དགེ་བའི་རྩ་བ་ཡོངས་སུ་འཛིན་པ།

Upholding the Roots of Virtue
F.147.b

Kuśala­mūla­saṃparigraha
F.147.b, volume 48, Degé Kangyur

བས་ན་གནས་དེ་དག་ཐོབ་ནས་མ་སྤོང་ཤིག །​གཞོན་ནུ་ཁོ་བོ་ནི་གནས་དེ་དག་ཉིད་སྟོན་པར་འདོད་པ་དང་། ཉེ་བར་རྗོད་པར་འདོད་པ་ཡིན་ན་ཁྱོད་ནི་ལན་འདེབས་པར་འདོད་པས་ཉན་ནོ། །​གལ་ཏེ་ཁོ་བོས་རྗེས་སུ་བསྟན་པ་ལ་གནས་ན་དེ་ནི་ཁྱོད་ཀྱི་རྗེས་སུ་བསྟན་པ་ཡིན་གྱིས་ཉོན་ལ་རིག་པར་བྱོས་ཤིག །​དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་བདུད་བརྗེད་ངས་ལ་འདི་སྐད་ཅེས་སྨྲས་སོ། །​ཀྱེ་མི་ཁྱོད་ལ་རྗེས་སུ་ཡི་རང་ངོ་། །​གང་ཁྱོད་འདི་སྐད་དུ་སྐྱེ་བ་དང་། རྒ་བ་དང་། ན་བ་དང་། འཆི་བ་ནི་སྡུག་བསྔལ་བའོ། །​ཡང་དང་ཡང་དུ་འཁོར་བའི་བར་དུའང་དེ་བཞིན་ནོ་ཞེས་ཟེར་བ་ནི་མངོན་པར་རྗེས་སུ་ཡི་རང་ངོ་། །​ཀྱེ་མི་ཡང་ཁྱོད་ཀྱིས་མྱུར་དུ་ཡོངས་སུ་མྱ་ངན་ལས་འདའ་བར་གྱིས་ཤིག་ཅེས་བརྗོད་དེ། ཀྱེ་མི་ཁྱོད་ཀྱི་ཚིག་དེ་ཐོས་ནས་ཁོ་བོ་ནི་སེམས་ཅན་རྣམས་ལ་སྙིང་རྗེ་ཤས་ཆེར་སྐྱེས་ཏེ། སེམས་ཅན་འདི་དག་ནི་ཡང་དང་ཡང་སྐྱེ་བ་དང་། རྒ་བ་དང་། ན་བ་དང་། འཆི་བས་གཟིར་བ་ཡིན་ཏེ། བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སེམས་ཅན་དེ་དག་ཡང་དང་ཡང་དུ་སྐྱེ་བ་དང་། རྒ་བ་དང་། ན་བ་དང་། འཆི་བའི་དབང་དུ་གྱུར་པར་མི་འགྱུར་བར་སྐྱེ་བ་དང་། རྒ་བ་དང་ན་བ་དང་འཆི་བའི་འཇིགས་པ་ལས་ཡོངས་སུ་ཐར་བར་བྱའོ་སྙམ་མོ། ཀྱེ་མི་ཁྱོད་ཁོ་བོ་ལ་འདི་སྐད་དུ་མྱ་ངན་ལས་འདས་པ་ཐོབ་ནས་འཁོར་བའི་སྡུག་བསྔལ་དག་རབ་ཏུ་སྟོན་པ་ནི་ངོ་མཚར་ཏེ། ཁོ་བོས་དེ་དག་ཐོས་ནས་སེམས་ཅན་རྣམས་ལ་སྙིང་རྗེ་ཆེན་པོ་ཤས་ཆེར་སྐྱེས་སོ། །​གལ་ཏེ་ཁོ་བོ་ཡོངས་སུ་མྱ་ངན་ལས་འདས་ན་སེམས་ཅན་དེ་དག་གི་སྐྱོབ་པར་འགྱུར་བ་དང་། ཐར་བར་བྱེད་པར་འགྱུར་བ་སུ་ཡིན། དེ་ནས་བདུད་བརྗེད་ངས་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་འདི་སྐད་ཅེས་སྨྲས་སོ། །​གཞོན་ནུ་ཁྱོད་ཀྱིས་འདི་སྐད་དུ་གང་ལ་སྐྱོན་ཆེས་ཉུང་བ་དེ་ཡང་བསྟེན་པར་བྱ་བ་མ་ཡིན་ནོ་ཞེས་མ་སྨྲས་སམ་སྨྲས་པ། ཀྱེ་མི་དེ་དེ་བཞིན་ཏེ། གང་ལ་སྐྱོན་ཆེས་ཉུང་བ་དེ་ཡང་བསྟེན་པར་བྱ་བ་མ་ཡིན་ནོ། །​ཀྱེ་མི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་སྐྱོན་མེད་པ་སྟེ། དེ་ལྟ་བས་ན་དེ་ནི་བསྟེན་པར་བྱ་བ་ཡིན་ནོ། །​དེ་ནས་བདུད་བརྗེད་

eKangyur, UT4CZ5369-I1KG9174-0000, page 294 (147b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh101/UT22084-048-001-4310#UT22084-048-001-4310