ཏིང་ངེ་འཛིན་གྱི་རྒྱལ་པོའི་མདོ།

The King of Samādhis Sūtra
F.9.a

Samādhi­rāja­sūtra
F.9.a, volume 55, Degé Kangyur

སྟོང་དང་། །​དེ་ལས་ལྷག་པར་གང་གཱའི་བྱེ་མ་སྙེད། །​གང་དག་བྱ་རྒོད་ཕུང་པོ་འདིར་བཞུགས་ནས། །​ཏིང་འཛིན་ཞི་མཆོག་འདི་སྟོན་ངས་དྲན་ཏེ། །​དེ་ཀུན་མཚན་ཀྱང་ཤཱཀྱ་ཁྱུ་མཆོག་ཡིན། །​ཀུན་གྱི་སྲས་ཀྱང་དགྲ་གཅན་ཟིན་ཅེས་བྱ། །​ཞབས་འབྲིང་བ་ཡི་མིང་ཡང་ཀུན་དགའ་བོ། །​སེར་སྐྱའི་གྲོང་ནས་ཐམས་ཅད་རབ་ཏུ་བྱུང་། །​འཕྲུལ་མཆོག་ཤཱ་རིའི་བུ་དང་པང་ནས་སྐྱེས། །​སྐྱོབ་པ་ཀུན་ཀྱང་མཚན་ནི་འཐུན་པར་གྱུར། །​དེ་ཚེ་འཇིག་རྟེན་ཁམས་ཀྱང་མིང་འདྲ་སྟེ། །​ཐམས་ཅད་ཀྱང་ནི་སྙིགས་མའི་དུས་སུ་བྱུང་། །​བྱང་ཆུབ་སྤྱད་པ་འདི་ནི་སྤྱོད་པའི་ཚེ། །​མི་དབང་དེ་ཀུན་ང་ཡིས་བཀུར་སྟིར་བྱས། །​ཏིང་འཛིན་འདི་ནི་ཡོངས་སུ་ཚོལ་བའི་ཚེ། །​རྒྱལ་ལ་མཆོད་པ་མ་བྱས་ཅི་ཡང་མེད། །​ནན་ཏན་གྱིས་ནི་ཏིང་འཛིན་འདི་རྙེད་དེ། །​ནན་ཏན་དག་ཀྱང་རྣམ་པ་མང་དུ་གསུངས། །​ཡོན་ཏན་ཀུན་ལ་རབ་ཏུ་གནས་པ་དག །​དེ་ལ་ཏིང་འཛིན་འདི་ནི་རྙེད་མི་དཀའ། །​བྲོ་བ་དག་ལ་མ་ཞེན་མི་བསྐམ་ཞིང་། །​ཁྱིམ་རྣམས་ལ་ཡང་མ་ཆགས་ཕྲག་དོག་མེད། །​བྱམས་ལ་གནས་ཤིང་ཁྲོ་བ་མེད་པ་གང་། །​དེ་ལ་ཏིང་འཛིན་འདི་ནི་རྙེད་མི་དཀའ། །​རྙེད་དང་བཀུར་སྟི་དག་ཀྱང་མི་འདོད་ཅིང་། །​འཚོ་བ་གཙང་ཞིང་ཅི་ཡང་མི་འཆང་བ། །ཚུལ་ཁྲིམས་རྣམ་པར་དག་ཅིང་འཇིགས་མེད་པ། །​དེ་ལ་ཏིང་འཛིན་འདི་ནི་རྙེད་མི་དཀའ། །​གཡེལ་བ་མེད་ཅིང་བརྩོན་འགྲུས་བརྩམས་པ་དང་། །​དགོན་པར་གནས་ཤིང་སྦྱངས་ལ་གནས་གྱུར་དང་། །​བདག་མེད་བཟོད་པ་ལ་ཡང་རབ་གནས་པ། །​དེ་ལ་ཏིང་འཛིན་འདི་ནི་རྙེད་མི་དཀའ། །​རྒོད་པ་མེད་ཅིང་ཤིན་ཏུ་དུལ་བའི་སེམས། །​སྤྱོད་དང་སྤྱོད་ལམ་དག་ལ་རབ་ཏུ་གནས། །​གཏོང་ལ་མོས་ཤིང་སེར་སྣ་མེད་པ་དག །​དེ་ལ་ཏིང་འཛིན་འདི་ནི་རྙེད་མི་དཀའ། །​ཏིང་འཛིན་ཞི་བ་འདི་ནི་གང་འཛིན་པ། །​དེ་ལ་དཔེ་བྱད་བཟང་དང་མཚན་རྣམས་དང་། །​འདྲེན་པས་སངས་རྒྱས་ཆོས་ནི་བཅྭ་བརྒྱད་དང་། །​སྟོབས་དང་མི་འཇིགས་གང་བརྗོད་རྙེད་མི་དཀའ། །​སངས་རྒྱས་སྤྱན་གྱིས་གཟིགས་པའི་སེམས་ཅན་གང་། །​དེ་དག་དུས་གཅིག་སངས་རྒྱས་ཉིད་གྱུར་ལ། །​དེ་རྣམས་རེ་རེའི་ཚེ་ཡི་ཚད་ཀྱང་ནི། །​བསྐལ་པ་བྱེ་བ་སྟོང་ཕྲག་བསམ་མི་ཁྱབ། །​དེ་དག་རེ་རེ་ལ་ཡང་མགོ་

eKangyur, UT4CZ5369-I1KG9181-0000, page 17 (9a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh127/UT22084-055-001-5849#UT22084-055-001-5849