སངས་རྒྱས་ཐམས་ཅད་ཀྱི་ཡུལ་ལ་འཇུག་པའི་ཡེ་ཤེས་སྣང་བའི་རྒྱན།

The Ornament of the Light of Awareness That Enters the Domain of All Buddhas
F.283.b

Sarva­buddha­viṣayāvatāra­jñānālokālaṃkāra
F.283.b, volume 47, Degé Kangyur

ཏེ། སིལ་སྙན་དང་ཕེག་རྡོབ་དང་། གླུ་དབྱངས་ཀྱི་སྒྲ་ཐམས་ཅད་ཞི་བར་བྱས་ནས། འདོད་པའི་རྩེད་མོ་དང་། དགའ་བ་དང་། ལོངས་སྤྱོད་ཡིད་ལ་བྱེད་པ་བཏང་སྟེ། གུས་པ་དང་བཅས་པས་ཐལ་མོ་སྦྱར་ནས། ཚངས་པ་ཆེན་པོ་དེ་ལ་མིག་མི་འཛུམས་པར་ལྟ་བར་བྱེད་དོ། །​ཚངས་པ་ཆེན་པོ་དེ་ཡང་གནས་ནས་མི་གཡོ་བར་ལྷའི་བུ་ཐམས་ཅད་ཡུད་ཙམ་ཞིག་བདག་ལྟར་འཇུག་པར་བྱེད་དེ། དེའི་ཚེ་ན་ལྷའི་བུ་དེ་དག་ཚངས་པའི་འཇིག་རྟེན་དུ་སྐྱེ་བར་འདོད་ཅིང་། དགེ་བའི་རྩ་བ་རྣམས་ཀྱང་ཚངས་པའི་འཇིག་རྟེན་དུ་སྐྱེ་བར་བྱ་བའི་ཕྱིར་ཡོངས་སུ་སྔོ་བར་བྱེད་དོ། །འཇམ་དཔལ་ཚངས་པ་ཆེན་པོ་དེ་ཡང་ཚངས་པའི་གཞལ་མེད་ཁང་དེ་ནས་འཆི་འཕོ་བར་མི་བྱེད་བཞིན་དུ། སྔོན་གྱི་སྨོན་ལམ་གྱི་བྱིན་གྱིས་བརླབས་དང་། ལྷའི་བུ་དེ་དག་གི་སྔོན་གྱི་དགེ་བའི་རྩ་བ་བསགས་པའི་མཐུས། སྟོང་གསུམ་འབུམ་ཕྲག་བཅུ་ལ་དབང་སྒྱུར་བའི་ཚངས་པ་ཆེན་པོ་ཟིལ་གྱིས་མི་ནོན་ཅིང་ཟིལ་གྱིས་གནོན་པར་བྱེད་པ་གཞན་ཞིག་བྱིན་གྱིས་རློབ་པར་བྱེད་དོ། །​འཇམ་དཔལ་སྤྲུལ་པའི་ཚངས་པ་ཆེན་པོ་དེ་ཡང་ཉིན་གཅིག་བཞིན་དུ་རྒྱལ་ཆེན་བཞིའི་རིས་ཀྱི་མཐར་ཐུག་པའི་བར་གྱི་ལྷའི་རིས་ཐམས་ཅད་ལ་རྣམ་པར་ལྟ་བར་བྱེད་དེ། འཇམ་དཔལ་དེའི་ཚེ་ན། ལྷའི་རིས་ཐམས་ཅད་ཀྱི་ནང་ན་ལྷའི་བུ་ཐམས་ཅད་རང་རང་གི་འདོད་པའི་རྩེད་མོ་དང་། དགའ་བ་དང་། ལོངས་སྤྱོད་དག་སྤངས་ཏེ། སིལ་སྙན་དང་། ཕེག་རྡོབ་པ་དང་། གླུ་དབྱངས་ཀྱི་སྒྲ་ཐམས་ཅད་ཞི་བར་བྱས་ནས། འདོད་པའི་རྩེད་མོ་དང་། དགའ་བ་དང་། ལོངས་སྤྱོད་ཡིད་ལ་བྱེད་པ་བཏང་སྟེ། གུས་པ་དང་བཅས་པས་ཐལ་མོ་སྦྱར་ནས། ཚངས་པ་ཆེན་པོ་དེ་ལ་མིག་མི་འཛུམས་པར་ལྟ་བར་བྱེད་དོ། །​སྤྲུལ་པའི་ཚངས་པ་ཆེན་པོ་དེ་ཡང་གནས་ནས་མི་གཡོ་བར་ལྷའི་བུ་ཐམས་ཅད་ཡུད་ཙམ་ཞིག་བདག་ལ་བལྟར་འཇུག་པར་ཡང་བྱེད་དེ། དེའི་ཚེ་ན་ལྷའི་བུ་དེ་དག་ཀྱང་ཚངས་པའི་འཇིག་རྟེན་དུ་སྐྱེ་བར་འདོད་ཅིང་དགེ་བའི་རྩ་བ་རྣམས་ཀྱང་ཚངས་པའི་འཇིག་རྟེན་དུ་སྐྱེ་བར་བྱ་བའི་ཕྱིར་ཡོངས་སུ་སྔོ་བར་ཡང་བྱེད་དོ། །​འཇམ་དཔལ་དེ་ལ་ནི་ཚངས་པ་ཡོད་པ་མ་ཡིན་ཏེ། འཇམ་དཔལ་ཚངས་པ་དེ་ནི་སྟོང་པ་ཡ་མ་བརླ། མ་བྱུང་བ་ཡི་གེ་མེད་པ། སྒྲ་མེད་པ་

eKangyur, UT4CZ5369-I1KG9173-0000, page 566 (283b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh100/UT22084-047-002-405#UT22084-047-002-405