དགེ་བའི་རྩ་བ་ཡོངས་སུ་འཛིན་པ།

Upholding the Roots of Virtue
F.225.b

Kuśala­mūla­saṃparigraha
F.225.b, volume 48, Degé Kangyur

གང་ཡང་ཆོས་དེ་ཚོལ་བྱེད་ཅིང་། །​སངས་རྒྱས་མཐོང་བར་འདོད་བྱེད་པ། །​དེ་ཡིས་མྱུར་བར་འདི་འདྲའི་ཆོས། །​ཏིང་ངེ་འཛིན་འདི་བཙལ་བར་བྱ། །​གང་དག་ཏིང་འཛིན་དེ་ཐོབ་ནས། །​དགའ་བ་བཟང་པོ་སྐྱེད་བྱེད་པ། །​སངས་རྒྱས་སྟོང་ཕྲག་མང་པོ་དག །​དེ་དག་གིས་ནི་སྔོན་ཆད་ཤེས། །​ཏིང་ངེ་འཛིན་གྱི་ལས་ཀྱི་ལེའུ་སྟེ་བཅུ་བཞི་པའོ།​། །​།བརྟན་པའི་བློ་གྲོས་གཞན་ཡང་མངོན་པར་ཤེས་པ་མྱུར་བ་ཉིད་དུ་བྱ་བའི་ཕྱིར་དེ་བཞིན་གཤེགས་པའི་མཆོད་རྟེན་མཆོད་པ་དང་། ཕྱིར་བཅོས་པ་དང་། བྱི་དོར་བྱ་བ་ལྷུར་བླང་བར་བྱ་སྟེ། བརྟན་པའི་བློ་གྲོས་དེ་ལ་རིགས་ཀྱི་བུའམ། རིགས་ཀྱི་བུ་མོ་གང་ཞིག་དེ་བཞིན་གཤེགས་པའི་མཆོད་རྟེན་བྱི་དོར་བྱེད་པ་དེ་ནི་སྨོན་ལམ་གྱི་མཆོག་རྣམ་པར་དག་པ་བཞི་རྗེས་སུ་འཐོབ་པོ། །​བཞི་གང་ཞེ་ན། གཟུགས་ཀྱི་སྨོན་ལམ་གྱི་མཆོག་རྣམ་པར་དག་པ་དང་། དལ་བ་ཕུན་སུམ་ཚོགས་པའི་སྨོན་ལམ་གྱི་མཆོག་རྣམ་པར་དག་པ་དང་། ཡང་དག་པར་བླང་བ་བརྟན་པའི་སྨོན་ལམ་གྱི་མཆོག་རྣམ་པར་དག་པ་དང་། དེ་བཞིན་གཤེགས་པ་བལྟ་བའི་སྨོན་ལམ་གྱི་མཆོག་རྣམ་པར་དག་པའོ། །​སྨོན་ལམ་དགེ་བས་བསྐྱེད་པ་ཡིས། །​མངོན་གྲུབ་དེ་བཞིན་གཤེགས་རྣམས་འབྱུང་། །​དམིགས་པའི་རབ་ཏུ་དབྱེ་བ་ཡིས། །​ཇི་ལྟར་སྤྲུལ་པ་འབྱུང་བ་བཞིན། །​ཞབས་མཐིལ་ཞབས་སོར་འོག་འཁོར་ལོ། །​དཔེ་བྱད་ལས་ནི་འབྱུང་བར་འགྱུར། །​དཔེ་བྱད་བཟང་འབྱོར་འདི་འདྲ་བ། །དེ་ནི་བཤད་བྱས་དེ་ཉོན་ཅིག །​དེ་བཞིན་ང་ཡི་དཔེ་བྱད་རབ་ཏུ་གསལ། །​ང་ཡི་སོར་མོ་དག་ལ་འཐུན་པར་གནས། །​ཡང་དག་འཕགས་ཤིང་རྗེས་སུ་འཐུན་པར་གནས། །​དེ་ཡི་ཡངས་པར་གནས་པ་ཡང་དག་འཕགས། །​དེ་ཡི་འོད་ཟེར་གནས་པ་མངོན་དུ་འཕགས། །​འོད་ཟེར་བྱེ་བ་ཇི་བཞིན་རབ་ཏུ་སྣང་། །​ལྷུན་པོ་བཞིན་དུ་འོད་ཀྱིས་ཡང་དག་འབྱུང་། །​དེ་ཡི་སྟེང་ན་འོད་ཟེར་དྲ་བ་ཅན། །​སྙིང་པོ་བསགས་པའི་དཔེ་བྱད་དེ་དག་ལ། །​དེ་ཚེ་འོད་ཟེར་གནས་པ་བྱེ་ཕྲག་བཅུ། །​དེ་ཚེ་ཀུན་གྱི་མིང་ནི་གཞན་དང་གཞན། །​དེ་ཚེ་འོད་དང་མདོག་ཀྱང་གཞན་དང་གཞན། །​ང་ཡི་འོད་ཟེར་གཅིག་ལས་འོད་སྟོང་འབྱུང་། །​དེ་ཚེ་ཐམས་ཅད་ཁ་དོག་དུ་མར་གནས། །​སྟོང་གསུམ་གྱི་ནི་ས་དེ་བཤིག་ནས་སུ། །​འོག་ཏུ་དེ་དག་སངས་རྒྱས་མཛད་པ་བྱེད། །​ང་ནི་སངས་རྒྱས་འོད་ཀྱིས་བྱུང་བ་ཡིན། །​ང་ནི་ལས་ཀྱི་འབྲས་བུས་འོངས་མ་ཡིན། །​དེ་བཞིན་གཤེགས་པའི་འོད་དེ་མཐོང་ནས་སུ། །​སྐྱེས་པ་བུད་མེད་དག་ནི་མྱོས་པར་འགྱུར། །​བསྐལ་པ་བྱེ་བ་མང་པོར་མངོན་པར་སྤྲུལ། །​ཡང་ན་སངས་རྒྱས་ཞིང་བཀོད་

eKangyur, UT4CZ5369-I1KG9174-0000, page 448 (225b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh101/UT22084-048-001-4464#UT22084-048-001-4464