The Jewel Mine
F.229.b
དེའི་ཚེའི་ཚད་དཔག་ཏུ་མེད་དེ། སངས་རྒྱས་ཀྱི་ཞིང་བརྗོད་དུ་མེད་ཅིང་ཚད་མེད་པ་ཡོངས་སུ་དག་པ་དང་ལྡན་ནོ། །ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བ་དང་ལྡན་པ་དེའི་སངས་རྒྱས་ཀྱི་ཞིང་ན་བློ་གྲོས་འབར་བ་ཞེས་བྱ་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་སངས་རྒྱས་ཁྲག་ཁྲིག་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་པ་ཞིག་ཡོད་དེ། བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེ་ལ་མི་ཕྱེད་པའི་གཡོག་སངས་རྒྱས་ཁྲག་ཁྲིག་དཔག་ཏུ་མེད་པ་ལ་དགེ་བའི་རྩ་བ་བསྐྱེད་པའི་བྲམ་ཟེ་ཁྲག་ཁྲིག་ཕྲག་བརྒྱད་ཅུ་ཡོད་དོ། །ཡང་འཇམ་དཔལ་བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེས་བཅོམ་ལྡན་འདས་དེ་བཞིན་གཤེགས་པ་རྣམ་པར་རྒྱལ་བ་དང་ལྡན་པ་དེ་ལ་ལོ་བྱེ་བ་ཁྲག་ཁྲིག་དགུ་བཅུར་མི་འཁྲུགས་པའི་དབྱིངས་ཞུས་ཏེ། བཅོམ་ལྡན་འདས་ཀྱིས་མི་འཁྲུགས་པའི་དབྱིངས་མི་འཁྲུགས་པའི་དབྱིངས་ཞེས་གསུངས་ན་བཅོམ་ལྡན་འདས་མི་འཁྲུགས་པའི་དབྱིངས་དེ་གང་ལགས། ཅིའི་སླད་དུ་མི་འཁྲུགས་པའི་དབྱིངས་ཞེས་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་རྣམ་པར་རྒྱལ་བ་དང་ལྡན་པས་བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེ་ལ་འདི་སྐད་ཅེས་བཀའ་སྩལ་ཏོ། །བློ་གྲོས་འབར་བ་མི་འཁྲུགས་པའི་དབྱིངས་མི་འཁྲུགས་པའི་དབྱིངས་ཞེས་བྱ་བ་དེ་ནི་འདུས་མ་བྱས་པའི་དབྱིངས་ཀྱི་ཚིག་བླ་དགས་སོ། །བློ་གྲོས་འབར་བ་ཅིའི་ཕྱིར་དབྱིངས་དེ་མི་འཁྲུགས་པའི་དབྱིངས་ཞེས་བྱ་ཞེ་ན། བློ་གྲོས་འབར་བ་འདུས་མ་བྱས་པའི་དབྱིངས་ནི་སྩོགས་པ་ཡང་མེད། འབྲི་བ་ཡང་མེད། ལེན་པ་ཡང་མེད། འགོད་པ་ཡང་མེད། ཟད་པ་ཡང་མེད། འགོག་པ་ཡང་མེད། འགྲིབ་པ་ཡང་མེད། འཕེལ་བ་ཡང་མེད། རིགས་ཀྱང་མ་ཡིན། རིགས་མེད་པ་ཡང་མ་ཡིན། འགྱུར་བ་ཡང་མ་ཡིན། འཛིན་པ་ཡང་མ་ཡིན། འདོར་བ་ཡང་མ་ཡིན། གཟུང་བ་ཡང་མ་ཡིན། གཏོང་བ་ཡང་མ་ཡིན། ཕྲ་བ་ཡང་མ་ཡིན། ཟབ་པ་ཡང་མ་ཡིན། མུན་པ་ཡང་མ་ཡིན། སྣང་བ་ཡང་མ་ཡིན། ཉིན་པར་ཡང་མ་ཡིན།
དེའི་ཚེའི་ཚད་དཔག་ཏུ་མེད་དེ། སངས་རྒྱས་ཀྱི་ཞིང་བརྗོད་དུ་མེད་ཅིང་ཚད་མེད་པ་ཡོངས་སུ་དག་པ་དང་ལྡན་ནོ། །ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པར་རྒྱལ་བ་དང་ལྡན་པ་དེའི་སངས་རྒྱས་ཀྱི་ཞིང་ན་བློ་གྲོས་འབར་བ་ཞེས་བྱ་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་སངས་རྒྱས་ཁྲག་ཁྲིག་དཔག་ཏུ་མེད་པ་རྣམས་ལ་དགེ་བའི་རྩ་བ་བསྐྱེད་པ་ཞིག་ཡོད་དེ། བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེ་ལ་མི་ཕྱེད་པའི་གཡོག་སངས་རྒྱས་ཁྲག་ཁྲིག་དཔག་ཏུ་མེད་པ་ལ་དགེ་བའི་རྩ་བ་བསྐྱེད་པའི་བྲམ་ཟེ་ཁྲག་ཁྲིག་ཕྲག་བརྒྱད་ཅུ་ཡོད་དོ། །ཡང་འཇམ་དཔལ་བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེས་བཅོམ་ལྡན་འདས་དེ་བཞིན་གཤེགས་པ་རྣམ་པར་རྒྱལ་བ་དང་ལྡན་པ་དེ་ལ་ལོ་བྱེ་བ་ཁྲག་ཁྲིག་དགུ་བཅུར་མི་འཁྲུགས་པའི་དབྱིངས་ཞུས་ཏེ། བཅོམ་ལྡན་འདས་ཀྱིས་མི་འཁྲུགས་པའི་དབྱིངས་མི་འཁྲུགས་པའི་དབྱིངས་ཞེས་གསུངས་ན་བཅོམ་ལྡན་འདས་མི་འཁྲུགས་པའི་དབྱིངས་དེ་གང་ལགས། ཅིའི་སླད་དུ་མི་འཁྲུགས་པའི་དབྱིངས་ཞེས་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས་པ་རྣམ་པར་རྒྱལ་བ་དང་ལྡན་པས་བློ་གྲོས་འབར་བ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དེ་ལ་འདི་སྐད་ཅེས་བཀའ་སྩལ་ཏོ། །བློ་གྲོས་འབར་བ་མི་འཁྲུགས་པའི་དབྱིངས་མི་འཁྲུགས་པའི་དབྱིངས་ཞེས་བྱ་བ་དེ་ནི་འདུས་མ་བྱས་པའི་དབྱིངས་ཀྱི་ཚིག་བླ་དགས་སོ། །བློ་གྲོས་འབར་བ་ཅིའི་ཕྱིར་དབྱིངས་དེ་མི་འཁྲུགས་པའི་དབྱིངས་ཞེས་བྱ་ཞེ་ན། བློ་གྲོས་འབར་བ་འདུས་མ་བྱས་པའི་དབྱིངས་ནི་སྩོགས་པ་ཡང་མེད། འབྲི་བ་ཡང་མེད། ལེན་པ་ཡང་མེད། འགོད་པ་ཡང་མེད། ཟད་པ་ཡང་མེད། འགོག་པ་ཡང་མེད། འགྲིབ་པ་ཡང་མེད། འཕེལ་བ་ཡང་མེད། རིགས་ཀྱང་མ་ཡིན། རིགས་མེད་པ་ཡང་མ་ཡིན། འགྱུར་བ་ཡང་མ་ཡིན། འཛིན་པ་ཡང་མ་ཡིན། འདོར་བ་ཡང་མ་ཡིན། གཟུང་བ་ཡང་མ་ཡིན། གཏོང་བ་ཡང་མ་ཡིན། ཕྲ་བ་ཡང་མ་ཡིན། ཟབ་པ་ཡང་མ་ཡིན། མུན་པ་ཡང་མ་ཡིན། སྣང་བ་ཡང་མ་ཡིན། ཉིན་པར་ཡང་མ་ཡིན།
eKangyur, UT4CZ5369-I1KG9180-0000, page 458 (229b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh124/UT22084-054-005-1067#UT22084-054-005-1067