The Absorption of the Miraculous Ascertainment of Peace
F.201.b
དགེ་བའི་ཆོས་མ་སྐྱེས་པ་རྣམས་སྐྱེད་པ་དེ་ནི་དགེ་བའི་ཆོས་མ་སྐྱེད་པ་རྣམས་སྐྱེད་པའི་ཡང་དག་པར་སྤོང་བ་ཞེས་བྱའོ། །ཡིད་ལ་བྱེད་པ་མེད་པའི་ཚུལ་གྱིས་གང་གཟུགས་ལ་སྐྱེ་བ་མེད་པ་དང་འགག་པ་མེད་པ་དང་གནས་པ་མེད་པར་ཤེས་ཤིང་། གནས་མེད་པ་དང་སྐྱེ་བ་མེད་པ་དང་འགག་པ་མེད་པ་དང་གནས་པ་མེད་པའི་ཚུལ་གྱིས་གདེག་པ་མེད་ཅིང་གཞག་པ་མེད་ལ། དགེ་བ་མི་དམིགས་པར་དགེ་བ་སྦྱོར་བ་དེ་ནི་དགེ་བའི་ཆོས་རྣམས་གནས་པར་བྱ་བ་ཡང་དག་པར་སྤོང་བ་ཞེས་བྱའོ། །ཉམས་པ་མེད་པའི་ཚུལ་གྱིས་གང་གཟུགས་ལ་གནས་མེད་ཅིང་སྒྲིབ་པ་མེད་པར་འདུན་ལ་ཆོས་ཀྱི་དབྱིངས་མཉམ་པ་ཉིད་ཀྱི་ཚུལ་གྱིས་ཁ་དོག་གི་སྣང་བ་ཐམས་ཅད་ཀྱིས་གཟུགས་ཁྱབ་ལ། ཇི་ལྟར་ཡོངས་སུ་སྨིན་པ་བཞིན་དུ་འདུལ་བར་འདུན་པ་དེ་ནི་འདུན་པའི་ཏིང་ངེ་འཛིན་རྫུ་འཕྲུལ་གྱི་རྐང་པ་ཞེས་བྱའོ། །རྒྱུན་མི་ཆད་པའི་ཚུལ་དང་ཕྱི་མའི་མཐའི་མུར་རྒྱུན་མི་གཅོད་པའི་ཚུལ་དང་། གཞག་པ་མེད་པའི་ཚུལ་གྱིས་གང་གཟུགས་ལ་བླང་བ་མེད་པ་དང་། དོར་བ་མེད་པའི་བརྩོན་འགྲུས་དང་མངོན་པར་འདུ་མི་བྱེད་པའི་རྫུ་འཕྲུལ་གྱིས་འདུལ་བ་ཡོངས་སུ་སྨིན་པ་བཞིན་དུ་འདུལ་བར་སྤྲོ་བ་འདི་ནི་ཆོས་ཉིད་དབྱེར་མེད་པས་བརྩོན་འགྲུས་ཀྱི་ཏིང་ངེ་འཛིན་དེ་བཞིན་གཤེགས་པའི་ཡེ་ཤེས་ཐོབ་པ་མེད་པའི་ཚུལ་གྱིས་རྫུ་འཕྲུལ་གྱི་རྐང་པ་ཞེས་བྱའོ། །གང་གཟུགས་ལ་སེམས་མི་འཛིན་ཅིང་སྦྱོར་བ་མེད་པས་མཉམ་པ་ཉིད་དང་དམིགས་པ་ལས་ཤིན་ཏུ་འདའ་བ་དང་། དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱ་ལ་གནས་པ་དང་། བསམ་གཏན་མཁའ་ཁྱབ་ལ་སྙོམས་པར་འཇུག་པ་དེ་ནི་དེ་བཞིན་གཤེགས་པའི་རྫུ་འཕྲུལ་ཐོབ་པར་བྱེད་པའི་སེམས་རྫུ་འཕྲུལ་གྱི་རྐང་པ་ཞེས་བྱའོ། །དཔྱོད་པ་མེད་པའི་ཡེ་ཤེས་ཀྱི་ཚུལ་གྱིས་གཟུགས་ལ་སྐྱེ་བ་མེད་པར་ཤེས་པ་ལ་གཅིག་ཏུ་ངེས་པ་དང་། དབྱེར་མེད་པའི་ཚུལ་གྱིས་མཚན་ཉིད་ཐམས་ཅད་མཚན་ཉིད་གཅིག་ཏུ་རྟོགས་པར་དཔྱོད་པ་དང་། དེ་བཞིན་གཤེགས་པའི་ཡེ་ཤེས་དཔྱོད་པས་རྣམ་པར་འཕྲུལ་པ་དེ་ནི་སེམས་ཅན་ཐམས་ཅད་ཀྱི་སེམས་ཚིམ་པར་བྱེད་པས་དཔྱོད་པ་རྫུ་འཕྲུལ་གྱི་རྐང་པ་ཞེས་བྱའོ། །ཆོས་ཐམས་ཅད་ཐོབ་པ་མེད་པའི་ཚུལ་གྱིས་གང་གཟུགས་ལ་དམིགས་པ་ཐམས་ཅད་གནས་མེད་པར་དད་པ་དང་དབང་པོ་ལ་རྟོག་པ་དང་གཟུགས་དང་གཟུགས་མེད་པ་མཉམ་པ་ཉིད་དུ་གྱུར་པའི་ཆོས་རྣམས་ལ་དད་པ་དང་།
དགེ་བའི་ཆོས་མ་སྐྱེས་པ་རྣམས་སྐྱེད་པ་དེ་ནི་དགེ་བའི་ཆོས་མ་སྐྱེད་པ་རྣམས་སྐྱེད་པའི་ཡང་དག་པར་སྤོང་བ་ཞེས་བྱའོ། །ཡིད་ལ་བྱེད་པ་མེད་པའི་ཚུལ་གྱིས་གང་གཟུགས་ལ་སྐྱེ་བ་མེད་པ་དང་འགག་པ་མེད་པ་དང་གནས་པ་མེད་པར་ཤེས་ཤིང་། གནས་མེད་པ་དང་སྐྱེ་བ་མེད་པ་དང་འགག་པ་མེད་པ་དང་གནས་པ་མེད་པའི་ཚུལ་གྱིས་གདེག་པ་མེད་ཅིང་གཞག་པ་མེད་ལ། དགེ་བ་མི་དམིགས་པར་དགེ་བ་སྦྱོར་བ་དེ་ནི་དགེ་བའི་ཆོས་རྣམས་གནས་པར་བྱ་བ་ཡང་དག་པར་སྤོང་བ་ཞེས་བྱའོ། །ཉམས་པ་མེད་པའི་ཚུལ་གྱིས་གང་གཟུགས་ལ་གནས་མེད་ཅིང་སྒྲིབ་པ་མེད་པར་འདུན་ལ་ཆོས་ཀྱི་དབྱིངས་མཉམ་པ་ཉིད་ཀྱི་ཚུལ་གྱིས་ཁ་དོག་གི་སྣང་བ་ཐམས་ཅད་ཀྱིས་གཟུགས་ཁྱབ་ལ། ཇི་ལྟར་ཡོངས་སུ་སྨིན་པ་བཞིན་དུ་འདུལ་བར་འདུན་པ་དེ་ནི་འདུན་པའི་ཏིང་ངེ་འཛིན་རྫུ་འཕྲུལ་གྱི་རྐང་པ་ཞེས་བྱའོ། །རྒྱུན་མི་ཆད་པའི་ཚུལ་དང་ཕྱི་མའི་མཐའི་མུར་རྒྱུན་མི་གཅོད་པའི་ཚུལ་དང་། གཞག་པ་མེད་པའི་ཚུལ་གྱིས་གང་གཟུགས་ལ་བླང་བ་མེད་པ་དང་། དོར་བ་མེད་པའི་བརྩོན་འགྲུས་དང་མངོན་པར་འདུ་མི་བྱེད་པའི་རྫུ་འཕྲུལ་གྱིས་འདུལ་བ་ཡོངས་སུ་སྨིན་པ་བཞིན་དུ་འདུལ་བར་སྤྲོ་བ་འདི་ནི་ཆོས་ཉིད་དབྱེར་མེད་པས་བརྩོན་འགྲུས་ཀྱི་ཏིང་ངེ་འཛིན་དེ་བཞིན་གཤེགས་པའི་ཡེ་ཤེས་ཐོབ་པ་མེད་པའི་ཚུལ་གྱིས་རྫུ་འཕྲུལ་གྱི་རྐང་པ་ཞེས་བྱའོ། །གང་གཟུགས་ལ་སེམས་མི་འཛིན་ཅིང་སྦྱོར་བ་མེད་པས་མཉམ་པ་ཉིད་དང་དམིགས་པ་ལས་ཤིན་ཏུ་འདའ་བ་དང་། དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱ་ལ་གནས་པ་དང་། བསམ་གཏན་མཁའ་ཁྱབ་ལ་སྙོམས་པར་འཇུག་པ་དེ་ནི་དེ་བཞིན་གཤེགས་པའི་རྫུ་འཕྲུལ་ཐོབ་པར་བྱེད་པའི་སེམས་རྫུ་འཕྲུལ་གྱི་རྐང་པ་ཞེས་བྱའོ། །དཔྱོད་པ་མེད་པའི་ཡེ་ཤེས་ཀྱི་ཚུལ་གྱིས་གཟུགས་ལ་སྐྱེ་བ་མེད་པར་ཤེས་པ་ལ་གཅིག་ཏུ་ངེས་པ་དང་། དབྱེར་མེད་པའི་ཚུལ་གྱིས་མཚན་ཉིད་ཐམས་ཅད་མཚན་ཉིད་གཅིག་ཏུ་རྟོགས་པར་དཔྱོད་པ་དང་། དེ་བཞིན་གཤེགས་པའི་ཡེ་ཤེས་དཔྱོད་པས་རྣམ་པར་འཕྲུལ་པ་དེ་ནི་སེམས་ཅན་ཐམས་ཅད་ཀྱི་སེམས་ཚིམ་པར་བྱེད་པས་དཔྱོད་པ་རྫུ་འཕྲུལ་གྱི་རྐང་པ་ཞེས་བྱའོ། །ཆོས་ཐམས་ཅད་ཐོབ་པ་མེད་པའི་ཚུལ་གྱིས་གང་གཟུགས་ལ་དམིགས་པ་ཐམས་ཅད་གནས་མེད་པར་དད་པ་དང་དབང་པོ་ལ་རྟོག་པ་དང་གཟུགས་དང་གཟུགས་མེད་པ་མཉམ་པ་ཉིད་དུ་གྱུར་པའི་ཆོས་རྣམས་ལ་དད་པ་དང་།
eKangyur, UT4CZ5369-I1KG9181-0000, page 402 (201b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh129/UT22084-055-003-629#UT22084-055-003-629