The Jewel Mine
F.285.b
།ངེས་པར་སྣ་ལྕེ་རྣ་བ་དེ་བཞིན་ཏེ། །ལུས་ཀྱང་ངོ་བོ་ཉིད་ཀྱིས་མཆིས་མ་ལགས། །དེ་བཞིན་སེམས་དང་སེམས་པའང་སྟོང་པ་ཉིད། །སེམས་ནི་དབེན་ཞིང་རབ་ཏུ་སྟོང་པ་ལགས། །གཟུགས་ཀྱང་གཟུགས་ཀྱིས་རྣམ་པར་དབེན་ཞིང་སྟོང་། །སྒྲ་དང་དྲི་དང་རོ་དང་རེག་ཀྱང་སྟོང་། །ཆོས་རྣམས་ཐམས་ཅད་ངོ་བོ་ཉིད་སྟོང་སྟེ། །སྐྱེ་མཆེད་དེ་དག་ངོ་བོ་ཉིད་ཀྱིས་སྟོང་། །དེ་བཞིན་ཁམས་ཀྱང་ཁམས་རྣམས་ཉིད་ཀྱིས་སྟོང་། །བདེན་པའང་བདེན་པས་དེ་བཞིན་སྟོང་པ་སྟེ། །འདི་ལ་མཛངས་པ་མ་ལགས་འགྲོ་བ་རྣམས་ཀྱང་བསླད། །གང་ནའང་སྟོང་པར་རིག་པ་མ་མཆིས་པར། །ནམ་མཁའ་བར་སྣང་བྱ་ཡི་རྗེས་དང་མཚུངས། །གང་ནའང་ངོ་བོ་ཉིད་ནི་མ་མཆིས་པ། །དེ་ནི་ནམས་ཀྱང་གཞན་གྱི་རྒྱུར་མི་འགྱུར། །གང་གིས་ངོ་བོ་ཉིད་ནི་མི་རྙེད་པར། །རང་བཞིན་དེ་མེད་ཇི་ལྟར་གཞན་གྱི་རྐྱེན། །རང་བཞིན་མེད་པ་གཞན་གྱིས་ཅི་ཞིག་སྐྱེད། །རྒྱུ་དེ་བདེ་བར་གཤེགས་པས་བསྟན་པའོ། །ཐམས་ཅད་ཆོས་ཀྱང་མི་གཡོ་བརྟན་པར་གནས། །མི་འགྱུར་འཚེ་བ་མ་མཆིས་ཞི་བ་སྟེ། །ཇི་ལྟར་ནམ་མཁའ་རིག་པ་མ་མཆིས་ལྟར། །དེ་ལ་མི་མཛངས་འགྲོ་བ་མྱོས་པར་འགྱུར། །ཇི་ལྟར་རི་བོ་དག་ནི་མི་སྒུལ་བ། །དེ་བཞིན་ཆོས་རྣམས་རྟག་ཏུ་བསྐྱོད་མི་ནུས། །འཆི་འཕོ་མ་མཆིས་སྐྱེ་བ་མ་མཆིས་པའི། །ཆོས་རྣམས་དེ་ལྟར་རྒྱལ་བས་རབ་ཏུ་བསྟན། །གང་གིས་ཡང་དག་ཆོས་རྣམས་ངེས་རྟོགས་པ། །དེས་ནི་རྒྱལ་བ་རྣམ་འདྲེན་བསྙེན་བཀུར་བགྱིས། །གང་ལ་འདི་འདྲའི་ནན་ཏན་མ་མཆིས་པ། །དེ་དག་རྒྱལ་བའི་ཆོས་ཉིད་མཆོད་མ་བགྱིས། །གང་གིས་ཚུལ་བཞིན་རབ་ཏུ་ཆོས་རྟོགས་པ། །དེས་ནི་རྒྱལ་བ་བདེ་གཤེགས་བཀུར་སྟིར་བགྱིས། །དེ་དག་རྒྱལ་བ་ཆོས་ཀྱིས་མཆོད་བགྱིས་ཏེ། །བྱང་ཆུབ་མཆོག་ཏུ་དེ་དག་འཚང་ཡང་རྒྱ། །གང་གིས་ཚུལ་བཞིན་ཆོས་རྣམས་རབ་རྟོགས་པ། །མཁས་པ་དེ་དག་རྒྱལ་བའི་རིགས་ཀྱང་འཛིན། །བདེ་བར་གཤེགས་པའི་བསྟན་པ་དེས་བཟུང་སྟེ། །བྱང་ཆུབ་དམ་པ་མཆོག་ཏུ་འཚང་ཡང་རྒྱ། །རྒྱལ་བ་བརྒྱ་ཡིས་སྟོང་པ་ཉིད་བཤད་དེ། །
།ངེས་པར་སྣ་ལྕེ་རྣ་བ་དེ་བཞིན་ཏེ། །ལུས་ཀྱང་ངོ་བོ་ཉིད་ཀྱིས་མཆིས་མ་ལགས། །དེ་བཞིན་སེམས་དང་སེམས་པའང་སྟོང་པ་ཉིད། །སེམས་ནི་དབེན་ཞིང་རབ་ཏུ་སྟོང་པ་ལགས། །གཟུགས་ཀྱང་གཟུགས་ཀྱིས་རྣམ་པར་དབེན་ཞིང་སྟོང་། །སྒྲ་དང་དྲི་དང་རོ་དང་རེག་ཀྱང་སྟོང་། །ཆོས་རྣམས་ཐམས་ཅད་ངོ་བོ་ཉིད་སྟོང་སྟེ། །སྐྱེ་མཆེད་དེ་དག་ངོ་བོ་ཉིད་ཀྱིས་སྟོང་། །དེ་བཞིན་ཁམས་ཀྱང་ཁམས་རྣམས་ཉིད་ཀྱིས་སྟོང་། །བདེན་པའང་བདེན་པས་དེ་བཞིན་སྟོང་པ་སྟེ། །འདི་ལ་མཛངས་པ་མ་ལགས་འགྲོ་བ་རྣམས་ཀྱང་བསླད། །གང་ནའང་སྟོང་པར་རིག་པ་མ་མཆིས་པར། །ནམ་མཁའ་བར་སྣང་བྱ་ཡི་རྗེས་དང་མཚུངས། །གང་ནའང་ངོ་བོ་ཉིད་ནི་མ་མཆིས་པ། །དེ་ནི་ནམས་ཀྱང་གཞན་གྱི་རྒྱུར་མི་འགྱུར། །གང་གིས་ངོ་བོ་ཉིད་ནི་མི་རྙེད་པར། །རང་བཞིན་དེ་མེད་ཇི་ལྟར་གཞན་གྱི་རྐྱེན། །རང་བཞིན་མེད་པ་གཞན་གྱིས་ཅི་ཞིག་སྐྱེད། །རྒྱུ་དེ་བདེ་བར་གཤེགས་པས་བསྟན་པའོ། །ཐམས་ཅད་ཆོས་ཀྱང་མི་གཡོ་བརྟན་པར་གནས། །མི་འགྱུར་འཚེ་བ་མ་མཆིས་ཞི་བ་སྟེ། །ཇི་ལྟར་ནམ་མཁའ་རིག་པ་མ་མཆིས་ལྟར། །དེ་ལ་མི་མཛངས་འགྲོ་བ་མྱོས་པར་འགྱུར། །ཇི་ལྟར་རི་བོ་དག་ནི་མི་སྒུལ་བ། །དེ་བཞིན་ཆོས་རྣམས་རྟག་ཏུ་བསྐྱོད་མི་ནུས། །འཆི་འཕོ་མ་མཆིས་སྐྱེ་བ་མ་མཆིས་པའི། །ཆོས་རྣམས་དེ་ལྟར་རྒྱལ་བས་རབ་ཏུ་བསྟན། །གང་གིས་ཡང་དག་ཆོས་རྣམས་ངེས་རྟོགས་པ། །དེས་ནི་རྒྱལ་བ་རྣམ་འདྲེན་བསྙེན་བཀུར་བགྱིས། །གང་ལ་འདི་འདྲའི་ནན་ཏན་མ་མཆིས་པ། །དེ་དག་རྒྱལ་བའི་ཆོས་ཉིད་མཆོད་མ་བགྱིས། །གང་གིས་ཚུལ་བཞིན་རབ་ཏུ་ཆོས་རྟོགས་པ། །དེས་ནི་རྒྱལ་བ་བདེ་གཤེགས་བཀུར་སྟིར་བགྱིས། །དེ་དག་རྒྱལ་བ་ཆོས་ཀྱིས་མཆོད་བགྱིས་ཏེ། །བྱང་ཆུབ་མཆོག་ཏུ་དེ་དག་འཚང་ཡང་རྒྱ། །གང་གིས་ཚུལ་བཞིན་ཆོས་རྣམས་རབ་རྟོགས་པ། །མཁས་པ་དེ་དག་རྒྱལ་བའི་རིགས་ཀྱང་འཛིན། །བདེ་བར་གཤེགས་པའི་བསྟན་པ་དེས་བཟུང་སྟེ། །བྱང་ཆུབ་དམ་པ་མཆོག་ཏུ་འཚང་ཡང་རྒྱ། །རྒྱལ་བ་བརྒྱ་ཡིས་སྟོང་པ་ཉིད་བཤད་དེ། །
eKangyur, UT4CZ5369-I1KG9180-0000, page 570 (285b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh124/UT22084-054-005-1179#UT22084-054-005-1179