རིན་པོ་ཆེའི་མཐའ།

Infinite Jewels
F.296.b

Ratnakoṭi
F.296.b, volume 51, Degé Kangyur

ཆགས་དང་། ཞེ་སྡང་དང་། གཏི་མུག་ཟད་པ་ཡིན་ན་དེ་གང་གི་སྣོད་ཡིན་ཞིང་། དེ་གང་ཇི་ལྟ་བུ་ཞིག་གི་སྣོད་དུ་འགྱུར་སྙམ་སྟེ། དེ་ལས་བསམས་ནས་དགྲ་བཅོམ་པ་ཟག་པ་ཟད་པ། ཆོས་བསྟན་པ་འདིའི་སྣོད་མ་ཡིན་ནོ་ཞེས་ཁོ་བོ་དེ་སྐད་སྨྲའོ། །​སྨྲས་པ། འཇམ་དཔལ་ཁོ་བོ་ནི་ཆོས་བསྟན་པ་འདིའི་དོན་དུ་གཙུག་ལག་ཁང་ནས་གཙུག་ལག་ཁང་དང་། གནས་ཁང་ནས་གནས་ཁང་དང་། ཕུག་ནས་ཕུག་ཏུ་ཁྱོད་ཚོལ་ཏེ། བདག་གིས་ཁྱོད་ལས་ཟབ་པ་ཟབ་པ་ཡང་དག་པའི་སྤོབས་པ་འདི་ལྟ་བུ་འདི་དག་ཐོས་ཀྱང་ཅི་མ་རུང་སྙམ་སྟེ། འཇམ་དཔལ་ཁོ་བོ་ནི་བཅོམ་ལྡན་འདས་དང་། ཁྱོད་ཀྱི་ཆོས་བསྟན་པ་ལ་ཆོག་མི་ཤེས་སོ། །​སྨྲས་པ། བཙུན་པ་ཤཱ་རིའི་བུ་ཁྱོད་ཆོས་བསྟན་པས་ཆོག་མི་ཤེས་སམ། སྨྲས་པ། ཁོ་བོ་ཆོག་མི་ཤེས་སོ། །​སྨྲས་པ། བཙུན་པ་ཤཱ་རིའི་བུ་ཅི་ཆོས་ཀྱི་དབྱིངས་ཆོས་ཚོལ་བར་བྱེད་དམ། སྨྲས་པ། འཇམ་དཔལ་མི་བྱེད་དོ། །​སྨྲས་པ། ཆོས་ཀྱི་དབྱིངས་ཀྱང་གཞན་ལ། ཚེ་དང་ལྡན་པ་ཤཱ་རིའི་བུ་ནི་གཞན་པ་ནི་མ་ཡིན་ན་ཅིའི་ཕྱིར་ཚེ་དང་ལྡན་པ་ཤཱ་རིའི་བུ་ཆོས་མཉན་པ་ལ་ཆོག་མི་ཤེས། དེ་ཅིའི་ཕྱིར་ཞེ་ན། བཙུན་པ་ཤཱ་རིའི་བུ་ཆོས་ཀྱི་དབྱིངས་ནི་ཆོས་ཚོལ་བར་མི་བྱེད་པའི་ཕྱིར་རོ། །​གལ་ཏེ་དེ་ཚོལ་བར་བྱེད་ན་ནི་དེའི་ཕྱིར་དེ་ཆོག་ཤེས་པར་འགྱུར་བ་ཞིག་ན་གང་གི་ཕྱིར་ཚོལ་བར་མི་བྱེད་པ་དེའི་ཕྱིར་ཆོག་མི་ཤེས་སོ། །​སྨྲས་པ། འཇམ་དཔལ་དེ་བཞིན་གཤེགས་པ་མ་གཏོགས་པར་ཁོ་བོ་ལྟ་བུ་ཆོས་ཉན་པ་དེ་ལྟ་བུ་ཁྱོད་ཀྱིས་ག་ལ་རྙེད། སྨྲས་པ། བཙུན་པ་ཤཱ་རིའི་བུ་ཁྱོད་ཤཱ་རིའི་བུ་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཡིན་པར་མོས་སམ། སྨྲས་པ། མོས་སོ། །​སྨྲས་པ། ཇི་ལྟར་མོས། སྨྲས་པ། ཆོས་ཐམས་ཅད་ཡོངས་སུ་མ་གྲུབ་པས་ན་ཁོ་བོ་ཡང་ཡོངས་སུ་མྱ་ངན་ལས་མི་འདའ་བའི་ཆོས་ཅན་ཡིན་ནོ་སྙམ་དུ་དེ་ལྟར་མོས་སོ། །​སྨྲས་པ། བཙུན་པ་ཤཱ་རིའི་བུ་ཁྱོད་ཤི་འཕོ་མེད་པ་དང་། སྐྱེ་བ་མེད་པའི་ཆོས་ཅན་ཡིན་པར་མོས་སམ། སྨྲས་པ། མོས་སོ། །​སྨྲས་པ། ཇི་ལྟར་མོས། སྨྲས་པ། ཆོས་ཀྱི་དབྱིངས་སུ་གཏོགས་པའི་ཕྱིར་ཏེ། ཆོས་ཀྱི་དབྱིངས་ལ་འཆི་འཕོའམ་སྐྱེ་བ་མེད་པ་དེ་ལྟར་མོས་སོ། །​སྨྲས་པ། བཙུན་པ་ཤཱ་རིའི་བུ་ཁྱོད་དགྲ་བཅོམ་པ་ཟག་པ་ཟད་པ་མི་ཤེས་

eKangyur, UT4CZ5369-I1KG9177-0000, page 592 (296b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh118/UT22084-051-006-223#UT22084-051-006-223