The Jewel Mine
F.242.b
རྟག་ཏུ་རྒྱུན་མི་འཆད་པར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གཞོལ་བར་གྱུར་ཏོ། །ནམ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དངོས་པོར་མ་དམིགས་ཏེ། འདི་ལྟ་སྟེ། དཔེར་ན་མི་ཞིག་གཟིངས་ལས་རྒྱ་མཚོ་ཆེན་པོ་རྒལ་ནས་གཟིངས་བོར་ཏེ་གར་དགའ་བར་འགྲོ་བ་དེ་བཞིན་དུ་དགེ་སློང་སྤྲིན་གྱི་རྒྱལ་པོ་དེའང་ཤེས་རབ་ཀྱི་ཕ་རོལ་ཏུ་ཕྱིན་པ་ཤེས་པར་བྱེད་མོད་ཀྱི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་མངོན་པར་ཞེན་པར་མི་བྱེད་དོ། །འདི་ལྟ་སྟེ་དཔེར་ན་མི་ཞིག་མེ་འདོད་པ་དེས་མེས་དགོས་པ་བྱེད་མོད་ཀྱི་ཚིག་པའི་ཉེས་པའང་སྲུང་བ་དེ་བཞིན་དུ། བྱང་ཆུབ་སེམས་དཔའ་སྤྲིན་གྱི་རྒྱལ་པོ་དེའང་ཤེས་རབ་ཀྱི་ཕ་རོལ་ཏུ་ཕྱིན་པས་ཆོས་རྣམས་མཐོང་མོད་ཀྱི། མངོན་པར་ཞེན་པའི་ཉེས་པའང་བསྲུང་ངོ་། །ཤེས་རབ་ཀྱི་ཕ་རོལ་ཏུ་ཕྱིན་པ་གཞན་ལའང་སྟོན་མོད་ཀྱི། མངོན་པར་ཞེན་པའི་ཉེས་པ་ལས་ཀྱང་ཟློག་པར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པས་སངས་རྒྱས་ཀྱི་ཞིང་ཚད་མེད་པར་སངས་རྒྱས་ཀྱི་བྱ་བ་བྱེད་མོད་ཀྱི། དེས་སེམས་ཅན་དེ་དག་དང་། སངས་རྒྱས་དེ་དག་ཏུ་འཛིན་པའང་མེད་དོ། །འཇམ་དཔལ་དེ་ཇི་སྙམ་དུ་སེམས། དེའི་ཚེ་དེའི་དུས་ན་དགེ་སློང་སྤྲིན་གྱི་རྒྱལ་པོ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན། འཇམ་དཔལ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དོན་ཐམས་ཅད་གྲུབ་པ་དེ་དེའི་ཚེ་དེའི་དུས་ན་དགེ་སློང་སྤྲིན་གྱི་རྒྱལ་པོ་ཞེས་བྱ་བར་གྱུར་ཏོ། །འཇམ་དཔལ་དེ་ལྟ་བས་ན་ཐབས་མཁས་པ་གང་དང་ལྡན་པས་དགེ་སློང་སྤྲིན་གྱི་རྒྱལ་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་མཁས་པ་དེ་དང་ལྡན་པར་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ། །དེ་ལྟ་བུའི་ཐབས་མཁས་པ་དང་ལྡན་པའི་བྱང་ཆུབ་སེམས་དཔའ་ནི་སངས་རྒྱས་ཀྱི་ཞིང་དཔག་ཏུ་མེད་པ་ཡོངས་སུ་སྦྱོང་ངོ་། །སངས་རྒྱས་ཀྱི་ཞིང་གྲངས་མེད། བསམ་གྱིས་མི་ཁྱབ། མཚུངས་པ་མེད། གཞལ་དུ་མེད། བརྗོད་དུ་མེད་པ་ཡོངས་སུ་སྦྱོང་ངོ་། །དེ་ནས་ཡང་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ།
རྟག་ཏུ་རྒྱུན་མི་འཆད་པར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གཞོལ་བར་གྱུར་ཏོ། །ནམ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དངོས་པོར་མ་དམིགས་ཏེ། འདི་ལྟ་སྟེ། དཔེར་ན་མི་ཞིག་གཟིངས་ལས་རྒྱ་མཚོ་ཆེན་པོ་རྒལ་ནས་གཟིངས་བོར་ཏེ་གར་དགའ་བར་འགྲོ་བ་དེ་བཞིན་དུ་དགེ་སློང་སྤྲིན་གྱི་རྒྱལ་པོ་དེའང་ཤེས་རབ་ཀྱི་ཕ་རོལ་ཏུ་ཕྱིན་པ་ཤེས་པར་བྱེད་མོད་ཀྱི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་མངོན་པར་ཞེན་པར་མི་བྱེད་དོ། །འདི་ལྟ་སྟེ་དཔེར་ན་མི་ཞིག་མེ་འདོད་པ་དེས་མེས་དགོས་པ་བྱེད་མོད་ཀྱི་ཚིག་པའི་ཉེས་པའང་སྲུང་བ་དེ་བཞིན་དུ། བྱང་ཆུབ་སེམས་དཔའ་སྤྲིན་གྱི་རྒྱལ་པོ་དེའང་ཤེས་རབ་ཀྱི་ཕ་རོལ་ཏུ་ཕྱིན་པས་ཆོས་རྣམས་མཐོང་མོད་ཀྱི། མངོན་པར་ཞེན་པའི་ཉེས་པའང་བསྲུང་ངོ་། །ཤེས་རབ་ཀྱི་ཕ་རོལ་ཏུ་ཕྱིན་པ་གཞན་ལའང་སྟོན་མོད་ཀྱི། མངོན་པར་ཞེན་པའི་ཉེས་པ་ལས་ཀྱང་ཟློག་པར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པས་སངས་རྒྱས་ཀྱི་ཞིང་ཚད་མེད་པར་སངས་རྒྱས་ཀྱི་བྱ་བ་བྱེད་མོད་ཀྱི། དེས་སེམས་ཅན་དེ་དག་དང་། སངས་རྒྱས་དེ་དག་ཏུ་འཛིན་པའང་མེད་དོ། །འཇམ་དཔལ་དེ་ཇི་སྙམ་དུ་སེམས། དེའི་ཚེ་དེའི་དུས་ན་དགེ་སློང་སྤྲིན་གྱི་རྒྱལ་པོ་ཞེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་འཛིན་ན། འཇམ་དཔལ་ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དོན་ཐམས་ཅད་གྲུབ་པ་དེ་དེའི་ཚེ་དེའི་དུས་ན་དགེ་སློང་སྤྲིན་གྱི་རྒྱལ་པོ་ཞེས་བྱ་བར་གྱུར་ཏོ། །འཇམ་དཔལ་དེ་ལྟ་བས་ན་ཐབས་མཁས་པ་གང་དང་ལྡན་པས་དགེ་སློང་སྤྲིན་གྱི་རྒྱལ་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་མཁས་པ་དེ་དང་ལྡན་པར་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ། །དེ་ལྟ་བུའི་ཐབས་མཁས་པ་དང་ལྡན་པའི་བྱང་ཆུབ་སེམས་དཔའ་ནི་སངས་རྒྱས་ཀྱི་ཞིང་དཔག་ཏུ་མེད་པ་ཡོངས་སུ་སྦྱོང་ངོ་། །སངས་རྒྱས་ཀྱི་ཞིང་གྲངས་མེད། བསམ་གྱིས་མི་ཁྱབ། མཚུངས་པ་མེད། གཞལ་དུ་མེད། བརྗོད་དུ་མེད་པ་ཡོངས་སུ་སྦྱོང་ངོ་། །དེ་ནས་ཡང་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ།
eKangyur, UT4CZ5369-I1KG9180-0000, page 484 (242b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh124/UT22084-054-005-1093#UT22084-054-005-1093