ཏིང་ངེ་འཛིན་གྱི་རྒྱལ་པོའི་མདོ།

The King of Samādhis Sūtra
F.130.b

Samādhi­rāja­sūtra
F.130.b, volume 55, Degé Kangyur

གྱུར་ཏོ། །​བཙུན་མོའི་འཁོར་བརྒྱ་སྟོང་ཕྲག་དྲུག་ཅུ་རྩ་བརྒྱད་ཀྱང་དགེ་སློང་དེ་མཐོང་མ་ཐག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །​སྐྱེ་བོའི་ཚོགས་ཆེན་པོ་དེ་དག་ཀྱང་ནོར་བུ་དང་གདུ་བུ་རྣམས་བཀྲོལ་ཏེ་ལྷམ་རྣམས་བཞག་ནས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས། དགེ་སློང་དེ་ག་ལ་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ཞིང་འཁོད་དོ། །​དེ་ནས་བུ་མོ་གཞོན་ནུ་དེ་དག་ཀྱང་སྔོན་གྱི་དགེ་བའི་རྩ་བ་དག་གིས་བསྐུལ་བས་ཁྱོགས་དེ་དག་ལས་བབས་ནས་ནོར་བུ་དང་གདུ་བུ་དག་བཀྲོལ་ཏེ་ལྷམ་རྣམས་བཞག་ནས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་དགེ་སློང་དེ་ག་ལ་བ་དེ་ལོགས་སུ་ཐལ་མོ་སྦྱར་ཏེ་ཚིགས་སུ་བཅད་པ་འདི་དག་སྨྲས་སོ། །​དགེ་སློང་འདི་ནི་བྱོན་པའི་ཚེ། །​ཉི་མ་ལྟ་བུར་ཐམས་ཅད་དུ། །​འདི་དག་རབ་ཏུ་སྣང་བར་བགྱིས། །​སྐྱེ་བོའི་ཚོགས་ཀྱང་འདུན་པར་གྱུར། །​འདོད་ཆགས་ཞེ་སྡང་རྒྱུན་བཅད་ཅིང་། །​གཏི་མུག་དག་ཀྱང་བསལ་བར་གྱུར། །​དེ་ཚེ་ཞེ་སྡང་ཁྲོ་བ་དང་། །​ཕྲག་དོག་ཐམས་ཅད་བཅད་པར་གྱུར། །​རྒྱལ་པོ་དཔའ་བས་བྱིན་པ་ཡི། །​ཞབས་འབྲིང་སྲས་ལ་སོགས་པ་ཡང་། །​སུ་ཡང་རྒྱལ་པོ་མི་ལྟ་སྟེ། །​སུ་ཡང་ཞབས་འབྲིང་མི་བགྱིད་དོ། །​ཇི་ལྟར་ཟླ་བ་ཉ་བ་ནི། །​སྐར་མ་དག་གིས་བསྐོར་བ་བཞིན། །​རྒྱལ་པོའི་བུ་ཡི་མདུན་བདར་བས། །​དགེ་སློང་འདི་ཡང་མཛེས་པར་གྱུར། །​ཇི་ལྟར་གསེར་གཟུགས་རི་མོ་དག །​མཁས་པས་རི་མོར་བྲིས་པ་དང་། །སཱ་ལའི་རྒྱལ་པོ་རྒྱས་པ་ལྟར། །​དེ་བཞིན་དགེ་སློང་མཛེས་པར་གྱུར། །​མཐུ་ཆེན་བརྒྱ་བྱིན་ལྷ་ཡི་དབང་པོ་ནི། །​གྲོང་ཁྱེར་འཇིག་པ་བདག་པོ་མིག་སྟོང་ལྡན། །​རི་རབ་སྤྱི་ལ་སུམ་ཅུ་རྩ་གསུམ་དབང་། །​དེ་བཞིན་དགེ་སློང་བྱོན་པ་འདི་ཡང་མཛེས། །​ཚངས་པའི་འཇིག་རྟེན་ཚངས་པ་གནས་པ་འདྲ། །​རབ་འཕྲུལ་ལྷ་ཡི་བུ་ནི་ལྷ་དབང་བཞིན། །​འདོད་ཁམས་འཐབ་བྲལ་མཆོག་གི་ལྷ་བཞིན་དུ། །​དགེ་སློང་བྱོན་པ་འདི་ཡང་དེ་བཞིན་མཛེས། །​ཉི་མ་བཞིན་དུ་བར་སྣང་ལྷན་ནེར་བགྱིས། །​འོད་ཟེར་སྟོང་ལྡན་མུན་ནག་རབ་ཏུ་སེལ། །​ཕྱོགས་རྣམས་ཀུན་ཏུ་

eKangyur, UT4CZ5369-I1KG9181-0000, page 260 (130b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh127/UT22084-055-001-6092#UT22084-055-001-6092