རིན་པོ་ཆེ་ཏོག་གི་གཟུངས།

The Ratnaketu Dhāraṇī
F.234.b

Ratna­ketu­dhāraṇī
F.234.b, volume 56, Degé Kangyur

ཐོས་པའི་ཆོས་མཉམ་པ་ཉིད་རྡོ་རྗེ་ལྟ་བུ་བརྟེན་པའི་ཆོས་ཀྱི་སྙིང་པོས་ལུས་འཇོམས་པ་ཞེས་བྱ་བའི་གཟུངས་ཕྱག་རྒྱ་དང་ཚིག་རབ་ཏུ་དབྱེ་བ་ལ་འཇུག་པ་ལུང་བསྟན་པ། གང་འདི་ལྟར་ཡོན་ཏན་མང་པོ་བགྱིད་པ། འདི་ལྟར་ཡོན་ཏན་བསམ་གྱིས་མི་ཁྱབ་པ་དང་ལྡན་པ། ཆོས་ཐམས་ཅད་ལ་སྒྲིབ་པ་མ་མཆིས་པའི་སྣང་བ་བགྱིད་པ་ནས་ཞི་བའི་བར་དུ་བགྱིད་པ་དེ་གང་ལགས། ཆོས་མཉམ་པ་ཉིད་རྡོ་རྗེ་ལྟ་བུ་བརྟེན་པའི་ཆོས་ཀྱི་སྙིང་པོས་ལུས་འཇོམས་པ་ཞེས་བགྱི་བའི་གཟུངས་ཕྱག་རྒྱ་དང་ཚིག་རབ་ཏུ་དབྱེ་བ་ལ་འཇུག་པ་ལུང་བསྟན་པ། བདུད་ཀྱི་སྟོབས་ཀྱི་ཡུལ་ཐམས་ཅད་རབ་ཏུ་འཇོམས་པར་བགྱིད་པ་ནས། ཕུང་པོའི་ལྷག་མ་མ་མཆིས་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདས་པའི་བར་དུ་བགྱིད་པ་དེ་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་ཐུགས་བརྩེ་བ་དང་། སྐྱེ་བོ་ཕལ་པོ་ཆེ་དང་། ལྷ་དང་། མི་རྣམས་ཀྱི་དོན་དང་། སྨན་པ་དང་བདེ་བའི་སླད་དུ། བཅོམ་ལྡན་འདས་ཀྱིས་བཤད་དུ་གསོལ། །​དེ་ནས་སངས་རྒྱས་བཅོམ་ལྡན་འདས་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །​རིགས་ཀྱི་བུ་དག་ངེད་ཀྱང་འཇིག་རྟེན་གྱི་ཁམས་མི་མཇེད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བཞུགས་པ་དེར་འདོང་ངོ་། །​ད་ལྟར་ཕྱོགས་བཅུའི་འཇིག་རྟེན་གྱི་ཁམས་གཞན་དང་གཞན་དག་ན། སངས་རྒྱས་བཅོམ་ལྡན་འདས་གང་དག་བཞུགས་ཤིང་འཚོ་ལ་གཞེས་པ་དེ་དག་ཐམས་ཅད་ཀྱང་བྱང་ཆུབ་སེམས་དཔའི་ཚོགས་ཀྱིས་བསྐོར་ཅིང་། ཉན་ཐོས་ཀྱི་དགེ་འདུན་དང་བཅས་པས་མདུན་དུ་བདར་ནས་འཇིག་རྟེན་གྱི་ཁམས་མི་མཇེད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བཞུགས་པ་དེར་གཤེགས་ཏེ། དེ་བཞིན་གཤེགས་པ་ཤཱཀྱ་ཐུབ་པ་དེ་དང་ལྷན་ཅིག་སེམས་ཅན་ཐམས་ཅད་ལ་ཕན་པ་དང་། ངན་པར་སྤྱོད་པ་ལས་བཟློག་པ་དང་། བཟང་པོའི་སྤྱོད་པ་ཡོངས་སུ་རྫོགས་པར་བྱ་བ་དང་། བླ་ན་མེད་པའི་ཡེ་ཤེས་ཡོངས་སུ་རྫོགས་པར་བྱ་བའི་ཕྱིར་ཆོས་མཉམ་པ་ཉིད་རྡོ་རྗེ་ལྟ་བུ་བརྟེན་པའི་ཆོས་ཀྱི་སྙིང་པོས་ལུས་འཇོམས་པ་ཞེས་བྱ་བའི་གཟུངས་ཕྱག་རྒྱ་དང་ཚིག་རབ་ཏུ་དབྱེ་བ་ལ་འཇུག་པ་ལུང་

eKangyur, UT4CZ5369-I1KG9182-0000, page 468 (234b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh138/UT22084-056-006-1975#UT22084-056-006-1975