དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པ།

The Teaching on the Great Compassion of the Tathāgata
F.158.a

Tathāgata­mahā­karuṇā­nirdeśa
F.158.a, volume 57, Degé Kangyur

མངོན་པར་བསྟོད་དོ། །​ཀུན་དུ་སྣང་བ་ཀུན་ནས་འོད་ཟེར་ཅན། །​དོན་རྣམས་མ་ལུས་སྟོན་པ་ཀུན་ནས་སྤྱན། །​རང་བྱུང་ཆོས་ཀྱི་ངོ་བོ་ཉིད་ལ་མཁས། །​བསམ་གྱིས་མི་ཁྱབ་ཡོན་ཏན་ཀུན་དང་ལྡན། །​སྐྱེས་བུ་ཁྱུ་མཆོག་གིས་ནི་འོད་ཟེར་ཕྱུང་། །​ཞལ་ཡང་རྣམ་པར་སྦྱོང་ཞིང་འོད་མཛད་པ། །​འདྲེན་པ་དེ་ནི་བདག་གི་ལུས་ལ་ཡང་། །​ལན་བརྒྱར་བསྐོར་བ་བགྱིས་ནས་སྤྱི་བོར་ཞི། །​མི་ཡི་འདྲེན་པའི་འོད་ཀྱིས་རེག་པས་ན། །​གང་དག་བདག་གིས་སྔོན་ཐོབ་དྲན་པ་དང་། །​བློ་གྲོས་སྤོབས་པ་སྣང་བ་དེ་བཞིན་གཟུངས། །​རྣམ་པ་སྟོང་དུ་ཁྱད་པར་འཕགས་པར་གྱུར། །​བདག་ལུས་རབ་སིམ་སེམས་ནི་རྣམ་པར་དག །​བདག་གི་བློ་གྲོས་དགའ་མགུ་མཉམ་པར་གྱུར། །​གཞན་ཡང་སངས་རྒྱས་མཁྱེན་པ་མཐའ་ཡས་དང་། །​སྤོབས་པ་བདག་གི་ལུས་ལ་རབ་ཏུ་ཞུགས། །​སངས་རྒྱས་མཐུ་ཆེན་བསྙེན་པར་དཀའ་བ་ལ། །​ཉམ་ཆུང་དག་གིས་མཉེས་པར་བགྱིད་མི་ནུས། །​སངས་རྒྱས་གནང་ནས་འགྲོ་ཀུན་ཕན་སླད་དུ། །​སངས་རྒྱས་ལ་ནི་ཞུ་བ་ཞུ་བར་འཚལ། །​རྫོགས་པའི་བྱང་ཆུབ་སེམས་དཔའི་སྤྱོད་འཇུག་དང་། །​འཇིག་རྟེན་རྣམ་འདྲེན་དག་གི་འབྱུང་བ་དང་། །​སྣང་དང་ངེས་འབྱུང་རྣམ་པར་སྤྲུལ་པ་དང་། །​དབང་བསྐུར་ཡེ་ཤེས་ཡོངས་སུ་ཞུ་བར་འཚལ། །​ཐེག་མཆོག་དམ་པ་རྟོགས་པར་ཁོང་ཆུད་ཅིང་། །​མཐའ་ཡས་རྒྱ་ཆེ་བ་ཡི་འཁོར་ལྷགས་དང་། །​གང་དག་རྒྱ་ཆེན་ཆོས་དོན་གཉེར་བ་དག །​དེ་དག་ཕན་སླད་སངས་རྒྱས་ལ་ཡང་ཞུ། །​བདུད་ཀྱི་དཀྱིལ་འཁོར་ཤིན་ཏུ་ཚར་གཅད་ཅིང་། །​སངས་རྒྱས་བསྟན་པ་འདི་ནི་ཤིན་ཏུ་གཟུང་། །​བཅོམ་ལྡན་ཕུང་པོ་མ་མཆིས་དམ་ཆོས་མཛོད། །​ལུས་ཅན་རྣམས་ལ་བཤད་པའི་དུས་འདི་ལགས། །​སྐྱེས་བུ་ཁྱུ་མཆོག་མཁྱེན་པ་མཐའ་ཡས་པས། །བཅོམ་ལྡན་དེ་ལ་བདག་གི་བློ་མི་ཆུད། །​བདེ་གཤེགས་མཁྱེན་པ་ཤེས་པས་མི་དཔོགས་པས། །​མཁས་པ་ཡངས་པ་བདག་ནི་ཞུ་བར་འཚལ། །​ཇི་ལྟར་བཅོམ་ལྡན་འདས་ཀྱི་མཁྱེན་འཇུག་དང་། །​ཇི་ལྟར་ཡུན་རིང་ནས་ནི་བསླབས་པ་དང་། །​ཆོས་ཀྱི་དབང་ཕྱུག་

eKangyur, UT4CZ5369-I1KG9183-0000, page 315 (158a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh147/UT22084-057-006-1397#UT22084-057-006-1397