རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན།

The Absorption of the Miraculous Ascertainment of Peace
F.199.b

Praśāntaviniścayaprātihāryasamādhi
F.199.b, volume 55, Degé Kangyur

མེད་པའོ། །​མཐའ་ཡས་པའོ། །​སྤྲིན་དང་མཚུངས་པའོ། །​དེ་ལྟ་མོད་ཀྱི་འོན་ཀྱང་སེམས་ཅན་རྣམས་སྔོན་དགེ་བའི་རྩ་བའི་སྟོབས་བསྐྱེད་པ་དང་། དེ་བཞིན་གཤེགས་པའི་སྔོན་གྱི་སྨོན་ལམ་དང་། སྤྱོད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་མཐོང་ངོ་། །​ངེས་པར་སེམས་སོ། །​ཀུན་ཏུ་འདྲིའོ། །​གང་དག་ཇི་ལྟར་དབང་པོ་ཡོངས་སུ་སྨིན་པའི་སེམས་ཅན་རྣམས་དང་། གང་དག་ཇི་ལྟར་འདུལ་བ་དེ་དག་གིས་དེ་བཞིན་གཤེགས་པ་དེ་ལྟར་གསུང་འབྱིན་པར་ཤེས་སོ། །​དེ་ཅིའི་ཕྱིར་ཞེ་ན། དེ་བཞིན་གཤེགས་པ་མ་སྐྱེས་མ་འགགས་པའི་ཕྱིར་རོ། །གང་ཆོས་ཐམས་ཅད་ཀྱི་རང་བཞིན་མི་མཐོང་བ་དེ་ནི་དེ་བཞིན་གཤེགས་པ་མཐོང་བའོ། །​གང་ཆོས་གང་ཡང་མི་མཐོང་བ་དེ་ནི་དེ་བཞིན་གཤེགས་པ་མཐོང་བའོ། །​དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པ་ནི་ཆོས་ཐམས་ཅད་སྤངས་པ་སྟེ། ཆོས་གང་གིས་ཀྱང་བརྗོད་པ་ཡང་མ་ཡིན། མི་བརྗོད་པ་ཡང་མ་ཡིན་ནོ། །​དེ་ཅིའི་ཕྱིར་ཞེ་ན། ཆོས་ཐམས་ཅད་དམིགས་སུ་མེད་པའི་ཕྱིར་རོ། །​གང་ཆོས་ཐམས་ཅད་དང་ཆོས་མ་ཡིན་པ་རྣམས་དང་འདུས་བྱས་རྣམས་དང་འདུས་མ་བྱས་པ་རྣམས་མི་དམིགས་པ་དེ་ནི་དེ་བཞིན་གཤེགས་པ་མཐོང་བའོ། །​དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པ་ནི་ཆོས་ཐམས་ཅད་སྤངས་པ་སྟེ། ཆོས་གང་ཡང་ཁས་མི་ལེན་ཏོ། །​ཉེ་བར་མི་ལེན་ཏོ། །​ཆོས་སུ་བཏགས་པ་ཡང་མི་འགྲོའོ། །​འཇམ་དཔལ་ཆོས་ཐམས་ཅད་ཤིན་ཏུ་འགག་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏེ། ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་མཐོང་བ་དེ་བཞིན་གཤེགས་པ་མཐོང་བའོ། །​དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པ་ནི་ཆོས་གང་གིས་ཀྱང་མཐོང་བར་མི་འགྲོ་སྟེ། དེ་བཞིན་གཤེགས་པ་དེ་ལྟར་མཐོང་ན་ཆོས་ཐམས་ཅད་ནི་དེ་བཞིན་གཤེགས་པའོ་ཞེས་འཇུག་པར་འགྱུར་རོ། །​ཆོས་ཐམས་ཅད་ནི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། མ་སྐྱེས་པ་དང་མ་འགགས་པའོ་ཞེས་འཇུག་པར་འགྱུར་རོ། །​ཡུལ་མེད་པ་ཡུལ་དང་བྲལ་བ་ནི་དེ་བཞིན་གཤེགས་པའི་ཡུལ་ལོ་ཞེས་འཇུག་པར་འགྱུར་

eKangyur, UT4CZ5369-I1KG9181-0000, page 398 (199b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh129/UT22084-055-003-625#UT22084-055-003-625