སྦྱིན་པའི་ཕ་རོལ་ཏུ་ཕྱིན་པ།

The Perfection of Generosity
F.84.b

Dāna­pāramitā
F.84.b, volume 61, Degé Kangyur

སྩལ་ཏོ། །​ཁ་ཟས་སྦྱིན་པ་བྱིན་ན་ནི། །​དེས་ན་ཚེ་དང་ཁ་དོག་དང་། །​སྟོབས་དང་བདེ་བ་ལྔ་པ་སྤོབས། །​ཤེས་རབ་ཅན་གྱིས་བྱིན་པ་ཡིན། །​ཁ་ཟས་བྱིན་པས་དགའ་བ་དང་། །​ཚེ་རིང་སྟོབས་ལྡན་བདེ་སྐྱིད་འགྱུར། །​སྐྱིད་ཅིང་བརྟེན་པ་དེ་དག་ནི། །​ཐོགས་མེད་སྤོབས་དང་ལྡན་པར་འགྱུར། །​ཕྱུག་ཅིང་ནོར་མང་དཔལ་དང་ལྡན། །​མི་ནི་དེས་ཤིང་བློ་ལྡན་ལ། །​བསོད་ནམས་ལྡན་ཞིང་མཁས་ལ་ཞི། །​ཁ་ཟས་བྱིན་པས་དེ་ལྟར་འགྱུར། །​དེ་ལ་སྐོམ་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། སྐོམ་སྦྱིན་པ་ཞེས་བྱ་བ་དེ་ནི་ཉོན་མོངས་པའི་སྲེད་པ་ཐམས་ཅད་སེལ་བར་འགྱུར་བའི་ཚིག་བླ་དགས་ཡིན་ཏེ། དེ་ལྟ་བས་ན་བདག་གིས་སྐོམ་གྱི་སྦྱིན་པ་སྦྱིན་པར་བྱ་གོར་མ་ཆག་སྙམ་མོ། །​དེ་སྐོམ་གྱི་སྦྱིན་པ་དེ་སྦྱིན་པ་ན། སངས་རྒྱས་ཀྱིས་བསྔགས་པའི་སྨོན་ལམ་བཞིན་དུ་སྐོམ་གྱི་སྦྱིན་པ་འདིས་ན། བདག་སེམས་ཅན་ཐམས་ཅད་ཀྱི་ཉོན་མོངས་པ་སྲེད་པའི་རྒྱ་མཚོ་ཐམས་ཅད་སྐེམས་པར་བྱེད་པར་གྱུར་ཅིག །​རྣམ་པར་གྲོལ་བའི་རོའི་སྐོམ་གྱིས་ཀྱང་ཚིམ་པར་བྱེད་པར་གྱུར་ཅིག་ཅེས་སྨོན་ལམ་འདེབས་སོ། །​འདི་ལ་ཚིག་ཕྱི་མ་ཡང་ཡོད་དེ། རྒ་ཤིའི་ཆུ་སྲིན་གྱིས་དཀྲུགས་པའི། །​ཉོན་མོངས་སྲེད་པའི་མཚོ་སྐེམས་ནས། །​རྣམ་གྲོལ་རོ་ཡི་སྐོམ་གྱིས་ནི། །​མི་རྣམས་བདག་གིས་ཚིམ་པར་བྱ། །​སྐོམ་བྱིན་པས་ནི་མཁས་པ་དེ། །​ཀུན་ཏུ་འབར་ཞིང་རབ་འབར་བའི། །​ཡི་དགས་ཉམ་ངར་མི་སྐྱེ་ཞིང་། །​སྐོམ་པའི་གནོད་པ་འབྱུང་མི་འགྱུར། །​དེ་ལ་བཞོན་པའི་སྦྱིན་པ་ལ་ཇི་ལྟར་མངོན་པར་བརྩོན་པར་བྱེད་ཅེ་ན། རིགས་ཀྱི་བུ་འདི་ལ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། བཞོན་པའི་སྦྱིན་པ་ཞེས་བྱ་བ་དེ་ནི་བདེ་བ་དང་། རྫུ་འཕྲུལ་གྱི་གཞི་ཐམས་ཅད་སྤུད་པའི་ཚིག་བླ་དགས་ཡིན་གྱིས། བདག་གིས་བཞོན་པའི་སྦྱིན་པ་སྦྱིན་པར་བྱ་སྟེ། བཞོན་པ་ཤིང་རྟའམ། བཞོན་པ་ཁྱོགས་སམ། བཞོན་པ་རྟའམ། བཞོན་པ་གླང་པོ་ཆེའམ། ལྷ་མ་སྦྱིན་པར་བྱ་གོར་མ་ཆག་སྙམ་མོ། །​དེ་བཞོན་པའི་སྦྱིན་པ་དེ་དག་སྦྱིན་པ་ན། སངས་

eKangyur, UT4CZ5369-I1KG9187-0000, page 168 (84b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh182/UT22084-061-002-339#UT22084-061-002-339