ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ།

The King of the Array of All Dharma Qualities
F.185.b

Sarva­dharma­guṇa­vyūha­rāja
F.185.b, volume 51, Degé Kangyur

དང་། བཞོན་པ་རྣམས་ཀྱིས་མཆོད་པར་བགྱིད་པ་དེ་དག་གིས་ནི། དེ་བཞིན་གཤེགས་པ་ཐམས་ཅད་ལ་མཆོད་པ་བགྱིད་པ་ལགས་སོ། །​བཅོམ་ལྡན་འདས་དེ་ནི་བདག་དང་བྱང་ཆུབ་སེམས་དཔའ་ཐམས་ཅད་ལ་ཡང་མཆོད་པའི་མཆོག་གིས་མཆོད་པ་བགྱིད་པ་ལགས་སོ། །​རྒྱལ་སྲིད་ཐམས་ཅད་ལ་ཡང་བདག་གིས་བསྲུང་བར་བགྱིའོ། །​བསམ་པ་ཐམས་ཅད་ཀྱང་ཡོངས་སུ་རྫོགས་པར་བགྱིའོ། །​རྒྱལ་སྲིད་ཐམས་ཅད་ལ་ཡང་མཆོད་པར་འགྱུར་བར་བགྱིའོ། །​བཅོམ་ལྡན་འདས་བདག་གིས་ཀྱང་ཆོས་ཉན་པ་དེ་དག་གི་དོན་དུ་གཟུངས་ཀྱི་གསང་སྔགས་ཀྱི་ཚིག་རྣམས་རྗེས་སུ་སྩལ་བར་འཚལ་ལོ། །​བསམ་པ་ཐམས་ཅད་ཀྱང་ཡོངས་སུ་རྫོགས་པར་བགྱིའོ། །​སྙིང་བླས་སུ་ཡང་བགྱིའོ། །​བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་རྣམས་ཀྱི་དོན་གྱི་ཕྱིར་སྨྲོས་ཤིག །​དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་གཟུངས་ཀྱི་གསང་སྔགས་ཀྱི་ཚིག་འདི་དག་སྨྲས་སོ། །​ན་མཿསརྦ་ཏ་ཐཱ་ག་ཏཱ་ནཱཾ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ན་མཿསརྦ་བུད་དྷ་བོ་དྷི་ས་ཏྭཱ་ནཱཾ། ན་མཿསརྦ་མ་ཧཱ་ར་དྷི་ཀེ་བྷྱཿ། ཏདྱ་ཐཱ། ཧུ་ཧུ་ཧེ་ཧེ། མ་ཏི་མ་ཏི། མ་ཧཱ་མ་ཏི། བཛྲ་མ་ཏི། དྲྀ་ཌྷ་བཛྲ་མ་ཏི། ཏ་ཐཱ་ག་ཏ་ཨ་ནུ་པ་རི་པཱ་ལི་ཏེ། ས་ར་ས་ར། ཨ་ཡོ་མུ་ཁི་བྷྲྀ་ཀུ་ཊི། བྷྲྀ་ཀུ་ཊ་མུ་ཁི། ཀྲི་པེ་ཀྲི་པཱ་མུ་ཁི། ས་ཏྱ་བ་ཙ་ན། མ་ནུ་སྨ་ར། བྷ་ག་བཱན་བཛྲ་པཱ་ཎི། སརྦ་ཀརྨ་ཨཱ་བ་ར་ཎཱ་ནི་ཀྵཱ་པ་ཡ། སརྦ་ཨཱ་ཤ་ཡ་པ་རི་པཱུ་ར་ཡ། དེ་ཧི་མེ་བ་ར་མ། བུད་དྷ་སཏྱེ་ན། བོ་དྷི་སཏྭཱ་སཏྱེ་ན་སྭཱ་ཧཱ། བཙུན་པ་བཅོམ་ལྡན་འདས་གང་ལ་ལ་བྱང་ཆུབ་སེམས་དཔའི་ས་བཙལ་འཚལ་བ་དང་། དེ་བཞིན་གཤེགས་པ་བལྟ་བ་དང་། སངས་རྒྱས་ཀྱི་ཞིང་དུ་སྐྱེ་བ་དང་། རྒྱལ་སྲིད་དང་། ལོངས་སྤྱོད་འཚལ་བ་དང་། ཡུལ་གྲུ་འཚལ་བ་དང་། ནོར་འཚལ་བ་དང་། འབྲུ་འཚལ་བ་དེས་ནི་ཆོས་ཀྱི་རྣམ་གྲངས་འདི་དང་། ཆོས་སྨྲ་བ་དེ་ལ་མཆོད་པ་ཆེན་པོས་མཆོད་པར་བགྱིའོ། །​གང་ཡི་གེར་འདྲི་བ་དང་། འཆང་བ་དང་། ཀློག་པ་དེ་ལ་ཡང་སྤོས་དང་། མེ་ཏོག་ཕྲེང་དང་། བྱུག་པ་དང་། མལ་ཆ་དང་། སྟན་དང་། གོས་དང་། རྒྱན་རྣམས་དང་། གདུགས་

eKangyur, UT4CZ5369-I1KG9177-0000, page 370 (185b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh114/UT22084-051-002-251#UT22084-051-002-251