ཚངས་པས་བྱིན་གྱིས་ཞུས་པ།

The Questions of Brahmadatta
F.14.a

Brahma­datta­paripṛcchā
F.14.a, volume 59, Degé Kangyur

བཅོས་སྤྱོད་ཡུལ་ཆོ་ག་ཤེས། །​མཁས་པ་དེ་དག་ལ་ནི་རྟག་ཏུ་བསྲུང་། །​སྨྲ་བ་ཙམ་གྱི་དབང་དུ་མ་འགྲོ་ཤིག །​ནད་པ་རྒྱུན་རིང་པོར་ནི་གྱུར་ཏ་རེ། །​གང་གིས་བསྟན་པ་འདི་ནི་ལེགས་བརྟག་པ། །​དེ་ནི་དོན་དུ་བསྲུང་བའི་རྒྱུད་ལ་སྒྲིམས། །​ལས་དང་ཉོན་མོངས་སྣ་ཚོགས་སྤངས་ནས་དེ། །​ཁྱད་པར་དུ་ནི་བྱང་ཆུབ་མཆོག་ཏུ་འགྱུར། །​ཕ་རོལ་ཕྱིན་དྲུག་འདི་ལ་ལེགས་པར་སློབས། །​དེ་ལ་བསླབ་ན་བྱང་ཆུབ་ཐོབ་པར་འགྱུར། །​ཇི་སྙེད་བསྟན་པ་འདི་ནི་བསྒྲུབ་པར་གྱིས། །​ཀུན་མཁྱེན་ཆོས་རྣམས་རིང་པོ་མི་ཐོགས་འཐོབ། །​མེ་ཏོག་ཁུ་བར་བུང་བ་མི་ཆགས་དང་། །​ནམ་མཁའ་ལ་ནི་བྱ་རྗེས་མེད་པ་ལྟར། །​ཡུལ་རྣམས་ལ་ནི་གང་སེམས་དེ་འདྲ་བ། །​དེ་འདྲ་དེ་ནི་རྒྱལ་པོས་སངས་རྒྱས་འགྱུར། །​ཟབ་མོའི་བཟོད་དང་སྤོབས་པ་ཐོབ་ནས་འདིར། །​སངས་རྒྱས་རྣམས་ཀྱི་མཛོད་འཛིན་གང་ཡིན་པ། །​དེ་དག་ཁྱོད་ཀྱིས་ཆོས་བཞིན་བསྲུང་བར་གྱིས། །​མཁས་པ་དེ་འདྲ་སྲོག་ཕྱིར་མ་བཏང་ཤིག །​མཁས་པ་དེ་དག་ལ་ནི་གནོད་བྱེད་མི། །​ཆོས་དང་མི་ལྡན་བརྩོན་པ་མང་པོ་རྣམས། །​དེ་དག་རྟག་ཏུ་ཁྱོད་ཀྱིས་ཆད་པས་ཆོད། །​ཆོས་ཀྱི་ཚུལ་འདི་མྱུར་དུ་ཉམས་ས་རེ། །​གང་ཕྱིར་འཇིག་རྟེན་མགོན་པོ་མི་འབྱུང་ན། །​མཁས་པ་དེ་དག་འཇིག་རྟེན་སྟོན་པར་འགྱུར། །​སྲོག་ཆགས་ཕན་ཕྱིར་ཆོས་སྒྲོན་འབར་བར་བྱེད། །​དེ་ཕྱིར་དེ་དག་དོན་དུ་རྟག་ཏུ་སྒྲིམས། །​བྱང་ཆུབ་སེམས་དཔའ་མང་པོ་བྱེ་བ་སྟོང་། །​སྙིང་ནས་སེམས་ཅན་དོན་ནི་སྤྱོད་མི་བྱེད། །​དེ་དག་ལྷག་སེམས་མེད་ཅིང་ཚུལ་ཁྲིམས་མེད། །​དེ་དག་ལུང་བསྟན་རྒྱལ་བ་གསུང་མི་འགྱུར། །​ཇི་སྐད་སྨྲས་པ་དེ་བཞིན་བྱེད་པ་རྣམས། །​དེ་ལྟར་དེ་དག་སྐྱེ་མེད་སྤྱོད་ཡུལ་ཅན། །​རྒྱལ་ཁྱོད་ཡང་དག་སྤྱོད་པ་འདི་ཐོས་ཀྱིས། །​ཇི་སྐད་བསྟན་པའི་བསྟན་འདིར་གནས་པར་གྱིས། །​དེ་ནས་རྒྱལ་པོ་ཚངས་པས་བྱིན་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མཐོང་བ་དོན་ཡོད་ལ་འདི་སྐད་ཅེས་སྨྲས་སོ། །​མཐོང་བ་དོན་ཡོད་སྐྱོན་འདི་དག་ཐམས་ཅད་ནི་བདག་ལ་མཆིས་པར་གདའ་

eKangyur, UT4CZ5369-I1KG9185-0000, page 27 (14a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh159/UT22084-059-002-384#UT22084-059-002-384