ཐེག་པ་ཆེན་པོ་ལ་དད་པ་རབ་ཏུ་སྒོམ་པ།

Cultivating Trust in the Great Vehicle
F.17.a

Mahā­yāna­prasāda­prabhāvana
F.17.a, volume 57, Degé Kangyur

དེ་འདོད་པ་སྔོན་དུ་འགྲོ་བས་དད་པ་སྐྱེའོ། །​རང་བཞིན་གྱིས་ཟབ་ཅིང་རྒྱ་ཆེ་བ་དང་རབ་ཏུ་ལྡན་པའི་ཐེག་པ་ཆེན་པོའི་ཆོས་བསྟན་པ་ལ་མོས་པས་འདོད་པ་ཡང་དག་པར་གནས་ཏེ་དེ་ལས་དེའི་དད་པ་སྐྱེའོ། །​དེ་ལྟར་བྱང་ཆུབ་སེམས་དཔའ་རང་བཞིན་ཉིད་ཀྱིས་དཀའ་བ་སྤྱོད་པ་དང་རབ་ཏུ་ལྡན་པའི་ཐེག་པ་ཆེན་པོའི་ཆོས་བསྟན་པ་ལ་བཟོད་པ་ཡང་དག་པར་གནས་ཏེ་དེས་དེའི་དད་པ་སྐྱེའོ། །​རང་བཞིན་ཉིད་ཀྱིས་སྦྱིན་པ་དང་རབ་ཏུ་ལྡན་པའི་ཐེག་པ་ཆེན་པོའི་ཆོས་བསྟན་པ་ལ་མོས་པ་ཡང་དག་པར་གནས་ཏེ་དེས་དེའི་དད་པ་སྐྱེའོ། །​རང་བཞིན་ཉིད་ཀྱིས་ཚུལ་ཁྲིམས་དང་རབ་ཏུ་ལྡན་པ་དང་། བཟོད་པ་དང་རབ་ཏུ་ལྡན་པ་དང་། བརྩོན་འགྲུས་དང་རབ་ཏུ་ལྡན་པ་དང་། བསམ་གཏན་དང་རབ་ཏུ་ལྡན་པ་དང་། ཤེས་རབ་དང་རབ་ཏུ་ལྡན་པའི་ཐེག་པ་ཆེན་པོའི་ཆོས་བསྟན་པ་ལ་མོས་པ་ཡང་དག་པར་གནས་ཏེ་དེས་དེའི་དད་པ་སྐྱེའོ། །​རིགས་ཀྱི་བུ་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་རྒྱུ་ལས་བྱུང་བ་ནི་དེ་ལྟ་བུའི་ཚུལ་ཅན་དུ་རིག་པར་བྱའོ། །​བྱང་ཆུབ་སེམས་དཔའ་དད་པ་ཐབས་ཆེན་གྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་གྲོགས་ལས་སྐྱེ་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འདི་ལ་བྱང་ཆུབ་སེམས་དཔའི་དགེ་བའི་བཤེས་གཉེན་ནི་བྱང་ཆུབ་སེམས་དཔའ་ཉིད་འདི་ལྟ་སྟེ། ལུང་དང་ཐོས་པ་ཕུན་སུམ་ཚོགས་པ། རབ་ཏུ་ཞི་བ་དང་། ཚུལ་ཁྲིམས་དང་། བསླབ་པ་དང་། སྤྱོད་ལམ་དང་། སྤྱོད་པ་ཕུན་སུམ་ཚོགས་པ། ངག་རྣམ་པར་དག་པ་ཕུན་སུམ་ཚོགས་པ། ཟང་ཟིང་མེད་པའི་སེམས་དང་། ཡོངས་སུ་མི་སྐྱོ་བ་ཕུན་སུམ་ཚོགས་པ་རྙེད་ནས་མཐུ་ཀུན་ཏུ་བསྟན་པའམ། ཐེག་པ་ཆེན་པོའི་ཆོས་མ་ནོར་བར་རིག་པས་ཡང་དག་པར་བསྟན་པའམ། རྟག་པར་རྒྱུན་དུ་འགྲོ་ཞིང་སྙན་པར་བརྗོད་པས་ཐབས་ཀྱིས་སྟོབས་བསྐྱེད་པ་འདྲིས་པས་བྱང་ཆུབ་སེམས་དཔའི་ཐེག་པ་ཆེན་པོའི་ཕྱིར་ཐེག་པ་ཆེན་པོ་ལ་དད་པ་སྐྱེད་དེ། རིགས་ཀྱི་བུ་འདི་ནི་བྱང་ཆུབ་སེམས་དཔའི་ཐེག་པ་ཆེན་

eKangyur, UT4CZ5369-I1KG9183-0000, page 33 (17a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh144/UT22084-057-003-361#UT22084-057-003-361