དགེ་བའི་རྩ་བ་ཡོངས་སུ་འཛིན་པ།

Upholding the Roots of Virtue
F.38.b

Kuśala­mūla­saṃparigraha
F.38.b, volume 48, Degé Kangyur

ཁ་དོག་དང་བྲལ་བ་སྤྱོད་ཡུལ་པ། ཁ་དོག་མེད་པ། སྤྱོད་ཡུལ་པ་དེ་དག་ནི་ཤས་ཆེར་རྨོངས་པར་འགྱུར་རོ། །​རྨོངས་པ་དེ་དག་ནི་ཞིང་ལས་བྱེད་པར་འགྱུར་ཞིང་། མཚོན་ཆ་སྣ་ཚོགས་ཀྱིས་འདེབས་པ་ལྷུར་ལེན་པར་ཡང་འགྱུར་རོ། །​དེ་དག་གི་མངོན་པར་འདུ་བྱེད་པ་དེ་ནི་རྨོངས་པ་ཡིན་ནོ། །​དེ་ལ་དེ་བཞིན་གཤེགས་པས་ནི་དངོས་པོ་མཉམ་པ་ཉིད་ཀྱིས་ལྟ་བ་མཉམ་པ་ཉིད་རྗེས་སུ་སངས་རྒྱས་ཤིང་། དེ་རྗེས་སུ་སངས་རྒྱས་པས་ཡང་དག་པའི་ལྟ་བ་འདོགས་པར་མངོན་པར་མཛད་དེ། ལྟ་བ་དེ་ནི་མཉམ་པ་ཡིན་པས་དེས་ན་ཡང་དག་པའི་ལྟ་བ་ཞེས་བྱའོ། །​ཡང་དག་པར་བརྩོན་པ་རྣམས་དང་། ཡང་དག་པར་རྣམ་པར་གྲོལ་བ་རྣམས་ཀྱི་ལྟ་བ་དེ་ནི་ཡང་དག་པར་ཞུགས་པ་ཡིན་པས་དེས་ན་ཡང་དག་པའི་ལྟ་བ་ཞེས་བྱའོ། །​ཤ་ར་དྭ་ཏིའི་བུ་ངས་ཡང་དག་པའི་ལྟ་བ་གང་བཤད་པ་དེ་ནི་སྒྲས་བསྟན་པར་མི་ནུས་ཏེ། བསྟན་པར་བཟོད་པར་དཀའ་བ་ཡིན། ཤ་ར་དྭ་ཏིའི་བུ་དེ་ལ་སྒྲུབས་ཤིག་དང་བསྒྲུབས་ན་ཁྱེད་ཅག་ཀྱང་མུན་པ་མེད་པར་འགྱུར་རོ། །​ཤ་ར་དྭ་ཏིའི་བུ་ཆོས་ཀྱི་ཕུང་པོ་འདི་ནི་འཁོར་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དང་ལྡན་པ་ཞེས་བྱའོ། །​འདི་ནི་འདུས་བྱས་དང་། འདུས་མ་བྱས་ཀྱི་ཆོས་ཐམས་ཅད་ཀྱི་སྒོ་ཡིན་ཏེ། ཆོས་ཀྱི་ཚུལ་ཡང་དེ་ཡིན་ནོ། །​དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཆོས་ཀྱི་ཕུང་པོ་བསྟན་པ་འདི་བཤད་པ་ན་ཁྲག་ཁྲིག་ཕྲག་བདུན་ཅུ་རྩ་བདུན་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །​འདོད་པ་ན་སྤྱོད་པའི་ལྷ་ཁྲག་ཁྲིག་ཀྱང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །​མིའི་སྐྱེ་དགུའི་སེམས་ཅན་དཔག་ཏུ་མེད་པ་དག་ཀྱང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །​འཛམ་བུའི་གླིང་པ་བྱེ་བ་བརྒྱ་ཕྲག་ཇི་སྙེད་ཡོད་པ་དང་། དེ་དག་གི་ནང་ན་བྱང་ཆུབ་སེམས་དཔའ་གང་དག་གནས་པ་དེ་དག་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །​སེམས་ཅན་དཔག་ཏུ་མེད་པ་དག་གིས་ནི་བླ་ན་མེད་

eKangyur, UT4CZ5369-I1KG9174-0000, page 76 (38b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh101/UT22084-048-001-4092#UT22084-048-001-4092