Eight Verses Praising Śrīdevī Mahākālī
F.272.a

།​ཕྲེང་བ་ཐོགས་ཤིང་གར་བྱེད་ལག་པ་མཉེན་བརྐྱང་རྐུབ་ཚོས་ཆེ་ལ་ཀླུ་དབང་གཤིབས་པ་ཡི། །​སྐ་རགས་འཆིང་ཞིང་ལག་ན་མདུང་དང་རལ་གྲི་ཐོགས་ལ་ཁྲག་གི་ཆང་གིས་མྱོས་པར་འགྱུར། །​མིག་རྩ་དམར་པོར་གྱུར་ཅིང་མཚན་མོ་དུར་ཁྲོད་འགྲོ་བ་འབྱུང་པོ་ཕལ་ཆེན་རྣམས་ཀྱིས་མཐོང་། །​ཀོ་རློན་ཆེན་པོ་དྲལ་ཏེ་བརྒྱངས་པའི་གོས་ཀྱིས་མནབས་ཤིང་ཕྱེད་གཡོགས་ཕྱེད་ནི་རེ་ལྡེས་དཀྲིས། །​མི་ཡི་རྒྱུ་མ་གསར་པའི་སྦུབས་ཀྱིས་ཞལ་གྱི་ཟླ་བ་བརྒྱན་ཅིང་དྲིལ་བུ་འགྲམ་པར་འཁྲོལ། །​ལུས་ནི་སྣུམ་གྱིས་གསར་དུ་བྱུགས་ཤིང་ཁྲག་དང་ཞག་ལ་སོགས་པའི་ཐིག་ལེས་ཚོམ་བུར་བྲིས། །​མི་ཡི་ཤ་ལ་སོ་ཡིས་ཆེམ་ཆེམ་གཅོད་བྱེད་ཐོད་པ་ཅན་ནི་བདག་ལ་སྐྱོང་གྱུར་ཅིག །​དྲག་པོ་དྲག་མོ་མི་བཟད་མི་ཤ་ཁ་ན་ཐོགས་པ་སྔོན་ཆད་མ་བྱུང་ཁྱོད་མཐོང་ནས། །​མ་མོ་རྣམས་ཀྱང་སྐྲག་ཅིང་བརྟབས་ལ་རྔམ་པ་འཐོན་ཅིང་མིག་རྩ་རིག་རིག་ཁྱོད་ལ་འདུད། །​ནག་མོ་བཟང་མོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་ཀྱང་། །​ཉིན་གཅིག་བཞིན་དུ་བསྟོད་པ་བྱེད་དེ་གཤིན་རྗེ་ཉིད་ཀྱང་རྟག་ཏུ་འདར་ཞིང་འདུད་པར་བྱེད། །​མི་རྣམས་དང་ནི་འགྲོ་བ་མ་ལུས་པ་དག་མཇུག་བརྟུལ་བ་ནི་རྣ་བ་ཡ་གཅིག་ལ། །​བྲང་གིས་འགྲོ་བ་འགོ་བོའི་གདེངས་ཀ་སྟོང་དང་ལྡན་པ་རྒྱབ་ནས་རྒྱན་དུ་བྱས་ནས་གནས། །​ཡ་གཅིག་ལ་ནི་སེང་གེ་མཚུངས་མེད་ཐོགས་ཤིང་རྒྱ་མཚོས་བསྐོར་བའི་ས་གཞི་མ་ལུས་གནོན། །​སྟེང་ན་རྒྱུ་བའི་ཉི་མ་འོད་ཟེར་སྟོང་ལྡན་ཁྱོད་ཀྱི་ལྟེ་བའི་ཐད་ཀའི་ཕྱོགས་སུ་གཞག །​རྒྱ་མཚོའི་ཀློང་ནས་མེ་འབར་ཁྱོད། །​ཆུ་རྣམས་སྐེམས་པར་ནུས་པ་སྟེ། །​བུད་མེད་ཐམས་ཅད་ཞི་བྱའི་ཕྱིར། །​ལྷ་ཆེན་སྐུ་ཡི་ཕྱེད་དུ་བཞག །​རྫོང་དང་དཀའ་ཟློག་ནག་མོ་ཆེ། །​ལྷ་དང་ལྷ་མིན་ཕྱག་བྱས་པ། །​མི་ནད་གང་ཡིན་ཁྱོད་ཀྱིས་ཤེས། །​དེ་ནི་འཇིགས་པ་མེད་པར་མཛོད། །​གཤིན་རྗེའི་ལྕམ་མོ་བདུད་ཀྱི་ཡུམ། །​འདོད་ཁམས་དབང་ཕྱུག་མ་ལ་བསྟོད། །ནད་དོ་ཅོག་གི་བདག་མོ་དཔལ་ལྷ་མོ་ནག་མོ་ཆེན་མོ་ལ་བསྟོད་པ་བརྒྱད་པ་ཞེས་བྱ་བ་བྲམ་ཟེ་མཆོག་སྲེད་ཀྱིས་མཛད་པ་རྫོགས་སོ།​། ༄༅༅། །​རྒྱ་གར་སྐད་དུ། ཤྲཱི་མ་ཧཱ་ཀཱ་ལཱཥྚ་མནྟྲ་སྟོ་ཏྲ་ནཱ་མ། བོད་སྐད་དུ། དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ་ཞེས་བྱ་བ།

།​ཕྲེང་བ་ཐོགས་ཤིང་གར་བྱེད་ལག་པ་མཉེན་བརྐྱང་རྐུབ་ཚོས་ཆེ་ལ་ཀླུ་དབང་གཤིབས་པ་ཡི། །​སྐ་རགས་འཆིང་ཞིང་ལག་ན་མདུང་དང་རལ་གྲི་ཐོགས་ལ་ཁྲག་གི་ཆང་གིས་མྱོས་པར་འགྱུར། །​མིག་རྩ་དམར་པོར་གྱུར་ཅིང་མཚན་མོ་དུར་ཁྲོད་འགྲོ་བ་འབྱུང་པོ་ཕལ་ཆེན་རྣམས་ཀྱིས་མཐོང་། །​ཀོ་རློན་ཆེན་པོ་དྲལ་ཏེ་བརྒྱངས་པའི་གོས་ཀྱིས་མནབས་ཤིང་ཕྱེད་གཡོགས་ཕྱེད་ནི་རེ་ལྡེས་དཀྲིས། །​མི་ཡི་རྒྱུ་མ་གསར་པའི་སྦུབས་ཀྱིས་ཞལ་གྱི་ཟླ་བ་བརྒྱན་ཅིང་དྲིལ་བུ་འགྲམ་པར་འཁྲོལ། །​ལུས་ནི་སྣུམ་གྱིས་གསར་དུ་བྱུགས་ཤིང་ཁྲག་དང་ཞག་ལ་སོགས་པའི་ཐིག་ལེས་ཚོམ་བུར་བྲིས། །​མི་ཡི་ཤ་ལ་སོ་ཡིས་ཆེམ་ཆེམ་གཅོད་བྱེད་ཐོད་པ་ཅན་ནི་བདག་ལ་སྐྱོང་གྱུར་ཅིག །​དྲག་པོ་དྲག་མོ་མི་བཟད་མི་ཤ་ཁ་ན་ཐོགས་པ་སྔོན་ཆད་མ་བྱུང་ཁྱོད་མཐོང་ནས། །​མ་མོ་རྣམས་ཀྱང་སྐྲག་ཅིང་བརྟབས་ལ་རྔམ་པ་འཐོན་ཅིང་མིག་རྩ་རིག་རིག་ཁྱོད་ལ་འདུད། །​ནག་མོ་བཟང་མོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་བརྒྱ་བྱིན་ལ་སོགས་ཀྱང་། །​ཉིན་གཅིག་བཞིན་དུ་བསྟོད་པ་བྱེད་དེ་གཤིན་རྗེ་ཉིད་ཀྱང་རྟག་ཏུ་འདར་ཞིང་འདུད་པར་བྱེད། །​མི་རྣམས་དང་ནི་འགྲོ་བ་མ་ལུས་པ་དག་མཇུག་བརྟུལ་བ་ནི་རྣ་བ་ཡ་གཅིག་ལ། །​བྲང་གིས་འགྲོ་བ་འགོ་བོའི་གདེངས་ཀ་སྟོང་དང་ལྡན་པ་རྒྱབ་ནས་རྒྱན་དུ་བྱས་ནས་གནས། །​ཡ་གཅིག་ལ་ནི་སེང་གེ་མཚུངས་མེད་ཐོགས་ཤིང་རྒྱ་མཚོས་བསྐོར་བའི་ས་གཞི་མ་ལུས་གནོན། །​སྟེང་ན་རྒྱུ་བའི་ཉི་མ་འོད་ཟེར་སྟོང་ལྡན་ཁྱོད་ཀྱི་ལྟེ་བའི་ཐད་ཀའི་ཕྱོགས་སུ་གཞག །​རྒྱ་མཚོའི་ཀློང་ནས་མེ་འབར་ཁྱོད། །​ཆུ་རྣམས་སྐེམས་པར་ནུས་པ་སྟེ། །​བུད་མེད་ཐམས་ཅད་ཞི་བྱའི་ཕྱིར། །​ལྷ་ཆེན་སྐུ་ཡི་ཕྱེད་དུ་བཞག །​རྫོང་དང་དཀའ་ཟློག་ནག་མོ་ཆེ། །​ལྷ་དང་ལྷ་མིན་ཕྱག་བྱས་པ། །​མི་ནད་གང་ཡིན་ཁྱོད་ཀྱིས་ཤེས། །​དེ་ནི་འཇིགས་པ་མེད་པར་མཛོད། །​གཤིན་རྗེའི་ལྕམ་མོ་བདུད་ཀྱི་ཡུམ། །​འདོད་ཁམས་དབང་ཕྱུག་མ་ལ་བསྟོད། །ནད་དོ་ཅོག་གི་བདག་མོ་དཔལ་ལྷ་མོ་ནག་མོ་ཆེན་མོ་ལ་བསྟོད་པ་བརྒྱད་པ་ཞེས་བྱ་བ་བྲམ་ཟེ་མཆོག་སྲེད་ཀྱིས་མཛད་པ་རྫོགས་སོ།​། ༄༅༅། །​རྒྱ་གར་སྐད་དུ། ཤྲཱི་མ་ཧཱ་ཀཱ་ལཱཥྚ་མནྟྲ་སྟོ་ཏྲ་ནཱ་མ། བོད་སྐད་དུ། དཔལ་ནག་པོ་ཆེན་པོའི་བསྟོད་པ་རྐང་པ་བརྒྱད་པ་ཞེས་བྱ་བ།