སྟོན་ཀྱང་སྤྱོད་པའི་རྒྱུན་ཆད་པར་ཡང་མི་བྱེད་དོ། །​མངོན་པར་རྫོགས་པར་བྱང་ཆུབ་པའི་སྐུ་ལ་སྤྱོད་པའི་ལུས་ཀུན་ཏུ་སྟོན་ཀྱང་མངོན་པར་རྫོགས་པར་བྱང་ཆུབ་པའི་སྐུ་ཉམས་པར་ཡང་མི་བྱེད་དོ། །​མྱ་ངན་ལས་འདས་

eKangyur, UT4CZ5369-I1KG9187-0000, page 262 (131b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh185/UT22084-061-005-766#UT22084-061-005-766