དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པ།

The Teaching on the Great Compassion of the Tathāgata
F.170.a

Tathāgata­mahā­karuṇā­nirdeśa
F.170.a, volume 57, Degé Kangyur

དེ་ནི་དགོངས་ཏེ་གསུང་ལ་མཁས་འགྱུར་ཞིང་། །​སེམས་ཅན་སྤྱོད་པ་རྣམས་ལ་རྟོགས་དང་ལྡན། །​སོ་སོ་ཡང་དག་རིག་ལ་རྟོགས་ལྡན་ཞིང་། །​དེ་ཡི་ཤེས་པ་འཇུག་པ་ཆགས་པ་མེད། །​རྐྱེན་བྱུང་བྱེད་པ་པོ་དང་རྣམ་བྲལ་བར། །​རྟེན་པའི་ཆོས་རྣམས་དག་ནི་རབ་ཏུ་ཤེས། །​དེ་ནི་སྣྲེལ་ཞིའི་རྒྱུ་ལ་མཁས་གྱུར་ཅིང་། །​སྤྱིའུ་ཚུགས་ཚུལ་ནི་རྟོགས་པར་ཁོང་དུ་ཆུད། །​སངས་རྒྱས་ཀྱི་ནི་ཆོས་རྣམས་ཇི་སྙེད་པ། །​ཐམས་ཅད་ཀྱང་ནི་རྟོགས་པར་ཁོང་དུ་ཆུད། །​འཇིག་རྟེན་པ་ཡི་ཆོས་ཀྱི་སྣང་བ་ཡིས། །​ལྷ་མི་རྣམས་ཀྱི་ལས་ཀྱི་བྱ་བ་ཤེས། །​འཇིག་རྟེན་ལས་ནི་འདས་པའི་ཡེ་ཤེས་ཀྱིས། །​ཤེས་རབ་སྣང་བ་དང་ནི་ལྡན་པ་ཡིན། །​ཁ་ན་མ་ཐོར་བཅས་དང་མ་ཐོ་མེད། །​ཡེ་ཤེས་རབ་ཏུ་གསལ་བ་ཆེན་པོ་འཇུག །​ལམ་ནི་ཤིན་ཏུ་བསྒོམས་པར་གྱུར་པའི་ཕྱིར། །​རྟག་ཏུ་འབྲས་བུ་ཡོད་པར་ཆོས་སྟོན་ཏོ། །​ཟག་པར་བཅས་དང་ཟག་པ་མེད་པ་ཡི། །​ཆོས་ལ་དེ་ཡི་སྣང་བ་རབ་ཏུ་འཇུག །​དེ་ནི་ཟག་པ་ཐམས་ཅད་སྤོང་བྱེད་ཅིང་། །​ལྷ་དང་མི་རྣམས་ཀྱི་ནི་དོན་ཀྱང་བྱེད། །​འདུས་མ་བྱས་དང་འདུས་བྱས་ཆོས་རྣམས་ལ། །​དེ་ཡི་ཤེས་པ་རྟག་ཏུ་རབ་ཏུ་འཇུག །​དེ་ནི་དེ་ཡིས་དྲི་བྲལ་རབ་རིབ་མེད། །​སྐྱོན་མེད་ཐོབ་ནས་སྤྱད་པ་རྣམས་ཀྱང་སྤྱོད། །​རྣམ་པར་བྱང་དང་ཀུན་ནས་ཉོན་མོངས་ལ། །​དེ་ཡི་ཤེས་པ་སྒྲིབ་པ་མེད་པ་འཇུག །​རང་བཞིན་གྱིས་ནི་སེམས་འོད་གསལ་བ་དང་། །​ཀུན་ནས་ཉོན་མོངས་པ་ཡི་ཚུལ་ཡང་ཤེས། །​ཇི་ལྟར་མྱ་ངན་འདས་པར་གྱུར་པ་ནི། །​སྐྱེ་བ་མེད་ཅིང་འབྱུང་བ་མེད་པར་ཤེས། །​འདི་འདྲ་འདི་ནི་ཐེག་པ་ཆེན་པོ་ལ། །​ཆོས་ཀྱི་སྣང་བ་མཐའ་ཡས་གྱུར་པ་ཡིན། །​དེ་ནི་བརྒྱད་པ་ཡི་ནི་ཤེས་པ་དང་། །​རྒྱུན་དུ་ཞུགས་ལ་ཤེས་པ་འཇུག་པ་དང་། །​ལན་ཅིག་ཕྱིར་འོང་བ་ཡི་ཤེས་པ་དང་། །​ཕྱིར་མི་འོང་ལ་ཤེས་པ་འཇུག་པ་དང་། །​དེ་ནི་དགྲ་བཅོམ་པ་དང་རང་རྒྱལ་དང་། །​འཇིག་རྟེན་མགོན་པོ་བྱང་ཆུབ་སེམས་དཔའ་དག །​ཀུན་ལ་དེ་ཡི་ཤེས་དང་སྒྲུབ་པ་རྣམས། །​ལྷག་མ་ལུས་པ་

eKangyur, UT4CZ5369-I1KG9183-0000, page 339 (170a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh147/UT22084-057-006-1421#UT22084-057-006-1421